Amos 6:3 - Mbeti ti Nzapa - Tënë so amu fini

³ Ala yeke gi lege ti pusu lango ti mawa ni yongoro, andaa ala yeke sara si sarango ngangu na zo aga na ya ti kodro.

Amos 6:3 ပူးပေါင်းရင်းမြစ်များ

Abia (Psaumes) 94:20

Asioni zo so ayeke na li ti awafango-ngbanga si ayeke sara asioni ye so ndia ake tënë ni, fade mo yeke sara beoko na ala tongana nyen?

Zo ti bongbingo azo 8:11

Zo so asara sioni, a yeke fâ ngbanga na li ti lo hio pepe. Ndani laa azo ayeke na nzara ti sara sioni.

Ésaïe 47:7

Mo tene lani: “Mbi yeke ngba gbia-wali lakue lakue.” Me mo gbu ti li ti mo pepe na ndö ti aye so ayeke si, mo dabe ti mo pepe na ndö ti ye so ayeke si ande.

Ésaïe 56:12

Ala tene: “Ala ga, e gue, e gi vin, e nyon ngangu samba alingbi na e. Kekereke, e yeke kiri ti sara gi tongaso: samba angba mingi.”

Abia ti demango tere 4:5

Azo so ayeke te lani gi anzoni kobe so, fadeso ala yeke kui kirikiri na ndö ti alege. Azo so a bata ala lani tongana amolenge ti gbia so, fadeso ala si ayeke gi akobe na ya ti azende.

Ezekiel 12:22

“*Molenge ti zo, *mato so azo ayeke tene na ndö ti Israel, atene: ‘Lango ayeke hon si ye oko so azo abaa na ya ti mbeni ye tongana bango-li, aga taa-tënë pepe’, ala yeke tene ni ngbanga ti nyen?

Ezekiel 12:27

“Molenge ti zo, tënë so azo ti Israel atene ayeke so: ‘Ye so koli so abaa na ya ti mbeni ye tongana bango-li so, lango ni ade yongoro. Lo yeke tene peko ti tënë ti Nzapa ndali ti angoi so angba yongoro kâ.’

Ezekiel 23:42

Gba ti azo aga na ndo ti ala si ala yeke sara wuluwulu. Ambeni zo ni alondo na akodro nde nde ti benyama si aga. Ala zia aye ti pendere na maboko ti awali use so ayeke a-ita so, ala zia nga pendere kpoto ti gbia na li ti awali ni.

Amos 3:10

“Azo ti Samarii ahinga ti sara ye ti mbirimbiri oko pepe. Ala bongbi na ya ti ayangbo ti ala aye so ala mu na maboko ti azo na ngangu nga na aye so ala nzi nzingo”; so tënë ti yanga ti *KOTA GBIA laa.

Amos 3:9

Na ndö ti ayangbo ti gbata ti Asdod, ala dekongo; na ndö ti ayangbo ti Ezipte, ala dekongo, ala tene: “Ala bongbi tere ti ala na ndö ti ahoto ti Samarii, ala baa gba ti wusuwusu so azo ayeke sara na aye ti ngangu so azo ayeke sara na amba ti ala na ndö ti ahoto ni!”

Amos 5:12

Biani, mbi hinga gba ti asioni ye so ala sara na asiokpari ti ala so ahon ndoni so. Ala yeke sara ngangu na azo ti mbirimbiri, ala yeke mu goro na maboko ti azo. Na le ti ngbanga, ala yeke kanga lege titene a fâ ngbanga ti azo ti mawa na legeni.

Amos 5:18

Mawa na ala, azo so ayeke ku *lango ti KOTA GBIA! Nzoni ye ti nyen laa ala yeke wara na lango ti KOTA GBIA ni nyen? Lango ni ayeke duti lango ti vukongo ndo, me lango ti lumiere pepe.

Amos 6:12

Laoko ambarata akpe loro na ndö ti akota têne? Laoko zo afâ yaka na abagara na ndö ti akota têne? Me ti ala, ala sara si sarango ye na lege ti ndia aga sioni yoro; ala sara si fango ngbanga ti mbirimbiri aga sioni yoro ti fango zo.

Amos 9:10

Asioni zo so ayeke na popo ti azo ti mbi, fade ala kue ayeke kui kuâ ti bira, ala so lani ayeke tene: ‘Fade kota kpale ayeke ndu e pepe, kpale ni ayeke si na e pepe!’ ”

Mishe 6:12

Azo ti mosoro ti gbata ni ayeke sara gi ngangu na zo; azo ti gbata ni ayeke tene gi mvene. Tënë so ayeke sigigi na yanga ti ala ayeke gi tënë ti handango zo.

Matthieu 24:48

Me tongana zo ti kua ni ayeke sioni zo si lo tene na be ti lo, lo tene: ‘Makonzi ti mbi ayeke ga hio pepe’

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.

2 Pierre 3:4

atene: “Jésus amu ando zendo atene, ni yeke ga; ka lo yeke na ndo wa? Akotara ti e akui aninga awe, ala zia mê ti e! Ti londo na ngoi so dunia abaa gigi, nyen laa asanze, nyen?”

Aye so Nzapa afa 18:17

Gi na ya ti ngbonga oko, gba ti amosoro ti lo so kue abuba awe!” Amakonzi kue ti amangboko, azo so kue ayeke sara kua na ya ni, azo so ayeke tambula na amangboko ni, na azo so kue ayeke wara nginza na lege ti sarango kua na le ti ngu,