Amos 6:11 - Mbeti ti Nzapa - Tënë so amu fini

¹¹ Biani, KOTA GBIA amu gi yanga: akota da ayeke tuku na sese gburrr; ataa akete da ayeke suru kirikiri.

Amos 6:11 ပူးပေါင်းရင်းမြစ်များ

2 Agbia 25:9

Lo gbi kota da ti Nzapa, yangbo ti gbia nga na ada ti Jérusalem kue; lo bi wâ na ya ti ada ti akota zo kue.

Abia (Psaumes) 105:16

Lo sara si kota nzara aga na ya ti kodro ni, lo sara si kobe kue atia ala.

Abia (Psaumes) 105:31

Lo mu yanga si avuma so ayeke kpo zo kpongo na angungu amu ya ti kodro ti ala kue.

Abia (Psaumes) 105:34

Nzapa amu yanga si angadi aga nga na agbadola so zo alingbi ti diko wungo ti ala pepe.

Zo ti bongbingo azo 10:18

Zo so ayeke zo ti sopo, li ti da ti lo ayeke ti; zo so ayeke sara kua na wokongo tere, li ti da ti lo ayeke yuru.

Ésaïe 13:3

Mbi wani, mbi mu yanga na azo so mbi zia ala nde ndali ti mbi. Mbi iri akpengba turugu ti mbi, ala so ayeke wara ngia na lege ti nengo ti mbi; mbi iri ala titene ala fa ngonzo ti mbi.”

Ésaïe 55:11

Tënë so ayeke sigigi na yanga ti mbi ayeke legeoko tongaso: tënë ni ayeke kiri na mbi senge pepe, tënë ni ayeke sara ye so mbi ye, tënë ni ayeke sara kua so mbi tokua lo ti sara.”

Amos 3:15

Ada ti ala so ala leke ndali ti ngoi ti buru na ada ti ala so ala leke ndali ti ngoi ti ngu-Nzapa, fade mbi yeke kungbi ni kue na sese. Ada so ala sara na apembe ti doli, na akota da ni ayeke tuku kue na sese!” So tënë ti yanga ti KOTA GBIA laa.

Amos 5:11

Ala yeke sara ngangu na azo ti mawa, ala yeke gbu ale ti kobe ti azo ni na ngangu. Ndani laa apendere da so ala sara na têne so, fade ala yeke lango na ya ni pepe; anzoni vinye so ala lu so, fade ala yeke nyon vin ni pepe.

Amos 6:8

*KOTA GBIA adeba yanga ti lo, atene: “Na iri ti mbi Nzapa, mbi ke na be ti mbi kue baba ti Jacob, be ti mbi ake apendere da ti lo. Fade mbi yeke zia gbata ti Samarii kue na maboko ti awato”; so tënë ti yanga ti KOTA GBIA, Nzapa so ayeke na ndö ti dunia kue laa.

Amos 9:1

Mbi baa Kota Gbia aluti na nduzu na ndö ti gbalaka, lo tene: “Alingbi ala kungbi ali ti akota yongoro gere ti kota da ti Nzapa si agere ti da ni ayingi. Ala fâ li ti da ni si da ni atuku na ndö ti azo kue. Azo so angba na fini, fade mbi yeke sara si ala kui kuâ ti yongoro zeme; zo oko alingbi ti kpe pepe, zo oko alingbi ti soo kuâ pepe.

Amos 9:9

Ti fadeso, mbi yeke mu yanga titene a yengere azo ti Israel na popo ti azo ti amara nde tongana ti so a yeke yengere ale ti kobe si gi ale ti têne laa angba na ya ti yengere ni.

Nahum 1:14

Ti mo, gbia ti Ninive, yanga so KOTA GBIA amu na ndö ti mo ayeke so: “Mbeni *hale ti mo oko ti sara si iri ti mo angba na gigi ayeke duti daa pepe. Ayanda so mo leke na keke nga na wen si ayeke na ya ti da ti anzapa ti mo so, fade mbi yeke buba ni kue. Mbi yeke leke du ti kuâ ti mo, ngbanga ti so mo kiri mo ne na le ti mbi pepe.”

Zakarii 14:2

Fade KOTA GBIA ayeke bongbi amara kue ti tiri bira na Jérusalem; azo ayeke mu gbata ni, ala yeke nzi aye ti ya ti ada, ala yeke gbu awali na ngangu ti lango na ala; ala yeke gbu ndambo ti azo ti gbata ni ti gue na ala na kodro wande, me tanga ti azo ayeke ngba na ya ti gbata ni.

Malashii 1:4

Tongana azo ti Edom atene: ‘A buba agbata ti e kue awe, me fade e yeke kiri ti leke ni senge.’ ” Tënë so KOTA GBIA so ayeke na ndö ti dunia kue atene ayeke so: “Ala kiri aleke ni ma! Me ti mbi, mbi yeke kungbi ni kue na sese. Fade a yeke iri ala: ‘Sese ti azo ti sarango sioni’, wala ‘Azo so KOTA GBIA asara ngonzo na tere ti ala kpu na kpu’.

Nzoni Tënë so Luc asu na mbeti 19:44

Awato ti mo ni ayeke nika mo na azo ti mo kue; mbeni têne oko ayeke ngba na ndö ti mba ti lo pepe, ngbanga ti so lango so Nzapa aga ti baa mo asi awe, me mo hinga ni pepe!”