Amos 7:16 - Mbeti ti Nzapa - Tënë so amu fini

¹⁶ Ti fadeso, mo Amasia, ma tënë ti KOTA GBIA: mo so mo tene: ‘Mo tene peko ti tënë ti yanga ti Nzapa na ndö ti azo ti Israel pepe; mo diko atënë na ndö ti azo ti mara ti Isaac pepe!’

Amos 7:16 ပူးပေါင်းရင်းမြစ်များ

1 Agbia 13:1

Andaa mbeni zo ti Nzapa alondo na sese ti Juda aga na Betel alingbi na yanga so *KOTA GBIA amu. Na ndembe ni so, Yeroboam angba ti gbi sandaga na ndö ti gbalaka.

1 Agbia 22:19

Mishe atene: “Mo ma tënë so KOTA GBIA atene! Mbi baa KOTA GBIA aduti na ndö ti mbata ti lo ti gbia; ala so kue ayeke na yayu aluti na tere ti lo, ambeni na mbage ti maboko ti lo ti koli, ambeni na mbage ti maboko ti lo ti wali.

2 Agbia 14:24

Lo sara ye so ayeke sioni na le ti *KOTA GBIA. Siokpari so kue Yeroboam, molenge ti Nebat apusu lani azo ti Israel si ala sara ni so, Yeroboam azia lege ni oko pepe.

Ésaïe 30:10

Ala tene na azo ti bango nda ti aye, atene: “Ala baa ye pepe!” Ala tene na awayanga-Nzapa: “Ala tene na e taa-tënë pepe, me gi anzerengo tënë; ala tene na e gi ye so anzere na be ti e, ataa ye ni ayeke mvene.

Ezekiel 13:2

“*Molenge ti zo, tene peko ti tënë ti yanga ti mbi na tere ti awayanga-nzapa ti Israel, ala so ayeke tene peko ti tënë so alondo na be ti ala wani so. Mo tene na ala ti ma tënë ti mbi.

Ezekiel 16:35

“Mo Jérusalem, wali-ndumba, mo ma tënë ti KOTA GBIA si.

Ezekiel 21:2

“*Molenge ti zo, mo baa ndo na mbage ti Mbongo, mo tene peko ti tënë ti yanga ti mbi na azo ni; mo tene tënë ti yanga ti mbi na ndö ti azo ti gbako ti Negev.

Amos 2:12

Me azo so adeba yanga ti ala ti nyon vin pepe, ngbanga ti so ala mu tere ti ala kue na mbi, ala azo ti Israel, ala mu vin na azo ni ti nyon. Ala kanga lege na awayanga-Nzapa ti tene peko ti atënë ti yanga ti mbi.

Amos 7:13

Me na Betel, kiri mo tene peko ti tënë ti yanga ti Nzapa ni pepe, ngbanga ti so ndo so ge so ayeke ndo ti vorongo Nzapa ti gbia laa; ndo so kota da-Nzapa ti gbia ayeke daa laa!”

Mishe 2:6

Ambeni zo ni ayeke diko gba ti atënë na tere ti mbi, atene: “Zia ti diko gba ti atënë so! Zia ti diko gba ti atënë so, mo tene: nyen na nyen kue, Nzapa ayeke zia kamene na le ti e so.

Ndia ti fani use ni 32:2

Ayeke nzoni atënë so mbi yeke fa asua tongana ngu-Nzapa, ayeke nzoni atënë ti mbi ni atuku tongana ngu ti pere na ndö ti pere.

1 Samuel 15:16

Samuel atene na Saul: “Kai si! Mbi ye ti tene na mo tënë so KOTA GBIA atene na mbi na bi so.” Saul atene: “Tene tënë ni.”