Amos 5:8 - Mbeti ti Nzapa - Tënë so amu fini

⁸ Lo so lo sara bongbi ti atongoro, Pleyade na Orion, lo sara si ndo so avuko pitipiti aga lumiere ti ndaperere; lo sara si kota lâ avuko si aga bi. Lo iri ngu ti kota ngu-ingo ti ga si lo tuku ni na ndö ti sese: iri ti lo ayeke KOTA GBIA.

Amos 5:8 ပူးပေါင်းရင်းမြစ်များ

Mbeti ti Job 12:22

Ye so ahonde na ya ti vukongo ndo, lo yeke sigigi na ni polele; ye so ayeke na ndo so avuko pitipiti, lo yeke fa ni na gigi polele.

Mbeti ti Job 37:13

Nzapa atokua ala ti pika azo ti ndö ti sese, wala ti fa na ala nzoni be ti lo.

Mbeti ti Job 38:34

Mo laa mo yeke dekongo na ambinda si gba ti ngu atuku na ndö ti mo?

Mbeti ti Job 9:9

Lo sara bongbi ti atongoro: Kota Urse, Orion, Pleyade nga na Bongbi ti atongoro ti mbage ti Mbongo.

Abia (Psaumes) 104:20

Mo sara vukongo ndo, so bi laa; na ndembe so laa anyama ti ngonda kue ayeke fono;

Abia (Psaumes) 105:28

Nzapa atokua vukongo ndo si ndo avuko pitipiti na ya ti kodro ni; zo oko ake tënë ti lo pepe.

Ésaïe 42:16

Mbi yeke sara si awaziba atambula na ndö ti lege so ala hinga pepe; mbi yeke sara si ala hon na ndö ti alege so ala hinga pepe. Na dawa ti ala, mbi yeke sara si vukongo ndo aga lumiere, lege so aba bango aluti mbirimbiri. Apialo so, fade mbi yeke sara ni, mbi yeke zia ni oko pepe.

Ésaïe 59:10

E yeke tatara ndo si e yeke tambula na tere ti dere ti da tongana azo so le ti ala akanga. E yeke tatara ndo tongana azo so le ti ala ayeke daa pepe. Na kota lâ, e ye ti ti, mo baa mo tene, e yeke tambula na bi. E yeke na seni, me e kpa gi akuâ.

Jérémie 16:21

Ndani laa KOTA GBIA atene: “Ti fadeso, mbi yeke fa na azo ni ngangu ti mbi na komandema ti mbi, tongaso si fade ala hinga atene, mbi laa mbi yeke KOTA GBIA.”

Jérémie 33:2

“Lo so lo sara ye, lo so lo leke ye si ye ni aluti mbirimbiri, lo so iri ti lo ayeke KOTA GBIA, tënë so lo tene ayeke so:

Amos 4:13

Biani, lo laa lo sara akota hoto, lo sara pupu, lo yeke fa na zo aye so lo leke na be ti lo ti sara. Lo yeke sara si lumiere ti ndaperere aga vukongo ndo, lo yeke tambula na ndö ti akota hoto ti sese so: iri ti lo ayeke KOTA GBIA, Nzapa so ayeke na ndö ti dunia kue.

Amos 8:9

So tënë ti yanga ti Kota Gbia NZAPA laa: “Na lango ni so, mbi yeke sara si lâ alinda na bekombite si ndo avuko pitipiti na kota lâ.

Amos 9:6

Lo so lo leke ndo ti dutingo ti lo na yayu kâ, lo gbara le ti nduzu na ndö ti sese; lo so lo iri angu ti kota ngu-ingo ti ga si lo tuku ni na ndö ti sese, iri ti lo ayeke *KOTA GBIA.

Matthieu 4:16

Azo so aduti na ya ti vukongo ndo abaa kota lumiere! Ndo ahan na ndö ti azo so aduti ando na ya ti vukongo ndo, na kodro ti akuâ.”

Nzoni Tënë so Luc asu na mbeti 1:79

Fade lâ ni ayeke su na ndö ti azo so aduti na ya ti vukongo ndo ti kuâ, ti fa na e lege ti siriri si e tambula daa.”