Amos 6:8 - Mbeti ti Nzapa - Tënë so amu fini

⁸ *KOTA GBIA adeba yanga ti lo, atene: “Na iri ti mbi Nzapa, mbi ke na be ti mbi kue baba ti Jacob, be ti mbi ake apendere da ti lo. Fade mbi yeke zia gbata ti Samarii kue na maboko ti awato”; so tënë ti yanga ti KOTA GBIA, Nzapa so ayeke na ndö ti dunia kue laa.

Amos 6:8 ပူးပေါင်းရင်းမြစ်များ

Tongo nda ti aye 22:16

lo tene na lo: “So tënë ti yanga ti KOTA GBIA laa: Ndali ti so mo sara tongaso si mo gbanzi oko molenge ti mo na mbi pepe, mbi deba na iri ti mbi wani,

Abia (Psaumes) 106:40

Ngonzo ti KOTA GBIA alondo tongana wâ na tere ti azo ti lo, azo so aga ye ti lo so, ala ga sioni mingi na le ti lo.

Abia (Psaumes) 47:4

Lo yeke zia azo na gbe ti e, lo yeke zia amara nde na gbe ti gere ti e.

Abia (Psaumes) 50:12

Tongana nzara ti kobe asara fade mbi, ka mbi tene tënë ni na mo? Biani, dunia na aye so kue ayeke na ya ni ayeke ti mbi.

Abia (Psaumes) 78:59

Nzapa ama tënë ni si ngonzo agbu lo, lo ke azo ti Israel biani.

Amato 8:13

Kpengo mbeto ti KOTA GBIA ayeke ti ke sioni ye. Baba, pikango kate, asioni sarango ye na atënë ti mvene, mbi ke ni.

Ésaïe 28:1

So mawa na gbata ti Samarii so akpa kpoto ti gbia! Azo ti Efraim so ayeke angbaa ti samba ayeke pika kate ti ala ndali ni. Gbata ni ayeke na nduzu ti popo-hoto so akobe ayeke le daa mingi. Gbata ni akpa kongo so awoko awe si a zia na li ti azo ti sara pendere ti ala, azo so anyon vin si ahon ndö ti ala.

Jérémie 12:8

Ye so ayeke ti mbi aga tongana mbeni bamara na ya ti gbako: lo dekongo ti ga na tere ti mbi. Nilaa fadeso, mbi ke lo awe.

Jérémie 22:14

Mo tene: ‘Mbi ye ti leke ndali ti mbi mbeni da so akono mingi, aya ni akono ahon ndoni.’ Mo zi afenetere daa; adere ti da ni kue gi na keke ti sedre si mo zia bengba mbamba na tere ni!

Jérémie 22:5

Me tongana ala, azo ti Juda, ala ma tënë so pepe – mbi KOTA GBIA, mbi deba na iri ti mbi wani – fade yangbo so ayeke ga ndo ti gba ti atêne; so tënë ti yanga ti KOTA GBIA laa.”

Jérémie 44:26

Ala azo ti Juda kue, ala so ayeke na kodro ti Ezipte so, ala ma tënë ti KOTA GBIA! Mbi deba na iri ti mbi so ayeke kota: na ya ti Ezipte kue, mbeni zo ti Juda ayeke kiri ti mu iri ti KOTA GBIA ti deba na ni pepe, atene: ‘Kota Gbia NZAPA ayeke na fini!’

Jérémie 49:13

Mbi KOTA GBIA, mbi deba na iri ti mbi wani: Fade Bosra, li-kodro ti mo ayeke ga ngonda, ye ti hengo na ngia, ndo ti gba ti atêne; ayeke ga nga tapande ndali ti azo so ayeke deba amba ti ala. Agbata so ayeke na tere ni ayeke ga ndo ti gba ti atêne kpu na kpu.” So tënë ti yanga ti KOTA GBIA laa.

Jérémie 51:14

KOTA GBIA so ayeke na ndö ti dunia kue adeba na iri ti lo wani na Babilone, atene: “Mbi yeke sara si azo asi singo na ndo ti mo; ala duti gbani gbani tongana agbadola. Azo ni ayeke dekongo tongana azo so ayeke ko ale ti *vinye ti sara na vin.”

Abia ti demango tere 2:5

KOTA GBIA asara e tongana taa wato; lo hunzi azo ti kodro ti Israel kue; lo kungbi akota da ti amakonzi ni kue na sese; lo fâ angangu gbagba ti kodro ni na sese. Pasi ti azo ti kodro ti Juda ahon ndoni; gi demango tere na demango tere.

Ezekiel 24:21

Tene na azo ti Israel, mo tene: Tënë so Kota Gbia NZAPA atene ayeke so: Mbi yeke sara si ndo so a zia ni nde ndali ti mbi aga sioni. Andaa da ti mbi ni ayeke ye so ala yeke pika kate ti ala ndali ni, ye so apendere na le ti ala, ye so ala zia be ti ala daa ndali ti fini ti ala. Amolenge ti ala ti koli na ti wali so ala zia ala na Jérusalem, fade a yeke fâ ala na yongoro zeme.

Osée 11:6

Ndani laa, fade bira ayeke londo ngangu na ya ti agbata ti ala, bira ni ayeke kungbi angbongboro wen so ala kanga na ayanga ti agbata ni; bira ni ayeke buba asioni ye so azo ni aleke na be ti ala ti sarango ni.

Awayango-sandaga 26:11

Fade mbi yeke zia da ti mbi na popo ti ala; mbi yeke ke ala pepe.

Awayango-sandaga 26:30

Ando so ala leke na ndö ti ahoto ti voro anzapa nde daa so, mbi yeke buba ni. Agbalaka so ala yeke zö dukani na ndö ni so, mbi yeke kungbi ni na sese; mbi yeke bongbi kuâ ti ala na ndö ti afango yanda ti ala; fade mbi yeke ke ala.

Amos 3:10

“Azo ti Samarii ahinga ti sara ye ti mbirimbiri oko pepe. Ala bongbi na ya ti ayangbo ti ala aye so ala mu na maboko ti azo na ngangu nga na aye so ala nzi nzingo”; so tënë ti yanga ti *KOTA GBIA laa.

Amos 3:11

Ndani laa, tënë so Kota Gbia NZAPA atene ayeke so: “Fade awato ayeke ngoro gbata ti Samarii, ala yeke kungbi ngangu gbagba ti mo na sese, ala yeke nzi aye ti ya ti ayangbo ti mo kue.”

Amos 4:2

*KOTA GBIA adeba yanga ti lo, atene: “Na iri ti mbi so ayeke nde si ayeke nzoni kue, baa alango ayeke ga so a yeke gboto ala na yango ti hon na ala, a yeke gboto ala oko oko kue ti hon na ala tongana susu so akpo lo na likongo.

Amos 5:21

*KOTA GBIA atene: “Amatanga ti ala so ala yeke sara so, mbi ke ni, mbi ye ti baa ni mbeni pepe; abongbi ti ala, mbi lingbi ti kanga be ti mbi na ni mbeni pepe.

Amos 8:3

Na lango ni so, abia so azo ayeke he na yangbo ti gbia ayeke ga abia ti demango tere. Gba ti akuâ ayeke si singo na ndo kue, a yeke bi akuâ ni na ando kirikiri si ndo ayeke de ngii”; so tënë ti yanga ti Kota Gbia NZAPA laa!

Amos 8:7

*KOTA GBIA adeba yanga ti lo ndali ti ye so Israel ayeke pika kate ti lo daa, lo tene: “Sarango ye ti azo ti Israel so, be ti mbi ayeke girisa na ni laoko pepe!”

Zakarii 11:8

Gi na ya ti nze oko, mbi tumba awabatango-taba ti ala ota kue. Na pekoni, nzara ti batango ataba ni ahunzi na be ti mbi si ala nga, be ti ala akiri ake mbi.

Ndia ti fani use ni 32:19

So KOTA GBIA abaa lege so amolenge ti lo ti koli na ti wali ayeke he lo, be ti lo aso.