Amos 8:10 - Mbeti ti Nzapa - Tënë so amu fini

¹⁰ Fade mbi yeke sara si amatanga ti ala aga ngoi ti vundu; abia ti ala ayeke ga abia ti totongo kuâ. Fade mbi yeke sara si azo kue ayeke yu bongo ti mua si ala yeke kio kua ti li ti ala; mbi yeke sara si ala yeke sara mua tongana ti so a yeke sara mua ndali ti oko molenge ti ya ti sewa so akui. Na lango ni so, fade aye so kue ayeke hunzi na ya ti mawa.”

Amos 8:10 ပူးပေါင်းရင်းမြစ်များ

Tongo nda ti aye 21:16

Lo gue, lo duti yongoro, alingbi na yongo ti ndo so, tongana zo apika kokora ague, ati daa. Lo yeke tene na be ti lo, lo tene: “Mbi ye ti duti ti baa molenge ni akui na le ti mbi pepe!” Lo duti yongoro na molenge ni si lo to nda ti toto.

Mbeti ti Job 20:23

Na ndembe so lo yeke te kobe titene ya ti lo asi, Nzapa ayeke tokua sioni ngonzo na ndö ti lo; ngonzo ni ayeke tuku na ndö ti lo si ayeke ga kobe ti lo ti tengo ni.

Mbeti ti Job 3:5

Ayeke nzoni vukongo ndo na ndo so avuko ahon ndoni akanga ndö ti lango ni so! Vukongo mbinda amu ndö ti lo! Na kota lâ, ndo so avuko vukongo azia kota mbeto na be ti lango ni so!

Mbeti ti Job 30:31

Kundi ti mbi aga gi ye ti totongo na kuâ; *ngoli ti mbi ayeke toto na gbe ti abia ti azo ti totongo kuâ.

Ésaïe 3:24

Afungo ka laa ayeke mu plase ti yombo, senge kamba laa ayeke mu plase ti pendere kamba ti ndö ti bongo, kiongo kua ti li laa ayeke mu plase ti pendere pete, agbagba bongo laa ayeke mu plase ti abongo ti matanga. Kamene laa ayeke mu plase ti sarango pendere.

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Jérémie 48:37

Akoli kue akio kua ti li ti ala, ala fâ kua ti yanga ti ala, ala suru tere ti amaboko ti ala na ka si ala yu bongo ti mua.

Jérémie 6:26

“Ala azo ti mbi, ayeke nzoni ala yu bongo ti mua, ala rule tere ti ala na ya ti fuku ti sese, ala sara aye so kue zo ayeke sara na ngoi ti mua, ala toto na ngu ti le tongana ti so zo ayeke toto ndali ti oko molenge ti lo ti koli so akui. Biani, gi hio tongaso, wato ayeke ga ti hunzi e kue!”

Abia ti demango tere 5:15

Ngia ti be ti e kue ahunzi, adodo ti e ahunzi awe; aga gi totongo akuâ.

Ezekiel 7:18

Ala yeke yu bongo ti mua, ala yeke do na mbeto. Kamene ayeke gbu le ti ala, ala yeke kio kua ti li ti ala.

Ezekiel 7:2

“Ti mo, *molenge ti zo, tënë so Kota Gbia NZAPA atene na azo ti sese ti Israel ayeke so: Ye kue ahunzi awe! Ye kue ahunzi ngbii asi na ndangoro osio ti kodro ni.

Osée 2:11

Ndani laa, na ngoi ti fango ale ti kobe, fade mbi yeke ga ti zi na maboko ti lo aye so kue mbi mu na lo: ale ti ble na fini vin; mbi yeke zi na tere ti lo bongo so a sara na kua ti tere ti taba, na bongo ti len so ahonde fade tere ti lo so ayeke ndumbu so.

Osée 2:13

Fade mbi yeke sara titene ngia ti lo, amatanga ti lo, amatanga ti lo ti fini nze, alango ti lo ti wungo tere nga na akota matanga ti lo akai.

Joël 1:8

Ala azo, ala dema tere ti ala tongana maseka-wali so ayu bongo ti mua si lo yeke toto kuâ ti koli ti lo ti maseka.

Awayango-sandaga 13:40

“Tongana kua ti li ti mbeni koli atuku kue, lo ga li-mbombo awe; lo yeke *nzoni.

Amos 5:21

*KOTA GBIA atene: “Amatanga ti ala so ala yeke sara so, mbi ke ni, mbi ye ti baa ni mbeni pepe; abongbi ti ala, mbi lingbi ti kanga be ti mbi na ni mbeni pepe.

Amos 5:23

Ala zia ti so mê ti mbi na abia ti ala ni; mbi ye ti ma go ti kundi ti ala pepe.

Amos 8:3

Na lango ni so, abia so azo ayeke he na yangbo ti gbia ayeke ga abia ti demango tere. Gba ti akuâ ayeke si singo na ndo kue, a yeke bi akuâ ni na ando kirikiri si ndo ayeke de ngii”; so tënë ti yanga ti Kota Gbia NZAPA laa!

Nahum 1:10

Awato ti ala ni ayeke tongana gba ti akeke ti ki so ali ya ti tere kirikiri; awato ni anyon samba ahon ndö ti ala awe. Fade ala yeke gbi kue tongana holengo pere.

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Ndia ti fani use ni 16:14

Ala yeke sara matanga ni na ngia, ala na amolenge ti ala ti koli na ti wali, na azo ti kua ti ala ti koli na ti wali, na azo ti mara ti Lévi so aduti na ya ti agbata ti ala, azo ti Israel, na awande, anyindu nga na awali-mua so ayeke na popo ti ala.