Amos 6:12 - Mbeti ti Nzapa - Tënë so amu fini

¹² Laoko ambarata akpe loro na ndö ti akota têne? Laoko zo afâ yaka na abagara na ndö ti akota têne? Me ti ala, ala sara si sarango ye na lege ti ndia aga sioni yoro; ala sara si fango ngbanga ti mbirimbiri aga sioni yoro ti fango zo.

Amos 6:12 ပူးပေါင်းရင်းမြစ်များ

Ésaïe 48:4

Mbi hinga kue, ala yeke azo ti ngangu li, li ti ala akpengba tongana wen, li ti ala akpengba mingi.

Jérémie 5:3

KOTA GBIA, ye so anzere na mo ayeke titene zo asara lakue ye so ayeke na legeni; ni laa ape? Mo pika ala, me pika ni aso ala pepe. Mo ye ti nika ala biani biani, me ala ke ti ma ye so mo fa na ala. Li ti ala akpengba ahon têne, ala ke ti kiri na mbage ti mo.

Osée 10:13

Me ala lu ye ti sioni si ala ko ye ti sioni so ahon ndoni awe; ala te lengo ti mvene. “Israel, mo zia be ti mo na ndö ti ngangu ti mo wani nga na ndö ti gba ti angangu zo ti bira ti mo.

Osée 10:4

Ala yeke diko gba ti atënë, ala yeke deba ti mvene, ala yeke leke atënë ti *mbuki; me ti ala, tënë ti fango ngbanga ayeke tongana sioni pere ti fango zo so asigigi na ya ti yaka.

Amos 2:3

Fade mbi yeke mingo kota makonzi so ayeke sara kua na ya ti kodro ni; mbi yeke fâ amakonzi ti lo kue legeoko na lo”; tënë so KOTA GBIA atene laa.

Amos 3:10

“Azo ti Samarii ahinga ti sara ye ti mbirimbiri oko pepe. Ala bongbi na ya ti ayangbo ti ala aye so ala mu na maboko ti azo na ngangu nga na aye so ala nzi nzingo”; so tënë ti yanga ti *KOTA GBIA laa.

Amos 5:7

Ala sara si sarango ye na lege ti ndia aga tongana sioni yoro ti fango zo, ala yeke do na sese fango ngbanga ti mbirimbiri.

Mishe 7:3

Maboko ti ala ayapu na sarango sioni ye. Titene amakonzi asara nzoni ye, ala yeke hunda titene a mu na ala ye si; awafango-ngbanga ayeke hunda goro. Akota zo ayeke tene gi tënë ti nzara ti warango aye so ahon ndö ti ala si ala kue ayeke ma tere ti sara gi aye ni so.

Jacques 3:18

Azo so aye siriri, ala yeke sara si azo so ayeke nduru na ala aduti na siriri; sarango ye ti ala akpa lungo ale ti kobe, lengo ni so ala yeke ko ayeke sarango ye ti mbirimbiri.