Amos 7:15 - Mbeti ti Nzapa - Tënë so amu fini

¹⁵ Me *KOTA GBIA amu mbi kâ na peko ti anyama ti mbi si lo tene na mbi, lo tene: ‘Gue mo tene peko ti tënë ti yanga ti mbi na azo ti Israel, azo ti mbi.’

Amos 7:15 ပူးပေါင်းရင်းမြစ်များ

2 Samuel 7:8

Ti fadeso, mo tene na David, zo ti kua ti mbi, mo tene: Tënë so KOTA GBIA so ayeke na ndö ti dunia kue atene ayeke so: ‘Mbi laa mbi mu mo na ya ti ngonda, na peko ti ataba na angasa titene mo ga kota zo na ndö ti azo ti mbi, azo ti Israel.

1 Agbia 19:19

Élie alondo kâ si lo hon. Lo gue, lo wara Élisée, molenge ti Shafat so lo ngba ti fâ yaka na abagara baleuse na osio so a kanga ala use use. Élie ahon nduru na tere ti Élisée, lo mu kota bongo ti lo si lo bi na ndö ti Élisée.

Jérémie 1:7

Me KOTA GBIA atene na mbi: “Mo tene pepe: ‘Mbi de maseka mingi.’ Fade mo yeke gue na mbage ti azo so kue mbi yeke tokua mo na ala; mo yeke tene na ala atënë so kue mbi mu yanga na mo ti tene.

Jérémie 26:12

Me Jérémie atene na agbenyogbia ni kue nga na gba ti azo ni, lo tene: “Atënë so kue ala ma so, KOTA GBIA laa atokua mbi ti tene peko ti tënë ti yanga ti lo na ndö ti da so nga na ndö ti gbata so.

Amos 3:8

Bamara ayeke toto, zo wa laa alingbi ti sara mbeto pepe, zo wa? Kota Gbia NZAPA ayeke tene tënë, zo wa laa alingbi ti ke ti tene peko ti tënë ti yanga ti lo, zo wa?

Matthieu 9:9

So Jésus alondo na ndo so ti hon, lo baa mbeni koli so iri ti lo Matthieu; lo yeke duti na ndo so azo ayeke futa lapo daa. Jésus atene na lo: “Mu peko ti mbi!” Matthieu alondo si lo mu peko ti Jésus.

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

Awatokua 4:20

Ti e, ye so e baa si e ma awe so, e lingbi ti kanga yanga ti e na ndö ni pepe.”

Awatokua 5:20

“Ala gue, aluti na ya ti kota da ti Nzapa si ala fa na azo atënë so kue ayeke mu fini na zo.”

1 Samuel 10:11

Azo so kue ahinga lo kozoni ayeke baa lo na sarango ye tongana awayanga-Nzapa; ala hunda tere ti ala, atene: “Nyen laa asi na molenge ti Kish so? Saul nga aga wayanga-Nzapa awe?”