Amos 6:10 - Mbeti ti Nzapa - Tënë so amu fini

¹⁰ Tongaso, mbeni sewa oko ayeke mu akuâ ni na ya ti da ti gue ti gbi ni. Tongana mbeni zo angba na fini na ngbonda ti da ni kâ, sewa ni ayeke hunda lo, atene: “Mbeni zo ayeke na fini na tere ti mo kâ?” Zo ni ayeke kiri tënë: “Ên-en! Zo ayeke daa pepe.” Sewa ni ayeke kiri tënë, atene: “Kanga yanga ti mo! So ngoi ti dingo iri ti KOTA GBIA laa pepe!”

Amos 6:10 ပူးပေါင်းရင်းမြစ်များ

2 Agbia 23:16

Na pekoni, Yosias abaa ndo na peko si lo baa adu ti kuâ so ayeke na li ti hoto. Lo tokua azo ti mu abio so ayeke na ya ti adu ti kuâ ni si lo gbi ni na ndö ti gbalaka ni. Lo sara si gbalaka ni aga *sioni alingbi na tënë ti *KOTA GBIA so wayanga ti lo atene ando.

2 Agbia 6:33

So tënë angba gi na yanga ti Élisée, mo ye ti baa watokua ni asi, lo tene: “Asioni ye so kue asi na e so alondo na *KOTA GBIA! Nyen laa mbi yeke kiri ti zia be ti mbi ti ku na mbage ti KOTA GBIA, nyen?”

Jérémie 16:6

Na ya ti kodro so, fade akota zo na akete zo ayeke kui; a yeke lu kuâ ti ala pepe, a yeke toto kuâ ti ala pepe si zo ti suru tere ti lo na ka, wala ti kio kua ti li ti lo ndali ti ala ayeke daa pepe.

Jérémie 44:26

Ala azo ti Juda kue, ala so ayeke na kodro ti Ezipte so, ala ma tënë ti KOTA GBIA! Mbi deba na iri ti mbi so ayeke kota: na ya ti Ezipte kue, mbeni zo ti Juda ayeke kiri ti mu iri ti KOTA GBIA ti deba na ni pepe, atene: ‘Kota Gbia NZAPA ayeke na fini!’

Jérémie 9:21

“Ti mo Jérémie, mo tene: So tënë ti yanga ti KOTA GBIA laa: ‘Kuâ ti azo ayeke lango na sese tongana puru na le ti yaka, tongana ale ti kobe so azo ti fango ale ti kobe afâ ni si ati na sese si zo ti rongo ni ayeke daa pepe.’ ”

Ezekiel 20:39

Ti ala, azo ti Israel, tënë so mbi Kota Gbia NZAPA, mbi tene ayeke so: Ayeke nzoni zo oko oko ague, avoro ayanda ti lo ma! Me na pekoni, e yeke baa wala ala yeke ngba ti ke yanga ti mbi. Tongaso, iri ti mbi so ayeke nde si ayeke nzoni kue, ala yeke kiri ti sara si aga sioni pepe na lege ti amatabisi ti ala nga na lege ti vorongo ayanda ti ala.

Ezekiel 24:21

Tene na azo ti Israel, mo tene: Tënë so Kota Gbia NZAPA atene ayeke so: Mbi yeke sara si ndo so a zia ni nde ndali ti mbi aga sioni. Andaa da ti mbi ni ayeke ye so ala yeke pika kate ti ala ndali ni, ye so apendere na le ti ala, ye so ala zia be ti ala daa ndali ti fini ti ala. Amolenge ti ala ti koli na ti wali so ala zia ala na Jérusalem, fade a yeke fâ ala na yongoro zeme.

Amos 5:13

Ngoi ni so ayeke ngoi ti sioni, ndani laa zo ti ndara akai kpoo.

Amos 8:3

Na lango ni so, abia so azo ayeke he na yangbo ti gbia ayeke ga abia ti demango tere. Gba ti akuâ ayeke si singo na ndo kue, a yeke bi akuâ ni na ando kirikiri si ndo ayeke de ngii”; so tënë ti yanga ti Kota Gbia NZAPA laa!

Wungo ti azo 17:12

Aaron amu kete ta ti zongo na dukani tongana ti so Moïse atene na lo. Lo kpe hio, lo gue na popo ti azo ni; andaa kobela ti bubango kodro ato nda ti fango ala awe. Aaron azö dukani ni si lo sara ye so afa atene, KOTA GBIA azi siokpari na li ti ala awe.

1 Samuel 31:12

Akpengba turugu atambula bi bi bi, ala gue, azi kuâ ti Saul na ti amolenge ti lo na tere ti gbagba ti Bet-Shean, ala kiri na Yabesh si ala gbi ni.