Amos 7:8 - Mbeti ti Nzapa - Tënë so amu fini

⁸ KOTA GBIA ahunda mbi, atene: “Amos, nyen laa mo baa, nyen?” Mbi kiri tënë: “Mbi baa kamba ti mason.” KOTA GBIA akiri atene: “Mbi ga ti zia kamba ni na popo ti azo ti Israel, azo ti mbi, ti baa wala ala luti mbirimbiri. Mbi yeke kiri ti kanga le na ndö ti sioni ti ala mbeni pepe.”

Amos 7:8 ပူးပေါင်းရင်းမြစ်များ

2 Agbia 21:13

Fade mbi yeke buba gbata ti Jérusalem tongana ti so mbi buba ando gbata ti Samarii kue si mbi fâ azo ti sewa ti Akab kue so. Mbi yeke sara titene Jérusalem aga tongana sembe so zo asu ya ni si akuku ni na sese.

Ésaïe 28:17

Mbi yeke mu sarango ye na legeni tongana kamba ti hakango na ye, ye ti mbirimbiri tongana kamba ti amason.” Me fade *pembe ti bekpa ayeke zi ndo ti batango tere ti ala ti mvene ti hon na ni, ngu ayeke suku ti mu ndo ti hondengo tere ti ala.

Ésaïe 34:11

Kodro ni ayeke ga ti andeke ti bi na ti abelu; akete ndeke ti bi na *akpakpo ayeke lango daa. KOTA GBIA ayeke gboto kamba ti haka na ni si lo yeke buba ni; lo yeke haka ni, ayeke ga senge, ye oko ayeke daa pepe.

Jérémie 15:6

So tënë ti yanga ti KOTA GBIA laa: Mo laa mo zia mbi, mo zia peko ti mo na mbi. Nilaa mbi yoro maboko ti mbi ti fâ mo. Mbi baa mawa ti mo alingbi awe.

Abia ti demango tere 2:8

KOTA GBIA aleke na be ti lo ti kungbi kota gbagba ti bira ti azo ti Sion kue na sese. Lo gboto kamba na sese ti haka na ni; maboko ti lo ayeke ngba daa ngbii lo kungbi ni kue na sese si. Lo sara si ngangu gbagba ni na senge gbagba ni ati kue awe; so mawa! Ala use kue abuba gi legeoko.

Osée 1:6

Gomer akiri amu ngo si lo du molenge-wali. KOTA GBIA atene na Osée: “Mo di iri ti molenge ni Lo-Ruhama, ngbanga ti so, mbi yeke ngba ti ye azo ti Israel pepe, mbi yeke zi ndoye ti mbi kue na ala.

Amos 7:7

Ye so *KOTA GBIA akiri afa na mbi si mbi baa ni ayeke so: Kota Gbia wani aluti na ndö ti dere ti da, lo gbu kamba ti mason na maboko ti lo.

Amos 8:2

Lo hunda mbi, lo tene: “Amos, nyen laa mo baa, nyen?” Mbi kiri tënë: “Mbi baa mbeni sakpa so abengo le ti keke ayeke na ya ni.” Tongaso *KOTA GBIA atene na mbi: “Awe! Ti azo ti mbi, Israel, ye ni abe awe! Mbi yeke kiri ti kanga le na ndö ti sioni ti ala mbeni pepe.

Mishe 7:18

Mbeni nzapa wa laa alingbi na mo? Mo laa mo yeke zi siokpari ti tanga ti azo ti mo so angba na fini, mo yeke zia be ti mo na kpengbango li ti azo ni pepe. Ndali ti yengo so mo ye na tanga ti azo ti mo so angba na fini, mo yeke sara ngonzo na tere ti ala ngbii aninga pepe, me ye so anzere na be ti mo ayeke titene mo sara nzoni be na azo.

Zakarii 4:2

Lo hunda mbi, lo tene: “Nyen laa mo baa, nyen?” Mbi kiri tënë: “Mbi baa na ya ti mbeni ye tongana bango-li, mbeni gere ti alamba so a sara ni kue na lôro. Na mbage ti li ni, mbeni ta ti ziango mafuta na ya ni ayeke daa. Alamba mbarambara ayeke na ndö ti gere ti alamba ni; lamba oko oko ayeke na kamba mbarambara so mafuta ayeke hon na ya ni ti gue na ya ti alamba ni.

Zakarii 5:2

*Ange ni ahunda mbi, atene: “Mo baa nyen?” Mbi kiri tënë: “Mbi baa mbeni mbeti so ayeke huru na le ti nduzu; yongoro ni ayeke metere baleoko si nduru ni ayeke metere oku.”