Amos 6:9 - Mbeti ti Nzapa - Tënë so amu fini

⁹ Tongana azo baleoko angba na ya ti da oko, fade ala kue ayeke kui.

Amos 6:9 ပူးပေါင်းရင်းမြစ်များ

Esther 5:11

Lo to nda ti fa na ala gba ti mosoro so lo yeke na ni, gba ti amolenge so lo yeke na ni; lo fa nga na ala lege so gbia amu nengo mingi na lo; lege so lo zia lo ti ga makonzi na ndö ti akota zo nga na ndö ti azo ti kua ti gbia kue.

Esther 9:10

Ala kue ayeke amolenge baleoko ti Haman, molenge ti Hamedata, zo ti sarango ngangu na azuife. Me a gbu ye ti azo ni pepe.

Mbeti ti Job 1:19

Mbeni ngangu pupu alondo na benyama aga apika da ni mbage na mbage kue. Da ni ati na ndö ti amolenge ni si ala kui. Gi mbi oko laa mbi ngba na fini si mbi ga ti tene tënë ni na mo.”

Mbeti ti Job 1:2

Lo du amolenge-koli mbarambara nga na amolenge-wali ota.

Mbeti ti Job 20:28

Na lango so Nzapa ayeke tokua ngonzo ti lo, ngu ayeke suku mingi, amu aye ti lo ahon na ni.

Abia (Psaumes) 109:13

Ayeke nzoni a zi *ahale ti lo biani biani si na ya ti angu so ayeke ga na peko so, zo akiri ama iri ti ala pepe!

Ésaïe 14:21

Ala leke tere ti ala ti fâ amolenge ndali ti sioni so ababâ ti ala asara. Alingbi ala kiri alondo ti mu sese pepe, alingbi ala kiri ti sara si agbata asi singo na ndö ti dunia so pepe.

Jérémie 9:21

“Ti mo Jérémie, mo tene: So tënë ti yanga ti KOTA GBIA laa: ‘Kuâ ti azo ayeke lango na sese tongana puru na le ti yaka, tongana ale ti kobe so azo ti fango ale ti kobe afâ ni si ati na sese si zo ti rongo ni ayeke daa pepe.’ ”

Amos 5:3

Biani, tënë so Kota Gbia NZAPA atene na ndö ti azo ti Israel ayeke so: “Gbata so atokua aturugu saki oko na bira, gi ngbangbo oko laa ayeke kiri na kodro; gbata so atokua aturugu ngbangbo oko na bira, gi baleoko laa ayeke kiri na kodro.”

1 Samuel 2:33

Fade mbi yeke bata mbeni zo ti sewa ti mo oko nduru na tere ti gbalaka ti mbi titene kota be asara mo si be ti mo angba gi na nduzu. Me tanga ti azo ti sewa ti mo, ala kue ayeke kui tongana asenge zo.