Amos 5:2 - Mbeti ti Nzapa - Tënë so amu fini

² Lo ti awe, Israel, maseka-wali so, lo yeke kiri ti londo pepe. Lo lango na sese na kodro ti lo wani, zo ti yo lo na nduzu ayeke daa pepe.

Amos 5:2 ပူးပေါင်းရင်းမြစ်များ

2 Agbia 15:29

Na ngoi so Peka ayeke gbia ti Israel, Teglat-Falasar, gbia ti Sirii aga si lo mu agbata tongana: Iyon, Abel-Bet-Maaka, Yanoa, Kedesh na Hasor. Lo mu nga sese ti Galaad, ti Galile na ti Neftali kue. Lo gbu azo ti agbata ni si lo gue na ala na kodro ti Asirii.

2 Agbia 17:16

Ala zia lege ti atënë kue ti yanga ti KOTA GBIA, Nzapa ti ala, ala mu wen akporo ni si ala leke na ayanda use ti bagara, ala leke mbeni keke aluti na nduzu ndali ti nzapa-wali Ashera. Ala voro aye so kue ayeke na le ti nduzu si ala sara na nzapa *Baal.

Ésaïe 14:21

Ala leke tere ti ala ti fâ amolenge ndali ti sioni so ababâ ti ala asara. Alingbi ala kiri alondo ti mu sese pepe, alingbi ala kiri ti sara si agbata asi singo na ndö ti dunia so pepe.

Ésaïe 24:20

Sese ayeke hon mbage na mbage tongana zo so samba ahon ndö ti lo, ayeke yingi tongana mbeni kete da. Siokpari ti azo ane na ndö ti lo si lo ti, lo lingbi ti londo pepe.

Ésaïe 3:8

Jérusalem ati awe, kodro ti Juda abuba awe. Ala ke KOTA GBIA na lege ti tënë ti yanga ti ala nga na sarango ye ti ala; ala sara ngangu li na KOTA GBIA so ayeke na gonda.

Ésaïe 37:22

Baa, tënë so KOTA GBIA atene na tere ti lo ayeke so: Pendere maseka-wali, gbata ti *Sion abaa mo tongana mbumbuse zo, lo yeke he mo na ngia. Pendere maseka-wali, gbata ti Jérusalem ayeke yingi li ti lo si ayeke he mo na peko ti mo.

Ésaïe 43:17

Lo sara si apusu ti mbarata na ambarata, aturugu nga na angangu zo ti bira amu lege ti gue na bira. Ala ti, ala kiri alondo pepe, ala mingo si ala ga tongana meshe ti lamba so agbi kue.

Jérémie 14:17

“Tënë so fade mo yeke tene na ala laa: Mbi ye titene ngu ti le ti mbi asua bi na lâ, akai pepe, ngbanga ti so mbeni kpale ati na ndö ti azo ti mbi so mbi ye ala tongana molenge ti mbi ti wali; ka ti ala ayeke mu oko pepe.

Jérémie 18:13

Tongaso, tënë so *KOTA GBIA atene ayeke so: “Ala hunda ndo na popo ti amara nde: zo wa laa ama mara ti tënë tongaso na mê ti lo laoko, zo wa? Maseka-wali Israel asara kota ye ti buba.

Jérémie 2:27

“Ala yeke tene na keke: ‘Mo laa mo yeke babâ ti mbi!’ Ala yeke tene nga na têne: ‘Mo laa mo du mbi!’ Titene ala zia le ti ala na mbage ti mbi, ala zia gi peko ti ala na mbi! Me tongana ye ti ngangu asi na ala awe, ala yeke londo ti iri mbi, atene: ‘Ga mo soo e maa!’

Jérémie 31:4

Maseka-wali Israel, mbi yeke kiri ti leke mo na nduzu, a yeke kiri ti leke mo na nduzu. Mo yeke kiri ti mu akete ngo ti mo na tere ti mo tongana aye ti pendere si mo yeke gue ti dodo na popo ti azo so ayeke sara ngia.

Jérémie 4:20

Azo ayeke dekongo, atene: “Aye abuba na peko ti tere, na peko ti tere!” Biani, kodro ni kue abuba awe! Gi hio tongaso, azo abuba ada ti mbi ti bongo; ala buba nga gbefa ti mbi.

Jérémie 50:32

Zo ti baba ni aye ti ti, si lo ti awe; me zo ti yo lo na nduzu ayeke daa pepe. Mbi yeke bi wâ na ya ti agbata ti lo, wâ ni ayeke gbi aye so kue ayeke na tere ni.”

Jérémie 51:64

Na pekoni, fade mo yeke tene: ‘Babilone ayeke linda ngu biani biani legeoko tongaso; lo yeke kiri ti sigigi pepe, ngbanga ti aye ti ngangu so KOTA GBIA asara si aga na ndö ti lo.’ ” “Amara awoko kue na kua.” Atënë ti Jérémie ahunzi na ndo so.

Jérémie 8:4

“Mo tene na ala, mo tene: tënë so *KOTA GBIA atene ayeke so: Tongana zo ati, lo yeke londo pepe? Tongana zo agirisa lege, lo yeke kiri na peko pepe?

Jérémie 9:21

“Ti mo Jérémie, mo tene: So tënë ti yanga ti KOTA GBIA laa: ‘Kuâ ti azo ayeke lango na sese tongana puru na le ti yaka, tongana ale ti kobe so azo ti fango ale ti kobe afâ ni si ati na sese si zo ti rongo ni ayeke daa pepe.’ ”

Jérémie 9:9

Ndali ti ahoto, mbi yeke toto si mbi yeke dema tere; ndali ti ndo so anyama ayeke te ka pere daa, mbi yeke he bia ti totongo kuâ, ngbanga ti so ndo ni kue agbi awe; zo ayeke hon daa mbeni pepe; a yeke ma go ti anyama na ndo ni so pepe. Ataa andeke ti nduzu na anyama, ala kue ahon, mbeni oko angba pepe.

Abia ti demango tere 2:13

Azo ti gbata ti Jérusalem, mbi yeke haka ala na azo wa so-oo? Tënë ti nyen si mbi yeke tene na ala ti de be ti ala na ni so-oo! Mawa na ala mingi, azo ti gbata ti Sion! Dutingo ti ala alingbi na ti azo wa so-oo? Akpale ti ala akono ahon ndoni; akono tongana kota ngu-ingo. Zo wa si ayeke ga ande ti kai akpale ni na tere ti ala so-oo?

Osée 14:1

Fade azo ti Samarii ayeke wara ye ti peko ti sioni so ala sara, ngbanga ti so ala tomboka na tere ti Nzapa. Fade ala yeke kui na ya ti bira, a yeke nika amolenge ti ala so angba ti nyon me, a yeke suru ya ti amama ti ngo.”

Osée 6:2

Na peko ti lango use, fade lo yeke kiri fini na e; na lango ota ni, fade lo yeke yo e na nduzu si e yeke duti na fini na dawa ti lo.

Amos 8:14

Azo so kue ayeke deba na iri ti sioni yanda ti Samarii, ala so kue ayeke deba, atene: ‘nzapa ti Dan ayeke na fini!’, ‘lege ti vorongo nzapa ti Bersheba ayeke daa.’ Fade azo so kue ayeke ti na sese, ala yeke kiri ti londo pepe.”

Amos 9:11

“Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.