Amos 7:4 - Mbeti ti Nzapa - Tënë so amu fini

⁴ Ye so Kota Gbia NZAPA akiri afa na mbi si mbi baa ni ayeke so: Kota Gbia NZAPA airi wâ ti fâ ngbanga; wâ ni ahole angu ti gbe ti sese kue si agbi sese ti Israel kue.

Amos 7:4 ပူးပေါင်းရင်းမြစ်များ

Ésaïe 27:4

Mbi ngba ti sara ngonzo na tere ti yaka ni pepe. Me tongana mbi wara aki na akamba ti ki na ni, mbi yeke ti na ndö ti ala ti bi wâ daa.

Jérémie 21:12

ala asewa ti David! Tënë so KOTA GBIA atene ayeke so: Lakue na ndaperere, ayeke nzoni ala fâ ngbanga mbirimbiri. Azo so ayeke te amba ti ala na mbana so, ala zi azo ni na maboko ti ala. Tongaso pepe, fade ngonzo ti mbi ayeke londo tongana wâ so ayeke gbi ye kue; zo alingbi ti mingo ni pepe. So ayeke futa ti asioni sarango ye ti ala laa.

Jérémie 4:4

Ala fâ *ganza ndali ti KOTA GBIA, ala fâ be ti ala na ganza, ala azo ti Juda na ala, azo ti Jérusalem. Tongaso pepe, ndali ti sioni sarango ye ti ala, fade ngonzo ti mbi ayeke londo tongana wâ; wâ ni ayeke gbi ye kue si zo oko alingbi ti mingo ni pepe.”

Ezekiel 21:3

Fade mo yeke tene na azo ti gbako ni, mo tene: Ala ma tënë ti KOTA GBIA! Tënë so mbi, Kota Gbia NZAPA, mbi tene ayeke so: Mbi yeke bi wâ na ya ti gbako ni si ayeke gbi afini keke na aholengo keke kue. Menga-wâ so ayeke za lawu lawu so ayeke mingo pepe; ti londo na Mbongo ngbii asi na Banga, wâ ni ayeke zö le ti azo kue.

Joël 1:19

*KOTA GBIA, mbi dekongo na mo! Wâ agbi apere kue ti ngonda; menga ti wâ agbi akeke kue ti yaka.

Awayango-sandaga 10:2

Tongaso mbeni wâ asigigi na dawa ti KOTA GBIA, agbi ala kue si ala kui gi na ndo so.

Amos 1:4

Fade mbi yeke bi wâ na da ti gbia Hazael si wâ ni ayeke gbi yangbo ti gbia Ben-Hadad.

Amos 1:7

Fade mbi yeke bi wâ na gbagba ti Gaza si wâ ni ayeke gbi ayangbo ti gbata ni kue.

Amos 2:5

Fade mbi yeke bi wâ na ya ti kodro ti Juda si wâ ni ayeke gbi ayangbo ti gbata ti Jérusalem kue.”

Amos 4:11

“Mbi buba aye so kue ayeke na ndo ti ala tongana ti so mbi buba ando aye kue na Sodome na Gomore. Ala sigigi na ya ni tongana nduru keke ti wâ so a gboto ni na ya ti wâ. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Amos 5:6

Ala gi KOTA GBIA si fade ala duti na fini. Tongaso pepe, fade lo yeke ga tongana wâ na tere ti asewa ti Joseph, wâ ni ayeke gbi ye kue na Betel si zo oko ti mingongo ni ayeke duti daa pepe.

Amos 7:1

Ye so Kota Gbia NZAPA afa na mbi si mbi baa ni ayeke so: lo ngba ti leke gba ti agbadola. Andaa na ngoi ni so pere ato nda ti sigingo ni na peko ti so azo afâ kozo pere ni ti mu na gbia.

Amos 7:7

Ye so *KOTA GBIA akiri afa na mbi si mbi baa ni ayeke so: Kota Gbia wani aluti na ndö ti dere ti da, lo gbu kamba ti mason na maboko ti lo.

Mishe 1:4

Ahoto aga tongana potopoto na gbe ti gere ti lo, apopo-hoto ayeke suru si aga tongana puru ti wotoro na le ti wâ, wala tongana ngu so atuku na ndö ti hoto si ayeke zu na gbeni.

Nahum 1:6

Tongana lo sara ngonzo, zo wa laa ayeke luti na le ti lo, zo wa? Tongana ngonzo ti lo alondo tongana wâ, zo wa laa ayeke ngba na fini, zo wa? Ngonzo ti lo ayeke gbi ye kue tongana ti so kota wâ ayeke gbi ye kue; ya ti akota têne ayeke suru na dawa ti lo.

Wungo ti azo 16:35

KOTA GBIA atokua mbeni wâ si agbi azo ngbangbo use na baleoku so ayeke zö dukani ti ala.

Ndia ti fani use ni 32:22

Biani, ngonzo ti mbi alondo tongana wâ, agbi ndo ngbii asi na ndo ti akuâ. Ngonzo ni abuba sese na aye so sese adu, agbi gere ti ahoto.

Ahebro 1:7

Tënë so Nzapa atene na ndö ti a-ange ayeke so: “Lo sara si a-ange ti lo aga tongana kota pupu; lo sara si azo ti kua ti lo aga tongana amenga ti wâ.”

Aye so Nzapa afa 4:1

Na pekoni, mbi baa mbeni ye nde: mbi baa mbeni yanga ti da so azi na yayu. Mbeni go so mbi ma kozoni si atoto tongana tatalita so, atene na mbi: “Mo ma na nduzu ge; fade mbi yeke fa na mo aye so, alingbi asi na pekoni.”