Amos 6:13 - Mbeti ti Nzapa - Tënë so amu fini

¹³ Ala yeke sara ngia, ngbanga ti so ala so benda na Lo-Dabar, gbata so ayeke ye oko pepe so. Na pekoni, ala yeke tene: “Ndali ti ngangu ti e laa e mu gbata ti Karnaim, ngangu gbata so!”

Amos 6:13 ပူးပေါင်းရင်းမြစ်များ

2 Agbia 13:25

Tongaso Yoas, molenge ti Yoakaz, azi na maboko ti Ben-Hadad, molenge ti Hazael agbata ti Israel so Hazael amu lani na maboko ti babâ ti lo Yoakaz. Fani ota, Yoas akinda Ben-Hadad si lo zi na maboko ti lo agbata ti Israel.

2 Agbia 14:25

Lo laa lo kiri na asese ti Israel na kozo ndo ti ala, ti londo na Lebo-Hamat ngbii asi na yanga ti kota ngu ti Gba-ti-ingo. Ye ni asi alingbi na tënë so KOTA GBIA, Nzapa ti Israel atene ando na lege ti zo ti kua ti lo, wayanga-Nzapa Jonas, molenge ti Amitai, zo ti gbata ti Gat-Hefer.

Mbeti ti Job 31:25

Mbi wara ngia ndali ti gba ti mosoro so mbi yeke na ni? Wala ndali ti aye mingi mingi so mbi wara?

Mbeti ti Job 31:29

So aye ti ngangu asi na wato ti mbi so, tere ti mbi anzere ndali ni? So ye ti mawa awara lo so, mbi dodo na ngia ndali ni?

Mbeti ti Job 8:14

Ye so lo zia be ti lo daa, ya ni afâ awe; ye so lo luti na ndö ni ayeke kamba ti tere.

Mbeti ti Job 8:15

Tongana lo yeke gbu dere ti da ti lo ti luti, da ni ayingi; tongana lo yeke gbu ni ngangu, da ni atuku na sese, gburrr.

Abia (Psaumes) 2:2

Agbia ti sese alondo ti tiri bira; amakonzi ti akodro ama tere ti ke *KOTA GBIA, lo na zo ti lo so lo zia lo gbia so.

Abia (Psaumes) 75:4

Fade sese na azo ti ndö ni kue ayeke yingi. Mbi laa mbi sara si gere ti sese aluti ngangu pepe?” Luti kete

Abia (Psaumes) 75:5

Mbi tene na azo ti baba, mbi tene: “Ti fadeso, baba ni ahunzi awe!” Mbi tene na azo ti sioni, mbi tene: “Ala fa tere ti ala pepe!

Zo ti bongbingo azo 11:9

Maseka-koli, na ngoi so mo de maseka, mo sara ngia biani. Ayeke nzoni be ti mo aduti na ngia na ngoi ti maseka ti mo. Sara ye so be ti mo aye; sara ye so le ti mo abaa. Me ayeke nzoni mo hinga, mo tene, Nzapa ayeke iri ande mo na ngbanga ndali ti aye oko oko so mo sara.

Ésaïe 7:1

Na ngoi so Ahaz, molenge ti Yotam, molenge ti Ozias ayeke gbia ti Juda, Resen, gbia ti Sirii na Peka, molenge ti Remalia, gbia ti Israel, alondo ti gue ti tiri bira na azo ti Jérusalem. Me ala wara lege ti mu gbata ni pepe.

Ésaïe 7:4

Fade mo yeke tene na lo: ‘Hange! Mo duti kpoo, mo sara mbeto pepe. Ayeke nzoni be ti mo ado pepe, ngbanga ti Resen, zo ti Sirii so nga na Peka. Agbia use so akpa gi anduru keke so guru ti wâ angba ti sigigi daa kete kete.

Ésaïe 8:6

“Azo ti Juda ake ngu ti Siloe so ayeke sua yeke-yeke; be ti ala anzere ndali ti gbia Resen na gbia Peka, molenge ti Remalia.

Jérémie 50:11

Nzoni ma! Ala sara ngia, ala dodo na ngia, ala so abuba kodro so ayeke ando ti mbi so! Ala huru tongana kete bagara na ya ti fini pere! Ala toto tongana akoli-mbarata!

Jérémie 9:23

Tongana zo aye ti gonda tere ti lo, ayeke nzoni lo gonda tere ti lo, ngbanga ti so lo hinga ndo si lo hinga mbi. Ayeke nzoni zo ni ahinga atene, mbi yeke KOTA GBIA si mbi yeke sara ye na nzoni be; mbi yeke sara ye na legeni mbirimbiri na ndö ti sese. Ye so anzere na be ti mbi laa; so tënë ti yanga ti KOTA GBIA laa.”

Ezekiel 29:3

Mo tene na lo: Tënë so Kota Gbia NZAPA atene ayeke so: Mbi yeke ga na tere ti mo, Faraon, gbia ti Ezipte. Mo yeke tongana kota sioni nyama so akpa ngunde si alango na ya ti angu ti Nil. Mo tene: ‘Ngu ti Nil ayeke ti mbi; mbi wani laa mbi sara ni.’

Ezekiel 29:9

Fade Ezipte ayeke buba kue si ayeke ga benyama. Tongaso, fade azo ayeke hinga atene, mbi laa mbi yeke KOTA GBIA. “Mo tene: ‘Ngu ti Nil ayeke ti mbi; mbi laa mbi sara ni.’

Daniel 4:27

Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”

Daniel 4:30

Taa gi na ngbonga ni so, tënë so a tene na ndö ti Nabukodonosor aga taa-tënë: azo atumba lo na popo ti ala; lo yeke te pere tongana bagara si ngu ti pere amu tere ti lo kue. Kua ti li ti lo ayo aga tongana kua ti tere ti *ngoalo si anzënë ti maboko ti lo ayo aga tongana ti andeke.

Jonas 4:6

KOTA GBIA Nzapa asara si mbeni kete keke asigigi ayo ahon li ti Jonas titene Jonas aduti na gbe ni si lâ asu lo pepe. Nzapa asara tongaso titene be ti Jonas ade. Be ti Jonas anzere ahon ndoni ndali ti kete keke so.

Sofonii 3:11

“Na lango ni so, ala azo ti mbi, asioni ye so kue ala sara, aye so ala sara ti ke mbi, fade kamene ni ayeke kiri ti sara ala pepe. Biani, na lango ni so, azo ti kirikiri so baba ahon ndö ti ala, mbi yeke zi ala na popo ti ala, azo ti mbi. Tongaso si ala zia lege ti sarango kuru baba na ndö ti hoto ti mbi so ayeke nde si ayeke nzoni kue.

Jean 16:20

Biani, mbi tene na ala taa-tënë: fade ala yeke toto, ala yeke dema tere, me azo ti dunia ayeke duti ti ala na ngia. Ala, adisiple ti mbi ayeke na vundu, me vundu ti ala ayeke kiri ti ga ngia.

Jacques 4:16

Me fadeso, ala yeke pika kate ti ala si ala yeke gonda tere ti ala. Mara ti pikango kate tongaso ayeke nzoni pepe.

Aye so Nzapa afa 11:10

Azo ti ndö ti sese ayeke duti na ngia ndali ti kuâ ti azo use so. Ala yeke sara matanga, ala yeke mu akadoo na amba ti ala, ngbanga ti so awayanga-Nzapa use so aga na pasi mingi na ndö ti azo.

Awafango-ngbanga 9:27

Ala londo ague na yaka ti *vinye ti ala, ala ko ale ti vinye ni, ala pete ni; na pekoni ala leke mbeni matanga. Ala gue na ya ti da ti nzapa ti ala, ala te, ala nyon si ala deba Abimelek.

1 Samuel 4:5

Gi so sanduku ti mbuki ti KOTA GBIA asi na ya ti bâbâ ni awe, azo ti Israel kue adekongo ngangu si sese ayingi.