Amos 7:1 - Mbeti ti Nzapa - Tënë so amu fini

¹ Ye so Kota Gbia NZAPA afa na mbi si mbi baa ni ayeke so: lo ngba ti leke gba ti agbadola. Andaa na ngoi ni so pere ato nda ti sigingo ni na peko ti so azo afâ kozo pere ni ti mu na gbia.

Amos 7:1 ပူးပေါင်းရင်းမြစ်များ

Ésaïe 33:4

Tongaso, azo ayeke ro aye na peko ti bira tongana ti so akete gbadola ayeke ro aye. Azo ayeke tuku na ndö ti aye ni tongana ti so agbadola ayeke tuku na ndö ti aye.

Jérémie 24:1

*KOTA GBIA afa na mbi asakpa use ti fige so a zia na dawa ti kota da ti Nzapa. Ye ni so asi na peko ti so Nabukodonosor, gbia ti Babilone agbu Yekonia, molenge ti Yoakim, gbia ti Juda, na gbata ti Jérusalem, lo na akota zo ti sese ti Juda, azo ti sarango ye na kode na azo ti pikango ndao si a gue na ala na Babilone.

Ezekiel 11:25

Mbi tene na azo so kue a gbu ala si a gue na ala na Babilone, peko ti aye so kue Nzapa afa na mbi si mbi baa so.

Joël 1:4

Ye so ngadi azia, kinda-gozo ate ni kue; ye so kinda-gozo azia, kete gbadola ate ni kue; ye so kete gbadola azia, kota gbadola ate ni kue.

Joël 2:25

KOTA GBIA atene: “Lani mbi tokua gba ti akete nyama ti bubango ye na tere ti ala si ala te akobe ti ala: angadi, akinda-gozo, akete gbadola na akota gbadola. Fadeso mbi yeke kiri na ala aye so anyama ni abuba na ya ti angu so ahon so.

Amos 4:9

“Mbi tokua asioni kobela na tere ti ale ti kobe ti ala; ale ti kobe ni ahole gi na nduzu si afun. Akete yaka ti ala kue na ayaka ti *vinye ti ala, ayaka ti fige ti ala na ayaka ti olive ti ala, agbadola ate ni kue. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Amos 7:4

Ye so Kota Gbia NZAPA akiri afa na mbi si mbi baa ni ayeke so: Kota Gbia NZAPA airi wâ ti fâ ngbanga; wâ ni ahole angu ti gbe ti sese kue si agbi sese ti Israel kue.

Amos 7:7

Ye so *KOTA GBIA akiri afa na mbi si mbi baa ni ayeke so: Kota Gbia wani aluti na ndö ti dere ti da, lo gbu kamba ti mason na maboko ti lo.

Amos 8:1

Ye so Kota Gbia NZAPA afa na mbi si mbi baa ni ayeke so: mbeni sakpa so abengo le ti keke ayeke na ya ni.

Malashii 3:11

Fade mbi yeke kanga lege na akete nyama so ayeke te akobe ti yaka ti ala titene anyama ni abuba akobe ti ala pepe; mbi yeke kanga lege si akeke ti *vinye ti ala so ayeke le pepe so, akiri ale. Tënë so KOTA GBIA so ayeke na ndö ti dunia kue atene laa.