Amos 5:17 - Mbeti ti Nzapa - Tënë so amu fini

¹⁷ Na ya ti ayaka ti *vinye kue, fade azo ayeke ma abia ti totongo kuâ na ndembe so mbi yeke hon na popo ti ala”; tënë so KOTA GBIA atene laa.

Amos 5:17 ပူးပေါင်းရင်းမြစ်များ

Sigingo 11:4

Moïse atene na gbia Faraon: “Tënë so KOTA GBIA atene ayeke so: ‘Na be ti bi, mbi yeke hon na ya ti kodro ti Ezipte kue.

Sigingo 12:12

“Na bi ni so, fade mbi yeke hon na ya ti kodro ti Ezipte kue. Mbi yeke fâ akozo molenge-koli kue ti azo na ti anyama ti kodro ni. Mbi yeke fâ ngbanga na li ti anzapa kue ti Ezipte. Mbi laa mbi yeke KOTA GBIA.

Sigingo 12:23

Fade KOTA GBIA ayeke hon na ya ti Ezipte kue ti sara ye ti ngangu na kodro ni. Me tongana lo yeke baa mene so ayeke na tere ti akadere ti yanga ti da nga na tere ti kadere ti nduzu, fade lo yeke hon hongo, lo yeke zia lege pepe na kpale ti bubango ndo ti li na ya ti da ti ala ti fâ ala.

Ésaïe 16:10

Ngia na nzerengo tere ahunzi awe na ya ti ayaka so akeke so a yeke te le ni tengo ayeke daa. Na ya ti ayaka ti vinye, zo ayeke kiri ti ma bia ti ngia pepe, zo ayeke kiri ti ma dekongo na ngia pepe. Zo ayeke kiri ti pete vin pepe na ya ti du so a yeke pete ale ti vinye daa, dekongo na ngia akai awe.

Jérémie 48:33

Ngia na nzerengo tere ahunzi awe na yaka ti Moab so a lu na ya ni akeke so a yeke te alengo ni. Vin ayeke na ya ti ata mbeni pepe, akoli ti petengo ale ti vinye ayeke daa mbeni pepe; dekongo tongana ti azo so ayeke ko ale ti *vinye ti sara na vin ahunzi awe.

Nahum 1:12

Tënë so KOTA GBIA atene na azo ti Juda ayeke so: “Ataa awato ti ala awu mingi si awato ni ayeke ngangu, fade a yeke fâ ala kue, ti ala ayeke hunzi. Lani mbi sara pasi na azo ti Juda, me mbi yeke kiri ti sara pasi na ala pepe.

Zakarii 9:8

Fade mbi yeke sara sanziri na tere ti kodro ti mbi kue, ti bata ni ndali ti aturugu so ayeke gue, ayeke ga; zo ti sarango ngangu oko ayeke kiri ti ga ti sara pasi na ala pepe, ngbanga ti so fadeso, mbi wani, mbi yeke baa ndo na ndö ti kodro ni.”