Amos 5:18 - Mbeti ti Nzapa - Tënë so amu fini

¹⁸ Mawa na ala, azo so ayeke ku *lango ti KOTA GBIA! Nzoni ye ti nyen laa ala yeke wara na lango ti KOTA GBIA ni nyen? Lango ni ayeke duti lango ti vukongo ndo, me lango ti lumiere pepe.

Amos 5:18 ပူးပေါင်းရင်းမြစ်များ

Ésaïe 13:6

Ala dekongo na vundu maa! *Lango ti KOTA GBIA aga nduru awe; lango ni ayeke tongana mbeni kota kpale so ayeke buba ndo kue; kpale ni alondo na lo so ngangu ti lo ahon angangu kue.

Ésaïe 24:18

Zo so ayeke kpe dekongo so ayeke zia kota mbeto na be ti zo, lo yeke ti na ya ti kota du; zo so ayeke londo ya ti du ni ti sigigi, lo yeke ti na ya ti gbanda. Fenetere ti yayu azi kota, gere ti sese ayingi.

Ésaïe 5:19

Ala yeke tene: “Ye so KOTA GBIA aye ti sara so, ayeke nzoni lo sara ni hio e baa ma! Pialo so Nzapa ti Israel so ayeke nde si ayeke nzoni kue aye ti sara so, ayeke nzoni lo sara ni si e hinga tënë ni ma!”

Ésaïe 5:30

Me na lango ni so, mbeni toto ayeke londo ti ga na tere ti ala tongana toto ti kota ngu-ingo. Tongana zo abaa ndo na ndö ti sese, fade lo yeke baa gi vukongo ndo na ye ti ngangu; angbongboro mbinda ayeke kanga sungo ti lâ.

Ésaïe 58:2

Na lango oko oko, ala yeke gi mbi, ala ye ti hinga lege ti mbi. Ala kpa azo so ayeke sara ye alingbi na ndia, azo so ado ndia ti Nzapa ti ala azia pepe. Ala yeke hunda na mbi ti fâ ngbanga mbirimbiri, ala ye titene mbi duti nduru na ala.

Ésaïe 8:22

Na pekoni, ala yeke baa ndo na sese: gi ye ti ngangu na vukongo ndo, vukongo ndo so ayeke zia kota mbeto na be ti zo, vukongo ndo so avuko pitipiti.

Ésaïe 9:19

Zo ayeke fâ kasa ti mbage ti maboko ti koli ti te, me nzara ayeke ngba ti sara lo; lo yeke te na mbage ti maboko ti wali, me ya ti lo ayeke si pepe. Zo oko oko ayeke te kasa ti tere ti lo wani.

Jérémie 13:16

Ala gonda KOTA GBIA, Nzapa ti ala kozo titene lo tokua vukongo ndo, kozo titene ala pika gere ti ala na li ti ahoto so ndo avuko daa. Ala yeke ku vurungo ndo, me KOTA GBIA asara si vurungo ndo ni aga ndo so avuko pitipiti; lo sara si aga vuko mbinda.

Jérémie 17:15

Azo ayeke tene na mbi: “Tënë ti KOTA GBIA ni ague na ndo wa? Ayeke nzoni tënë ni asi, e baa ma!”

Jérémie 30:7

So ye ti vundu ti nyen! So ayeke kota lango mingi; mbeni lango ti lingbi na ni ayeke daa pepe! So ayeke lango ti kota vundu ndali ti *ahale ti Jacob! Me fade ala yeke soo kuâ.”

Ezekiel 12:22

“*Molenge ti zo, *mato so azo ayeke tene na ndö ti Israel, atene: ‘Lango ayeke hon si ye oko so azo abaa na ya ti mbeni ye tongana bango-li, aga taa-tënë pepe’, ala yeke tene ni ngbanga ti nyen?

Ezekiel 12:27

“Molenge ti zo, tënë so azo ti Israel atene ayeke so: ‘Ye so koli so abaa na ya ti mbeni ye tongana bango-li so, lango ni ade yongoro. Lo yeke tene peko ti tënë ti Nzapa ndali ti angoi so angba yongoro kâ.’

Joël 1:15

Ae! So lango ti nyen? *Lango ti KOTA GBIA aga nduru awe, lango ni ayeke tongana mbeni kota kpale so ayeke buba ndo kue; alondo na lo so ngangu ti lo ahon angangu kue.

Joël 2:10

Na singo ti ala, sese ayingi, le ti nduzu ado ngangu; le ti lâ na ti nze avuko pitipiti si atongoro akiri aza pepe.

Joël 2:11

Na dawa ti aturugu ti lo, KOTA GBIA asara si azo ama go ti lo. Aturugu so ayeke ma yanga ti lo ayeke gbani gbani si ala yeke na ngangu. Biani, lango ti KOTA GBIA ayeke kota lango mingi, lango so ayeke zia kota mbeto na be ti zo. Zo wa laa alingbi ti kanga be ti lo na ni, zo wa?

Abdias 1:15

Biani, lango ni aga nduru awe, lango so *KOTA GBIA ayeke fâ ngbanga na li ti amara kue. Ye so mo sara na azo, gi ni laa a yeke sara ande na mo. Fade asioni sarango ye ti mo ayeke kiri na li ti mo wani.”

Ndia ti fani use ni 32:24

Tongana ala woko kue na nzara awe, tongana kobela ti wâ ahon ndö ti ala si akobela ti bubango kodro ahon ndö ti ala awe, mbi yeke tokua asioni nyama nga na asioni ngbo na tere ti ala.

2 Pierre 3:10

Lango ti gango ti Kota Gbia ayeke duti tongana gango ti zo ti nzi. Na lango ni so, nduzu ayeke hon si toto ni ayeke duti ngangu mingi; wâ ayeke gbi aye so ayeke na le ti nduzu, sese na aye so kue ayeke na ndö ni ayeke ngba pepe.

2 Pierre 3:4

atene: “Jésus amu ando zendo atene, ni yeke ga; ka lo yeke na ndo wa? Akotara ti e akui aninga awe, ala zia mê ti e! Ti londo na ngoi so dunia abaa gigi, nyen laa asanze, nyen?”