Amos 6:14 - Mbeti ti Nzapa - Tënë so amu fini

¹⁴ Me ti mbi, fade mbi yeke tokua na tere ti ala, azo ti Israel, mbeni mara ti sara ngangu na ala, ti londo na Banga ti Lebo-Hamat ngbii asi na tere ti kota ngu ti Gba-ti-ingo, na mbage ti Mbongo; so tënë ti yanga ti KOTA GBIA, Nzapa so ayeke na ndö ti dunia kue laa.

Amos 6:14 ပူးပေါင်းရင်းမြစ်များ

1 Agbia 8:65

Na ngoi ni so, Salomon na azo ti Israel so kue ayeke na tere ti lo asara matanga ti Akpangba. Azo ni ayeke gbani, ala londo na ando nde nde laa aga: ti londo na sese ti Lebo-Hamat, na mbage ti Banga ngbii asi na ngu ti Ezipte, na mbage ti Mbongo. Ala sara matanga ni na dawa ti KOTA GBIA na ya ti lango mbarambara; na pekoni, ala kiri asara matanga ni na ya ti lango mbarambara, so ti tene kue lango baleoko na osio.

2 Agbia 14:25

Lo laa lo kiri na asese ti Israel na kozo ndo ti ala, ti londo na Lebo-Hamat ngbii asi na yanga ti kota ngu ti Gba-ti-ingo. Ye ni asi alingbi na tënë so KOTA GBIA, Nzapa ti Israel atene ando na lege ti zo ti kua ti lo, wayanga-Nzapa Jonas, molenge ti Amitai, zo ti gbata ti Gat-Hefer.

2 Agbia 15:29

Na ngoi so Peka ayeke gbia ti Israel, Teglat-Falasar, gbia ti Sirii aga si lo mu agbata tongana: Iyon, Abel-Bet-Maaka, Yanoa, Kedesh na Hasor. Lo mu nga sese ti Galaad, ti Galile na ti Neftali kue. Lo gbu azo ti agbata ni si lo gue na ala na kodro ti Asirii.

2 Agbia 17:6

Na ngu gumbaya ni so Osée ayeke le-gbia, gbia ti Asirii amu gbata ti Samarii. Lo gbu azo ti Israel si lo gue na ala na kodro ti Asirii. Lo zia ambeni na sese ti Hala, ambeni na tere ti ngu ti Habor, na sese ti Gozan si ambeni na ya ti agbata ti Medii.

Ésaïe 7:20

Na lango ni so, KOTA GBIA ayeke iri zeme na mbage ti bale ti Efrate – zeme ni ayeke gbia ti Asirii –. Fade lo yeke kio kua ti li ti ala na kua ti tere ti ala; lo yeke kio nga kua ti yanga ti ala.

Ezekiel 47:20

Na mbage ti Do, yanga ti kota ngu-ingo ti Mediterane ayeke katikati ti ala laa, alondo na mbage ti Mbongo ague ngbii asi na Hamat na mbage ti Banga. So katikati ni na mbage ti Do laa.

Osée 10:5

Azo so alango na Samarii, fade ala yeke sara mbeto titene kete bagara so a sara na lôro si ayeke na kodro ti Bet-Aven so, azo amu ni ahon na ni. Awayango-sandaga ti mvene ayeke sara mua ndali ti bagara ni. Ayeke nzoni ala sara ngia fadeso ma, ngbanga ti so a zi gonda ti lo na popo ti ala, a hon na ni yongoro awe.

Amos 3:11

Ndani laa, tënë so Kota Gbia NZAPA atene ayeke so: “Fade awato ayeke ngoro gbata ti Samarii, ala yeke kungbi ngangu gbagba ti mo na sese, ala yeke nzi aye ti ya ti ayangbo ti mo kue.”