Amos 5:7 - Mbeti ti Nzapa - Tënë so amu fini

⁷ Ala sara si sarango ye na lege ti ndia aga tongana sioni yoro ti fango zo, ala yeke do na sese fango ngbanga ti mbirimbiri.

Amos 5:7 ပူးပေါင်းရင်းမြစ်များ

Abia (Psaumes) 125:5

Me ti azo so agirisa nzoni lege ti mu lege ti kirikiri, ayeke nzoni KOTA GBIA atumba ala, ala na azo ti sarango sioni. Ayeke nzoni siriri aduti na Israel!

Abia (Psaumes) 36:3

Lo baa tere ti lo kota ahon ti so lo yeke; nilaa lo ye ti hinga siokpari ti lo pepe si lo zia lege ni pepe.

Amato 21:7

Ye ti ngangu so azo ti sioni ayeke sara asara si fini ti ala agirisa, ngbanga ti so ala ke ti sara ye alingbi na tënë ti ndia.

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

Ésaïe 10:1

Mawa na azo so ayeke lu asioni ndia, ala so ayeke su andia ni na mbeti ti sara si azo aga azo ti mawa!

Ésaïe 46:12

Ala azo ti kpengbango be, ala so angba yongoro na tere ti ye so ayeke mbirimbiri so, ala ma mbi!

Ésaïe 5:20

Mawa na ala, azo so abaa ye ti sioni si ala tene ye ti nzoni laa! Ala baa ye ti nzoni si ala tene ye ti sioni laa. Ala mu vukongo ndo tongana vurungo ndo, ala mu vurungo ndo tongana vukongo ndo. Ala mu ye so asee sengo, tongana ye so anzere, ala mu ye so anzere nzerengo tongana ye so asee.

Ésaïe 5:7

Andaa yaka ti vinye ti *KOTA GBIA, lo so lo yeke na ndö ti dunia kue, ayeke azo ti Israel. Azo ti mara ti Juda laa ayeke ye so lo lu si lo ye ni mingi. Lo ku fade titene azo ni afâ ngbanga na legeni, me ala fâ ngbanga ti mbana kirikiri. Lo ku fade titene azo ni asara ye alingbi na ndia, me gi dekongo ti azo ti mawa laa mo yeke ma.

Ezekiel 18:24

Me ti zo ti mbirimbiri so azia lege ti sarango ye ti mbirimbiri ti lo, tongana lo to nda ti sara asioni ye so zo alingbi ti baa na le ti lo fani use pepe tongana ti azo ti sioni, ala baa ti ala atene, fade lo yeke ngba na fini? Aye ti mbirimbiri so kue lo sara, a yeke kiri ti dabe na ni pepe. Fade lo yeke kui ndali ti asioni ye ti lo nga ndali ti asiokpari so lo sara.

Ezekiel 3:20

Tongana mbeni zo ti mbirimbiri azia sarango ye ti mbirimbiri si lo kiri ti sara ye ti kirikiri, fade mbi yeke zia kuku na dawa ti lo titene lo ti daa si lo yeke kui. Tongana mo gboto mê ti lo pepe, fade lo yeke kui ndali ti siokpari ti lo. Aye ti mbirimbiri so lo sara kozoni, fade a yeke dabe na ni mbeni pepe. Me mo laa, mbi yeke hunda mene ti lo na maboko ti mo.

Ezekiel 33:18

Tongana zo ti mbirimbiri azia lege ti mbirimbiri ti lo si lo sara sioni ye, fade lo yeke kui ndali ni.

Osée 10:4

Ala yeke diko gba ti atënë, ala yeke deba ti mvene, ala yeke leke atënë ti *mbuki; me ti ala, tënë ti fango ngbanga ayeke tongana sioni pere ti fango zo so asigigi na ya ti yaka.

Amos 2:3

Fade mbi yeke mingo kota makonzi so ayeke sara kua na ya ti kodro ni; mbi yeke fâ amakonzi ti lo kue legeoko na lo”; tënë so KOTA GBIA atene laa.

Amos 3:10

“Azo ti Samarii ahinga ti sara ye ti mbirimbiri oko pepe. Ala bongbi na ya ti ayangbo ti ala aye so ala mu na maboko ti azo na ngangu nga na aye so ala nzi nzingo”; so tënë ti yanga ti *KOTA GBIA laa.

Amos 6:12

Laoko ambarata akpe loro na ndö ti akota têne? Laoko zo afâ yaka na abagara na ndö ti akota têne? Me ti ala, ala sara si sarango ye na lege ti ndia aga sioni yoro; ala sara si fango ngbanga ti mbirimbiri aga sioni yoro ti fango zo.

Mishe 3:9

Ala amakonzi ti *ahale ti Jacob, ala azo so ayeke na li ti azo ti Israel, ala ma tënë so! Be ti ala ke tënë ti fango ngbanga ti mbirimbiri, ala yeke buba tënë ti fango ngbanga na lege ti ndia.

Habakuk 1:4

Ndani laa azo ayeke sara ye alingbi na ndia pepe, ala yeke fâ ngbanga na lege ti ndia pepe. Zo ti sioni ayeke hon ndö ti zo ti mbirimbiri, awafango-ngbanga ayeke fâ ngbanga kirikiri.

Sofonii 1:6

Mbi yeke hunzi azo so ado mbi KOTA GBIA azia, ala so ayeke gi mbi pepe si ala yeke hunda mbi pepe so.”

Ndia ti fani use ni 29:18

Tongana mbeni zo ama atënë ti dengo ba so si lo wara nzerengo tere na be ti lo kâ, lo tene: “Fade aye ti mbi kue ayeke ga nzoni, ataa so mbi ngba ti sara ngangu li si mbi yeke sara aye so be ti mbi aye.” Biani, sese so anyon ngu alingbi na lo ayeke kiri ti hunda ngu pepe.