Amos 6:5 - Mbeti ti Nzapa - Tënë so amu fini

⁵ Ala yeke pika kundi kirikiri ti he na bia. Titene ala sara ye tongana David, ala yeke sigigi na afini ye ti mozoko.

Amos 6:5 ပူးပေါင်းရင်းမြစ်များ

Tongo nda ti aye 31:27

Mo kpe na hondengo ni ngbanga ti nyen? Mo handa mbi si mo tene tënë ni na mbi pepe ngbanga ti nyen? Tongana mo tene fade tënë ni na mbi, ka mbi zia mo na lege na ya ti ngia, na bia, na pikango akete ngo na akundi.

1 Mbai 15:16

Tongaso, David atene na amakonzi ti azo ti mara ti Lévi ti zia na yanga ti kua, a-ita ti ala so ayeke he bia si ala yeke pika mozoko na gbe ni; ala yeke pika kota kundi, kete kundi na wen. Lo tene nga na ala ti pika mozoko ni ngangu ti fa ngia ti be ti ala.

1 Mbai 23:5

azo 4 000 tongana azo ti batango yanga ti da si azo 4 000 ti sepela KOTA GBIA na aye ti mozoko so lo leke ndali ni.

2 Mbai 29:26

Azo ti mara ti Lévi aluti na aye ti mozoko na maboko ti ala, aye ti mozoko so David aleke. Awayango-sandaga ayeke na atatalita na maboko ti ala.

Zo ti bongbingo azo 2:8

Mbi bongbi wen ti nginza na lôro mingi; mbi bongbi mosoro ti agbia na ti akodro so ayeke na gbe ti mbi. Mbi yeke na akoli na awali ti hengo bia. Mbi wara nga ye so ayeke zia ngia mingi na be ti zo: mbi mu awali gbani gbani.

Ésaïe 5:12

Na ya ti matanga ti ala, ala yeke pika kundi na kete kundi, ala yeke pika ngo, ala yeke huru *ngoli. Me ala yeke baa ndo pepe na ye so KOTA GBIA asara, ala yeke baa kua so lo sara pepe.

Ezekiel 26:13

Mbi yeke kai abia ti mo; zo ayeke kiri ti ma go ti akundi ti mo pepe.

Amos 5:23

Ala zia ti so mê ti mbi na abia ti ala ni; mbi ye ti ma go ti kundi ti ala pepe.

Amos 8:3

Na lango ni so, abia so azo ayeke he na yangbo ti gbia ayeke ga abia ti demango tere. Gba ti akuâ ayeke si singo na ndo kue, a yeke bi akuâ ni na ando kirikiri si ndo ayeke de ngii”; so tënë ti yanga ti Kota Gbia NZAPA laa!

1 Pierre 4:3

Ando, ala mu ngoi mingi ti sarango na aye tongana ti azo so ahinga Nzapa pepe. Ala yeke sara aye ti ndumba, ala yeke sara nzara ti aye ti amba ti ala, ala yeke angbaa ti samba, ala yeke sara matanga ti te, ti nyon butuma, ala yeke voro anzapa nde, ye so akpa titene zo asara ni pepe.

Aye so Nzapa afa 18:22

Babilone, zo ayeke kiri ti ma ngombi ti azo ti pikango kundi, na go ti azo ti hengo bia, na toto ti *ngoli na ti tatalita na ndo ti mo pepe. Zo ayeke kiri ti wara azo ti sarango akua nde nde na kode na ndo ti mo pepe; zo ayeke kiri ti ma nga toto ti têne ti nikango na ye na ndo ti mo pepe.