Amos 5:5 - Mbeti ti Nzapa - Tënë so amu fini

⁵ Me ala gue, agi mbi na Betel pepe, ala li na Gilgal pepe, ala gue, asi kâ na Bersheba pepe. Biani, fade a yeke gbu azo ti Gilgal kue ti gue na ala na kodro wande si Betel, da ti Nzapa ayeke ga da ti ayanda.”

Amos 5:5 ပူးပေါင်းရင်းမြစ်များ

Tongo nda ti aye 21:31

Ndani laa azo airi ndo ni so Bersheba. Na ndo so laa ala use kue adeba yanga ti ala.

Tongo nda ti aye 21:33

Abraham alu keke ti tamaris na kodro ti Bersheba, lo sambela Nzapa so ayeke kpu na kpu si lo iri lo na iri ti KOTA GBIA.

Tongo nda ti aye 26:23

Isaac alondo na ndo so, lo gue na Bersheba.

Tongo nda ti aye 26:33

Lo di iri ti du ti ngu so Shiba. Ndani laa laso azo angba ti iri gbata ni Bersheba.

1 Agbia 12:28

Na peko ti so gbia ahunda wango na azo awe, lo mu yanga titene ala leke abagara use na lôro. Lo tene na azo ni, lo tene: “Ala azo ti Israel, ala gue na Jérusalem alingbi awe! Baa, anzapa ti ala so asara si ala sigigi na kodro ti Ezipte laa!”

1 Agbia 12:29

Yeroboam azia bagara oko na Betel, oko na Dan.

2 Agbia 23:8

Yosias airi awayango-sandaga ti agbata ti Juda kue ti ga na Jérusalem. Ti londo na Geba ngbii asi na Bersheba, lo sara si ando so azo aleke na ndö ti ahoto ti voro anzapa nde daa so aga *sioni; ndo so awayango-sandaga azö dukani daa. Na Jérusalem, Yosias akungbi na sese agbalaka so ayeke nduru na ayanga ti gbata ni, mbirimbiri gbalaka so ayeke na tere ti yanga ti gbata so ayeke ti Yoshua, govoronere ti gbata ni. Tongana zo ayeke li na ya ti gbata ni, gbalaka ni ayeke na mbage ti maboko ti wali.

Mbeti ti Job 8:22

Fade kamene ayeke gbu le ti awato ti mo; azo ti sioni ayeke daa mbeni pepe.

Abia (Psaumes) 33:10

Aye so amara nde aye ti sara, KOTA GBIA akanga lege ni. Aye so azo aleke na be ti ala ti sarango ni, KOTA GBIA abuba lege ni.

Ésaïe 29:20

Biani, azo so ayeke sara ngangu na azo, ti ala ayeke hunzi; azo so ayeke he azo, a yeke mingo ala; azo so ayeke gi lege ti sara sioni na azo, a yeke hunzi ala biani biani:

Ésaïe 8:10

Ala leke apialo ma, fade ayeke li ngu. Ala tene tënë mingi mingi ma, fade a yeke sara ye oko pepe, ngbanga ti so Nzapa ayeke na e.

Jérémie 48:13

Fade Kemosh, nzapa ti Moab ayeke bi kamene na le ti lo tongana ti so Betel, nzapa ti Israel abi kamene na le ti lo. Andaa Israel azia ando be ti lo kue na ndö ti nzapa ni so.

Osée 10:8

Ando so azo aleke na nduzu ti voro anzapa ti mvene daa so, fade a yeke buba ni kue; ando ni so laa ayeke siokpari ti azo ti Israel. Fade akamba ti ki na aki ayeke kanga ndö ti agbalaka ti ala. Fade azo ti Samarii ayeke tene na akota hoto: “Ala kanga ndö ti e!” Ala yeke tene na akete hoto: “Ala ti na ndö ti e!”

Osée 12:11

Mbi tene tënë na awayanga-Nzapa, mbi sara si ala baa aye mingi na ya ti mbeni ye tongana bango-li. Na lege ti awayanga-Nzapa, mbi tene tënë na lege ti atoli.

Osée 4:15

“Tongana mo Israel, mo sara ye ti ndumba, ayeke nzoni Juda asara gi mara ti sioni ye so pepe. Ala gue na Gilgal pepe, ala gue na Bet-Aven pepe si ala deba yanga ti ala pepe, atene: ‘KOTA GBIA ayeke na fini!’ ”

Osée 9:15

“Na Gilgal laa asioni ti ala kue asigigi polele; kâ laa be ti mbi ake ala. Ndali ti asioni sarango ye ti ala, fade mbi yeke tumba ala na da ti mbi, mbi yeke kiri ti ye ala pepe; amakonzi ti ala kue ayeke azo ti ngangu li.

Amos 1:5

Fade mbi yeke sara si angbongboro wen ti yanga ti agbagba ti gbata ti Damas akungbi; mbi yeke mingo makonzi so ayeke na popo-hoto ti Aven, mbi yeke mingo lo so ayeke sara komandema na Bet-Eden. Tongaso fade a yeke gbu azo ti Sirii ti gue na ala na kodro ti Kir”; so tënë ti yanga KOTA GBIA laa.

Amos 3:14

Na lango so mbi yeke ga na tere ti azo ti Israel ndali ti asioni sarango ye ti ala, gi na lango so laa mbi yeke ga ti buba agbalaka so ayeke na Betel; fade a yeke kungbi adidi ti gbalaka ni si ala yeke ti na sese.

Amos 4:4

“Ala azo ti Israel, ala gue na Betel, ala sara siokpari ma; ala gue na Gilgal, ala sara siokpari ahon ti kozo! Ala mu asandaga ti ala na ndaperere ma; lango ota na pekoni, ala mu adime ti aye ti ala!

Amos 7:10

Amasia, wayango-sandaga ti Betel atokua na Yeroboam, gbia ti Israel, atene: “Amos ayeke gi lege ti kinda mo na ndö ti mbata ti mo ti gbia taa na kodro ti Israel. Azo ti kodro ni alingbi ti kanga be na atënë ti lo mbeni pepe.

Amos 7:13

Me na Betel, kiri mo tene peko ti tënë ti yanga ti Nzapa ni pepe, ngbanga ti so ndo so ge so ayeke ndo ti vorongo Nzapa ti gbia laa; ndo so kota da-Nzapa ti gbia ayeke daa laa!”

Amos 7:17

Ndani laa, tënë so KOTA GBIA atene ayeke so: ‘Fade wali ti mo ayeke sara ye ti ndumba na ya ti gbata ni; a yeke fâ amolenge ti mo ti koli na ti wali. A yeke haka sese ti mo ti kangbi ni na popo ti azo. Ti mo, mo yeke kui na kodro ti amara nde, a yeke gbu azo ti Israel kue kue kue ti gue na ala yongoro na tere ti kodro ti ala.’ ”

Amos 7:9

Ando so *ahale ti Isaac aleke na nduzu ti voro anzapa daa, fade a yeke buba ni kue; ando ti vorongo nzapa ti azo ti Israel, fade a yeke kungbi ni kue na sese, fade mbi yeke londo na bira na tere ti azo ti sewa ti gbia Yeroboam.

Amos 8:14

Azo so kue ayeke deba na iri ti sioni yanda ti Samarii, ala so kue ayeke deba, atene: ‘nzapa ti Dan ayeke na fini!’, ‘lege ti vorongo nzapa ti Bersheba ayeke daa.’ Fade azo so kue ayeke ti na sese, ala yeke kiri ti londo pepe.”

1 Korente 1:28

Ye so azo ti dunia so abaa na le ti ala tongana kete ye, tongana mbumbuse ye, tongana ye so akpa ye oko pepe, Nzapa asoro ni ti buba na ye so azo ni abaa tongana kota ye na le ti ala.

1 Korente 2:6

Andaa, tënë ti mbi ayeke tënë ti ndara so mbi yeke fa ni na azo ti Christ so aga kangba na lege ti mabe awe. Ndara ni ayeke ndara ti azo ti dunia so pepe wala ndara ti ala so ayeke na komandema na ndö ti dunia so. Ti azo ni, fade a yeke hunzi ala kue kue kue.

Ndia ti fani use ni 28:41

Ala yeke du amolenge-koli na amolenge-wali, me amolenge ni ayeke ngba na tere ti ala pepe, ngbanga ti so a yeke gbu ala ti gue na ala na kodro wande.

Josué 5:9

Na pekoni KOTA GBIA atene na Josué: “Kamene so ala mu na Ezipte aga na ni so, laso, mbi yeke sara titene ahon yongoro na tere ti ala.” Ndani laa azo adi iri ti ndo ni so Gilgal; iri ni so angba ngbii asi laso.

Aye so Nzapa afa 18:17

Gi na ya ti ngbonga oko, gba ti amosoro ti lo so kue abuba awe!” Amakonzi kue ti amangboko, azo so kue ayeke sara kua na ya ni, azo so ayeke tambula na amangboko ni, na azo so kue ayeke wara nginza na lege ti sarango kua na le ti ngu,

1 Samuel 11:14

Na pekoni, Samuel atene na azo ni: “Ala ga, e gue na Gilgal ti kiri ti zia Saul gbia.”

1 Samuel 7:16

Na ya ti ngu oko oko, lo yeke gue na Betel, na Gilgal nga na Mispa ti fâ ngbanga ti azo ti Israel na ando so kue.

1 Samuel 8:2

Iri ti kozo molenge ni Joël, iri ti use ni Abia. Ala yeke sara kua ti fango ngbanga na kodro ti Bersheba.