Amos 7:7 - Mbeti ti Nzapa - Tënë so amu fini

⁷ Ye so *KOTA GBIA akiri afa na mbi si mbi baa ni ayeke so: Kota Gbia wani aluti na ndö ti dere ti da, lo gbu kamba ti mason na maboko ti lo.

Amos 7:7 ပူးပေါင်းရင်းမြစ်များ

Tongo nda ti aye 28:13

KOTA GBIA ayeke luti nduru na Jacob si atene na lo: “Mbi yeke KOTA GBIA, Nzapa ti babâ ti mo Abraham na Nzapa ti Isaac. Sese so mo yeke lango daa so, fade mbi yeke mu na mo, na *ahale ti mo.

2 Samuel 8:2

Lo hon nga ndö ti azo ti Moab na bira, lo zia ala, ala lango na sese, lo diko ala si na popo ti azo ota, lo fâ azo use si lo zia oko; lo sara gi tongaso ngbii asi na ndani. Nilaa azo ti Moab aga azo ti gbe ti David si ala yeke futa lapo na lo.

2 Agbia 21:13

Fade mbi yeke buba gbata ti Jérusalem tongana ti so mbi buba ando gbata ti Samarii kue si mbi fâ azo ti sewa ti Akab kue so. Mbi yeke sara titene Jérusalem aga tongana sembe so zo asu ya ni si akuku ni na sese.

Ésaïe 28:17

Mbi yeke mu sarango ye na legeni tongana kamba ti hakango na ye, ye ti mbirimbiri tongana kamba ti amason.” Me fade *pembe ti bekpa ayeke zi ndo ti batango tere ti ala ti mvene ti hon na ni, ngu ayeke suku ti mu ndo ti hondengo tere ti ala.

Ésaïe 34:11

Kodro ni ayeke ga ti andeke ti bi na ti abelu; akete ndeke ti bi na *akpakpo ayeke lango daa. KOTA GBIA ayeke gboto kamba ti haka na ni si lo yeke buba ni; lo yeke haka ni, ayeke ga senge, ye oko ayeke daa pepe.

Abia ti demango tere 2:8

KOTA GBIA aleke na be ti lo ti kungbi kota gbagba ti bira ti azo ti Sion kue na sese. Lo gboto kamba na sese ti haka na ni; maboko ti lo ayeke ngba daa ngbii lo kungbi ni kue na sese si. Lo sara si ngangu gbagba ni na senge gbagba ni ati kue awe; so mawa! Ala use kue abuba gi legeoko.

Ezekiel 40:3

KOTA GBIA amu mbi, ague na mbi kâ si mbi baa mbeni koli so tere ti lo ayeke tongana bengba wen, lo luti lutingo na tere ti yanga ti gbagba. Lo gbu na maboko ti lo aye use ti hakango na ye: mbeni kamba so a sara na *len nga na mbeni keke.

Amos 7:6

*KOTA GBIA azia lege ti ye so lo ye ti sara so si lo tene: “Ye ni so nga ayeke si ande pepe.”

Amos 7:8

KOTA GBIA ahunda mbi, atene: “Amos, nyen laa mo baa, nyen?” Mbi kiri tënë: “Mbi baa kamba ti mason.” KOTA GBIA akiri atene: “Mbi ga ti zia kamba ni na popo ti azo ti Israel, azo ti mbi, ti baa wala ala luti mbirimbiri. Mbi yeke kiri ti kanga le na ndö ti sioni ti ala mbeni pepe.”

Aye so Nzapa afa 11:1

Na pekoni, a mu na mbi mbeni sosongo so akpa keke ti hakango na ye si a tene na mbi: “Londo, mo haka kota da ti Nzapa na gbalaka, mo diko wungo ti azo so ayeke voro Nzapa na ya ni.

Aye so Nzapa afa 21:15

Ange so ayeke tene tënë na mbi so agbu mbeni ye ti hakango na ye na maboko ti lo; ye ni akpa sosongo so a leke ni na lôro. Lo ye ti haka gbata ni, ayanga ti gbata ni nga na agbagba ni ti hinga yongo ni.