Amos 5:13 - Mbeti ti Nzapa - Tënë so amu fini

¹³ Ngoi ni so ayeke ngoi ti sioni, ndani laa zo ti ndara akai kpoo.

Amos 5:13 ပူးပေါင်းရင်းမြစ်များ

2 Agbia 18:36

Azo ni kue azi yanga oko pepe; zo oko akiri tënë pepe, ngbanga ti so yanga so gbia amu fade ayeke so: “Fade ala kiri tënë na lo pepe.”

Mbeti ti Job 32:16

Mbi ku gbaa. Me so ala kiri atene tënë pepe so, so ala kai ti kiri tënë so,

Abia (Psaumes) 38:14

Ti mbi, mbi kanga mê ti mbi, mbi yeke ma ndo pepe; mbi yeke tongana buburu, mbi yeke zi yanga oko pepe.

Zo ti bongbingo azo 3:7

Ngoi ti surungo bongo ayeke daa, ngoi ti fungo bongo ayeke daa; ngoi ti kaingo kpoo ayeke daa, ngoi ti tenengo tënë ayeke daa.

Zo ti bongbingo azo 9:12

Lango so ye ti vundu ayeke si na zo, lo hinga ni pepe. Ye ti sioni ayeke wara azo biaku tongana ti so gbanda agbu susu, wala tongana ti so kuku agbu ndeke.

Ésaïe 36:21

Azo ni kue azi yanga oko pepe; zo oko akiri tënë pepe, ngbanga ti so yanga so gbia amu fade ayeke so: “Fade ala kiri tënë na lo pepe.”

Ésaïe 37:3

Ala tene na lo: “Tënë so Ezekias atene ayeke so: ‘Lango ti laso ayeke lango ti ye ti ngangu, lango ti kota kpale, lango ti kota kamene. Azo ayeke tene: molenge aga nduru ti sigigi na ya ti mama ti lo, me ngangu atia mama ni ti du molenge ni.

Osée 4:4

*KOTA GBIA atene: “Hange! Ayeke nzoni zo oko abi tënë na li ti mba ti lo pepe, zo oko asuku na mba ti lo pepe. Me mo wayango-sandaga laa, mbi yeke bi tënë na li ti mo.

Amos 6:10

Tongaso, mbeni sewa oko ayeke mu akuâ ni na ya ti da ti gue ti gbi ni. Tongana mbeni zo angba na fini na ngbonda ti da ni kâ, sewa ni ayeke hunda lo, atene: “Mbeni zo ayeke na fini na tere ti mo kâ?” Zo ni ayeke kiri tënë: “Ên-en! Zo ayeke daa pepe.” Sewa ni ayeke kiri tënë, atene: “Kanga yanga ti mo! So ngoi ti dingo iri ti KOTA GBIA laa pepe!”

Mishe 2:3

Ndani laa, tënë so *KOTA GBIA atene ayeke so: “Baa, mbi yeke leke mbeni kota kpale ti tokua na ndö ti mara ti azo tongana ala so. Fade ala lingbi ti sigigi na ya ni pepe, ala lingbi ti tambula, li ti ala na nduzu pepe, ngbanga ti so ngoi ni ayeke duti ngoi ti kota kpale.”

Habakuk 3:16

Mbi ma tënë ti aye so si li ti mbi kue akpe. Toto ti aye ni asara si yanga ti mbi ado dongo, bio ti mbi awoko kue, gere ti mbi awoko kue, mbi lingbi ti luti na nduzu pepe. Mbi duti kpoo ti ku lango ti ye ti vundu ni, ti ku lango ti gue ti tiri bira na azo so ayeke sara ngangu na e.

Efeze 6:13

Ndani laa, ala mu aye ti bira ti Nzapa kue. Tongaso, na ya ti sioni ngoi, ala lingbi ti luti nganganga na le ti wato, ala kiri na peko pepe, me ala tiri bira ni ngbii asi na ndani.

2 Timothée 3:1

Ayeke nzoni mo hinga ye so: na ya ti alango ti ndani, fade angoi ayeke ga ngangu.