Amos 6:2 - Mbeti ti Nzapa - Tënë so amu fini

² Ala gue, abaa gbata ti Kalne; ala londo na ndo so ala gue na Hamat, kota gbata. Na pekoni, ala zu ague na Gat, gbata ti azo ti Filistii. Nyen laa agbata so ahon akodro ti ala na ni, nyen? Sese ti azo ni akono ahon ti ala?

Amos 6:2 ပူးပေါင်းရင်းမြစ်များ

Tongo nda ti aye 10:10

Akota gbata ti kodro so lo yeke gbia daa ayeke Babel, Erek, Akad na Kalne; agbata ni kue ayeke na kodro ti Shinear.

2 Samuel 8:9

Tou, gbia ti Hamat ama a tene, David ahon ndö ti aturugu kue ti Hadadezer, na bira.

1 Agbia 8:65

Na ngoi ni so, Salomon na azo ti Israel so kue ayeke na tere ti lo asara matanga ti Akpangba. Azo ni ayeke gbani, ala londo na ando nde nde laa aga: ti londo na sese ti Lebo-Hamat, na mbage ti Banga ngbii asi na ngu ti Ezipte, na mbage ti Mbongo. Ala sara matanga ni na dawa ti KOTA GBIA na ya ti lango mbarambara; na pekoni, ala kiri asara matanga ni na ya ti lango mbarambara, so ti tene kue lango baleoko na osio.

2 Agbia 17:24

Gbia ti Asirii amu azo ti Babilone, ti Kuta, ti Ava, ti Hamat na ti Sefarvaim aga na ala si lo zia ala na ya ti agbata ti Samarii na plase ti azo ti Israel. Azo ni amu Samarii, aga sese ti ala wani si ala duti na ya ti agbata ni.

2 Agbia 17:30

Azo ti Babilone asara yanda ti Sukot-Benot; azo ti Kuta asara yanda ti Nergal; azo ti Hamat asara yanda ti Ashima,

2 Agbia 18:34

Anzapa ti Hamat na ti Arpad ayeke na ndo wa? Anzapa ti Sefarvaim, ti Hena na ti Ava ayeke na ndo wa? Mbeni nzapa azi gbata ti Samarii na maboko ti mbi awe?

2 Agbia 19:13

Agbia ti Hamat, ti Arpad, ti Lair, ti Sefarvaim, ti Hena na ti Ava ayeke na ndo wa?”

2 Mbai 26:6

Ozias ague ti tiri bira na azo ti Filistii. Lo kungbi na sese angangu gbagba ti Gat, ti Yabne na ti Asdod. Na pekoni, lo sara agbata na sese ti Asdod nga na sese ti azo ti Filistii.

Jérémie 49:23

Tënë na ndö ti Damas. “Kamene ahon ndö ti azo ti agbata ti Hamat na ti Arpad, ngbanga ti so ala ma sioni sango si ala yeke gi be ti ala. Ala yeke do tongana kota ngu-ingo so alingbi ti duti kpoo pepe.

Nahum 3:8

Ninive, mo hon gbata ti Tebes na nyen? Tebes ayeke na popo ti amaboko ti *bale ti Nil si angu angoro tere ti lo kue. Kota bale ni angoro tere ti lo kue tongana gbagba.

1 Samuel 17:23

So lo ngba ti tene tënë na ala, Goliat, zo ti Filistii ti gbata ti Gat asigigi na popo ti aturugu ti Filistii. Lo yeke tene gi atënë so lo yeke tene ka; David ama lo.

1 Samuel 17:4

Mbeni kpengba turugu oko asigigi na popo ti aturugu ti Filistii; iri ti lo Goliat. Lo yeke zo ti gbata ti Gat; lo yo nduru na metere ota.

1 Samuel 5:10

Azo ti gbata ni atokua sanduku ti mbuki ti Nzapa na gbata ti Ekron. Me gi so sanduku ni asi na Ekron awe, azo ni adekongo, atene: “A yo sanduku ti mbuki ti Nzapa ti Israel aga na ni na ndo ti e titene afâ e na azo ti e kue!”

1 Samuel 5:8

Azo ti Asdod airi agbia kue ti azo ti Filistii ti bongbi na ndo ti ala si ala tene na agbia ni: “Nyen laa e lingbi ti sara na sanduku ti mbuki ti Nzapa ti Israel so?” Agbia ti Filistii akiri tënë: “Ala yo sanduku ni ague na ni na gbata ti Gat.” Tongaso, ala yo sanduku ni ague na ni na Gat.