Amos 7:12 - Mbeti ti Nzapa - Tënë so amu fini

¹² Na pekoni, Amasia atene na Amos: “Mo zo ti bango aye so, londo mo hon! Kpe, mo gue na sese ti Juda; kâ, mo lingbi ti tene peko ti tënë ti yanga ti Nzapa si mo wara na kobe ti yanga ti mo!

Amos 7:12 ပူးပေါင်းရင်းမြစ်များ

2 Mbai 16:10

Asa asara ngonzo na tere ti zo ti bango nda ti aye si lo mu yanga titene a bi lo na da ti kanga, ngbanga ti so be ti Asa aso na tere ti lo ndali ti tënë so lo tene. Gi na ndembe ni so, Asa ato nda ti nika ambeni zo ti kodro.

Ésaïe 30:10

Ala tene na azo ti bango nda ti aye, atene: “Ala baa ye pepe!” Ala tene na awayanga-Nzapa: “Ala tene na e taa-tënë pepe, me gi anzerengo tënë; ala tene na e gi ye so anzere na be ti e, ataa ye ni ayeke mvene.

Ésaïe 56:11

Ala yeke nga ambo so ayeke gbongo ti kobe, ya ti ala ayeke si ka laoko pepe. Andaa ala laa ayeke azo ti batango azo ti mbi, me ala hinga nda ti ye oko pepe; ala kue ayeke sara gi ye so anzere na be ti ala, zo oko oko ayeke gi gi nzoni ti lo wani.

Ezekiel 13:19

Ala bi buba na tere ti mbi na le ti azo ti mbi ndali ti kete le ti *orze nga ndali ti nduru mapa. Ala yeke tene mvene na azo ti mbi so ayeda ti ma atënë ti mvene ti ala, awali ni. Tongaso ala yeke fâ azo so alingbi na kuâ pepe si ala yeke bata azo so alingbi na kuâ.

Amos 2:12

Me azo so adeba yanga ti ala ti nyon vin pepe, ngbanga ti so ala mu tere ti ala kue na mbi, ala azo ti Israel, ala mu vin na azo ni ti nyon. Ala kanga lege na awayanga-Nzapa ti tene peko ti atënë ti yanga ti mbi.

Amos 7:11

Amos atene: ‘Gbia Yeroboam ayeke kui ande kuâ ti bira si a yeke gbu azo ti Israel kue kue kue ti gue na ala yongoro na tere ti kodro ti ala.’ ”

Malashii 1:10

Tongana mbeni zo na popo ti ala alondo fade akanga ayanga ti kota da ti mbi titene ala ngba ti tingo wâ na ndö ti gbalaka ti mbi senge senge pepe, ka ayeke nzoni mingi! Biani, be ti mbi anzere na ala pepe. Tënë so KOTA GBIA so ayeke na ndö ti dunia kue atene laa. Aye ti ala so ala yeke ga na ni na mbi na sandaga so, anzere na be ti mbi pepe.

Matthieu 8:34

Tongaso azo ti gbata ni kue ague ti tengbi na Jésus. So ala baa lo, ala voro lo ti londo na sese ti ala ti hon.

Nzoni Tënë so Luc asu na mbeti 13:31

Na ndembe ni so, ambeni *farizien aga na tere ti Jésus si ala tene na lo: “Londo na ndo so, mo gue na mbeni ndo nde, ngbanga ti so Herode ayeke gi lege ti fâ mo.”

Awatokua 16:39

Tongaso ala gue, agbu gere ti Paul na Silas, azi ala na da ti kanga ni si ahunda na ala ti sigigi na ya ti gbata ni ti gue.

Rome 16:18

ngbanga ti so azo ni ayeke sara kua ti Christ, *Kota Gbia ti e pepe, me ala yeke gi gi kobe ti ya ti ala. Anzoni tënë na anzerengo tënë ayeke sigigi na yanga ti ala ti handa na azo so le ti ala azi pepe.

1 Korente 2:14

Zo so ayeke na Yingo ti Nzapa pepe, lo yeke yeda na aye ti Yingo ti Nzapa pepe: aye ni ayeke aye ti buba na le ti lo, lo lingbi ti ma ya ni pepe, ngbanga ti so zo alingbi ti hinga nda ni gi na lege ti Yingo.

1 Pierre 5:2

Ala bata bongbi ti azo ti Nzapa so lo zia na maboko ti ala. Ala sara ni na nzoni be, tongana ti so be ti Nzapa aye; mbeni zo agbu ala na ngangu ti sara ni pepe. Ala sara kua ni ndali ti nzara ti nginza pepe, me ala mu tere ti ala kue na kua ni.

1 Samuel 2:36

Tongana mbeni zo ti sewa ti mo oko angba na fini, fade lo yeke ga ti kuku na gbe ti wayango-sandaga ti hunda na lo kete pata, wala mbeni kete mapa. Fade lo yeke tene na wayango-sandaga ni, lo tene: ‘Mbi gbu gere ti mo, mu na mbi mbeni kua ti wayango-sandaga titene mbi sara si mbi lingbi ti wara mbeni kete kobe ti tengo ni maa!’ ”

1 Samuel 9:9

Ando na kodro ti Israel, tongana azo aye ti gue ti hunda mbeni ye na Nzapa, ala yeke tene: “Ala ga, e gue, e baa zo ti bango nda ti aye.” Biani, zo so azo ayeke iri lo fadeso wayanga-Nzapa, ando ala yeke iri lo “zo ti bango nda ti aye.”