Amos 5:9 - Mbeti ti Nzapa - Tënë so amu fini

⁹ Lo yeke sara si azo akinda zo ti ngangu, ala buba ngangu gbagba kue.

Amos 5:9 ပူးပေါင်းရင်းမြစ်များ

2 Agbia 13:17

si lo tene: “Zi fenetere so ayeke na mbage ti To.” Yoas azi fenetere ni. Élisée atene na lo: “Pika le ti kokora ni.” Yoas apika ni. Élisée atene: “Le ti kokora so afa songo benda ti *KOTA GBIA, songo benda na ndö ti azo ti Sirii. Fade mo yeke kinda ala na gbata ti Afek si mo yeke hunzi ala kue.”

2 Agbia 13:25

Tongaso Yoas, molenge ti Yoakaz, azi na maboko ti Ben-Hadad, molenge ti Hazael agbata ti Israel so Hazael amu lani na maboko ti babâ ti lo Yoakaz. Fani ota, Yoas akinda Ben-Hadad si lo zi na maboko ti lo agbata ti Israel.

Ésaïe 29:5

Gba ti awato ti mo ayeke duti tongana kete le ti fuku ti sese; gba ti azo so asara ngangu na mo ayeke ga tongana holengo pere so pupu amu ahon na ni.” Mo ye ti baa,

Jérémie 37:10

Ataa ala hon ndö ti aturugu ti Babilone so kue ayeke tiri bira na ala si gi ambeni so awara ka laa angba, fade ala oko oko ayeke londo na ya ti da ti ala ti bongo, ala kue ayeke ga ti bi wâ na gbata so.’ ”

Amos 2:14

Ataa azo so gere ti ala ayapu na mungo loro, ala lingbi ti kpe pepe; ataa azo so ayeke na ngangu mingi, ala lingbi ti sara ye na ngangu ti ala ni pepe; ataa angangu turugu, ala lingbi ti soo fini ti ala pepe.

Mishe 5:11

Mbi yeke zi aye ti mazi so ayeke na ya ti kodro ti mo kue; mbeni zo ti bango nda ti aye na lege ti aye ti le ti nduzu ayeke duti daa mbeni pepe.

Ahebro 11:34

ala mingo angangu wâ, ala kpe na maboko ti azo so aye ti fâ ala na yongoro zeme, ala kiri awara ngangu na peko ti kobela so asara ala; ala ga akpengba zo ti sarango bira, ala tumba aturugu ti akodro wande.