Amos 7:9 - Mbeti ti Nzapa - Tënë so amu fini

⁹ Ando so *ahale ti Isaac aleke na nduzu ti voro anzapa daa, fade a yeke buba ni kue; ando ti vorongo nzapa ti azo ti Israel, fade a yeke kungbi ni kue na sese, fade mbi yeke londo na bira na tere ti azo ti sewa ti gbia Yeroboam.

Amos 7:9 ပူးပေါင်းရင်းမြစ်များ

Tongo nda ti aye 46:1

Jacob alondo, lo mu aye ti lo kue si lo mu lege ti gue. So lo si na Bersheba, lo mu *asandaga na Nzapa, Nzapa ti babâ ti lo Isaac.

2 Agbia 14:24

Lo sara ye so ayeke sioni na le ti *KOTA GBIA. Siokpari so kue Yeroboam, molenge ti Nebat apusu lani azo ti Israel si ala sara ni so, Yeroboam azia lege ni oko pepe.

Ésaïe 63:18

E azo ti mo so e yeke nde si e yeke nzoni kue, e mu sese ni aga ti e aninga pepe. Awato ti e ado na gbe ti gere ti ala da ti mo so ayeke nde si ayeke nzoni kue.

Jérémie 51:51

“Kamene ahon ndö ti e na ndembe so e ma zonga so azo azonga na e. Li ti e kue aba na kamene na ndembe so awande ali na da ti KOTA GBIA so ayeke nde si ayeke nzoni kue.”

Ezekiel 6:3

mo tene: Ahoto ti Israel, ala ma tënë ti Kota Gbia NZAPA! Baa, tënë so Kota Gbia NZAPA atene na azo ti ahoto na azo ti akete hoto, azo ti gbe ti ahoto na azo ti popo-hoto ayeke so: Fade mbi wani, mbi yeke ga na bira na tere ti ala, mbi yeke buba ando so ala leke na nduzu si ala yeke voro anzapa ti ala daa so.

Osée 10:8

Ando so azo aleke na nduzu ti voro anzapa ti mvene daa so, fade a yeke buba ni kue; ando ni so laa ayeke siokpari ti azo ti Israel. Fade akamba ti ki na aki ayeke kanga ndö ti agbalaka ti ala. Fade azo ti Samarii ayeke tene na akota hoto: “Ala kanga ndö ti e!” Ala yeke tene na akete hoto: “Ala ti na ndö ti e!”

Amos 3:14

Na lango so mbi yeke ga na tere ti azo ti Israel ndali ti asioni sarango ye ti ala, gi na lango so laa mbi yeke ga ti buba agbalaka so ayeke na Betel; fade a yeke kungbi adidi ti gbalaka ni si ala yeke ti na sese.

Amos 5:5

Me ala gue, agi mbi na Betel pepe, ala li na Gilgal pepe, ala gue, asi kâ na Bersheba pepe. Biani, fade a yeke gbu azo ti Gilgal kue ti gue na ala na kodro wande si Betel, da ti Nzapa ayeke ga da ti ayanda.”

Amos 7:11

Amos atene: ‘Gbia Yeroboam ayeke kui ande kuâ ti bira si a yeke gbu azo ti Israel kue kue kue ti gue na ala yongoro na tere ti kodro ti ala.’ ”

Amos 7:13

Me na Betel, kiri mo tene peko ti tënë ti yanga ti Nzapa ni pepe, ngbanga ti so ndo so ge so ayeke ndo ti vorongo Nzapa ti gbia laa; ndo so kota da-Nzapa ti gbia ayeke daa laa!”

Amos 8:14

Azo so kue ayeke deba na iri ti sioni yanda ti Samarii, ala so kue ayeke deba, atene: ‘nzapa ti Dan ayeke na fini!’, ‘lege ti vorongo nzapa ti Bersheba ayeke daa.’ Fade azo so kue ayeke ti na sese, ala yeke kiri ti londo pepe.”

Amos 9:1

Mbi baa Kota Gbia aluti na nduzu na ndö ti gbalaka, lo tene: “Alingbi ala kungbi ali ti akota yongoro gere ti kota da ti Nzapa si agere ti da ni ayingi. Ala fâ li ti da ni si da ni atuku na ndö ti azo kue. Azo so angba na fini, fade mbi yeke sara si ala kui kuâ ti yongoro zeme; zo oko alingbi ti kpe pepe, zo oko alingbi ti soo kuâ pepe.

Mishe 1:5

Aye so kue asi ndali ti ngangu li ti *ahale ti Jacob, ndali ti asiokpari ti azo ti Israel. Zo wa laa ayeke pusu azo ti Jacob titene ala ga azo ti ngangu li? Ayeke azo ti Samarii pepe? Zo wa laa ayeke pusu azo ti Juda titene ala voro anzapa nde na ndo so ayeke na nduzu so? Ayeke azo ti Jérusalem pepe?