Amos 5:4 - Mbeti ti Nzapa - Tënë so amu fini

⁴ Tënë so *KOTA GBIA atene na azo ti Israel ayeke so: “Ala gi mbi si fade ala duti na fini.

Amos 5:4 ပူးပေါင်းရင်းမြစ်များ

2 Agbia 20:3

“Ae! KOTA GBIA, mbi gbu gere ti mo, mo dabe ti mo so mbi sara ye na le ti mo na lege ti taa-tënë si mbi sara ni na be ti mbirimbiri. Mbi sara nga ye so ayeke nzoni na le ti mo.” Na pekoni Ezekias atoto mingi.

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

2 Mbai 15:2

Lo gue, lo wara Asa si lo tene na lo: “Gbia Asa, mo na azo ti Juda nga na azo ti Benjamin kue, ala ma mbi si! *KOTA GBIA ayeke na ala, tongana ala yeke na lo. Tongana ala gi lo, fade lo yeke zi lege na ala ti wara lo; me tongana ala zia lo, fade lo nga lo yeke zia ala.

2 Mbai 20:3

Mbeto agbu Yosafat si lo leke na be ti lo ti hunda *KOTA GBIA. Lo hunda na azo ti Juda kue titene ala ke kobe ti sambela.

2 Mbai 20:4

Azo ti Juda alondo na ya ti agbata kue ti kodro ni, ala bongbi tere ti ala titene ala gi KOTA GBIA.

2 Mbai 34:3

Na ya ti ngu miombe so Yosias ale-gbia, so lo de maseka, lo to nda ti gi Nzapa ti kotara ti lo David. Na ngu baleoko na use ni, lo to nda ti sara si Juda na Jérusalem aga *nzoni: lo zi ando so azo aleke na ndö ti ahoto ti voro anzapa nde daa, akeke so a leke si aluti na nduzu ndali ti nzapa-wali *Ashera nga na ayanda so a leke na keke na ayanda so a kporo wen si a leke na ni.

Abia (Psaumes) 14:2

Kâ na yayu, *KOTA GBIA aba tere ti lo na mbage ti azo ti sese ti baa ndo, ti gi zo so li ti lo ayeke daa, zo so ayeke gi Nzapa.

Abia (Psaumes) 22:26

KOTA GBIA, ndali ti mo, mbi lingbi ti gonda mo, mbi gonda mo na ya ti kota bongbi ti azo ti mo. Ye so mbi deba yanga ti mbi ti sarango ni, mbi yeke sara ni na le ti azo so akpe mbeto ti mo:

Abia (Psaumes) 27:8

Mbi yeke gbu li ti mbi na ndö ti tënë ti mo so mo tene: “Ala azo, ala gi le ti mbi!” Biani, KOTA GBIA, mbi yeke gi le ti mo!

Abia (Psaumes) 69:32

Baa ye so anzere na be ti KOTA GBIA laa, anzere ahon bagara so mbi lingbi ti mu na lo, wala koli-bagara so adidi ti lo na asokoto ti gere ti lo ayeke daa.

Abia (Psaumes) 69:33

Asenge zo ayeke baa ye ni si ala yeke duti na ngia: “Ala so ayeke gi Nzapa, ayeke nzoni ala te gigi aninga!

Ésaïe 31:1

Mawa na azo so ayeke gue na Ezipte titene a mu maboko na ala! Ala zia be ti ala na ndö ti ambarata, na ndö ti apusu ti mbarata, ngbanga ti so apusu ni ayeke gbani gbani; ala zia be ti ala na ndö ti azo ti kpengo na mbarata, ngbanga ti so ala yeke na ngangu mingi. Me ala yeke baa ndo na mbage ti Nzapa ti Israel pepe, lo so lo yeke nde si lo yeke nzoni kue; ala yeke gi *KOTA GBIA pepe.

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Jérémie 38:20

Me Jérémie atene na lo: “A yeke zia mo na maboko ti ala pepe. Ayeke nzoni mo ma tënë ti KOTA GBIA so mbi yeke tene peko ni na mo so; ndali ni, fade mo yeke baa nzoni si mo yeke soo fini ti mo.

Ezekiel 18:9

Lo yeke tambula alingbi na atënë ti ndia ti mbi, lo yeke sara ye alingbi na aye so mbi fa; sarango ye ti lo alingbi na lege ti taa-tënë. Lo yeke zo ti mbirimbiri; fade lo yeke duti na fini biani. So tënë ti yanga ti Kota Gbia NZAPA laa.

Osée 10:12

Ala lu ye alingbi na ye ti mbirimbiri si fade ala yeke ko ye alingbi na nzoni be; ala fâ fini yaka ti ala! Ngoi titene ala gi KOTA GBIA alingbi awe; ala gi lo ngbii lo ga lo sara si ye ti mbirimbiri atuku na ndö ti ala.

Amos 5:6

Ala gi KOTA GBIA si fade ala duti na fini. Tongaso pepe, fade lo yeke ga tongana wâ na tere ti asewa ti Joseph, wâ ni ayeke gbi ye kue na Betel si zo oko ti mingongo ni ayeke duti daa pepe.

Sofonii 2:3

Ala asenge zo kue ti sese so, ala gi KOTA GBIA; ala so ayeke sara ye na lege ti ndia ti lo, ala gi lege ti sara ye ti mbirimbiri, ala gi lege ti sara tere ti ala kete na dawa ti Nzapa. E hinga pepe, fade ala yeke soo fini ti ala na lango so KOTA GBIA ayeke sara ngonzo.

Matthieu 7:8

Zo so ahunda ye, fade a yeke mu na lo; zo so agi ye, fade lo yeke wara; zo so apika yanga ti da, fade a yeke zi na lo.

Ndia ti fani use ni 32:46

lo tene na ala: “Atënë so kue mbi fa na ala laso, ala mu yanga na amolenge ti ala ti zia be ti ala daa, ti sara ye alingbi na atënë kue ti *Ndia so.

Ndia ti fani use ni 32:47

Biani, so ayeke gi asenge tënë pepe. Atënë ni ayeke ndali ti fini ti ala; na lege ti atënë so laa fade gigi ti ala ayeke gue, ayo na sese so ala yeke fâ ngu ti Jourdain ti mu ni titene aga ti ala.”

Ndia ti fani use ni 4:29

Tongaso, na kodro ni kâ, ala yeke gi KOTA GBIA Nzapa ti ala. Tongana ala gi lo na be ti ala kue, na yingo ti ala kue, fade ala yeke wara lo.