Amos 5:12 - Mbeti ti Nzapa - Tënë so amu fini

¹² Biani, mbi hinga gba ti asioni ye so ala sara na asiokpari ti ala so ahon ndoni so. Ala yeke sara ngangu na azo ti mbirimbiri, ala yeke mu goro na maboko ti azo. Na le ti ngbanga, ala yeke kanga lege titene a fâ ngbanga ti azo ti mawa na legeni.

Amos 5:12 ပူးပေါင်းရင်းမြစ်များ

Mbeti ti Job 20:19

Aye ni kue asi na lo, ngbanga ti so lo do awayere, lo zia, lo nika ala, lo mu da ti ala na ngangu, me lo sara da ti li ti lo wani pepe.

Mbeti ti Job 31:21

Laoko mbi yoro maboko na le ti nyindu, ngbanga ti so mbi hinga, mbi tene, mbeni zo ti mu mbage ti mbi na le ti ngbanga ayeke daa?

Abia (Psaumes) 127:5

Ti lo nzoni, zo so ya ti bozo ti kokora ti lo asi singo na ale ti kokora ni! Fade kamene ti tenengo tënë na awato ti lo ayeke sara lo pepe na ndo so a yeke leke ka atënë daa.

Sigingo 23:3

Na le ti ngbanga, ala mu mbage ti zo pepe, ataa zo ni ayeke zo ti mawa.

Sigingo 23:6

“Na le ti ngbanga, ala sara si fango ngbanga ti zo ti mawa ague kirikiri pepe.

Amato 17:8

Ambeni zo abaa ti ala petengo goro tongana waraga so ayeke zi lege na ala; ala baa atene, ndo so kue ala yeke gue daa, aye ti ala kue ayeke ga nzoni.

Amato 22:22

Mo mu aye ti wayere na ngangu pepe, ngbanga ti so lo yeke na ngangu pepe. Na le ti ngbanga, mo sara ngangu na zo ti mawa pepe.

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

Ésaïe 10:2

Ala yeke kanga lege titene a fâ ngbanga ti asenge zo na legeni, ala yeke gbanzi azo ti mbi so ayeke awayere na ye so ayeke ti ala. Ala yeke te awali-mua, ala yeke nzi aye ti anyindu.

Ésaïe 29:21

azo ni ayeke azo so ayeke bi tënë ti mvene na li ti azo, ala so ayeke zia kuku titene awafango-ngbanga ati daa, ala so ayeke fâ ngbanga na li ti azo so asara ye oko pepe.

Ésaïe 33:15

– Zo so ayeke sara ye ti mbirimbiri si lo yeke tene taa-tënë; zo so ake ti wara ye na lege ti sarango ngangu na azo, zo so ake titene a pete na lo goro, zo so akanga mê ti lo titene lo ma atënë ti fango zo pepe, zo so akanga le ti lo titene lo baa ye ti sioni pepe.

Ésaïe 47:9

Baa, fade aye ti mawa use so ayeke si na mo: gi hio tongaso, na ya ti lango oko, amolenge ti mo ayeke kui, mo yeke ga nga wali-mua. Ataa gba ti azo ti mo ti yoro, ataa ngangu ti azo ti mazi ti mo, fade aye so kue ayeke si na mo.

Ésaïe 5:23

Tongana a pete goro na ala, ala yeke zi zo so tënë ayeke na li ti lo, zo so tënë ayeke na li ti lo pepe, ala yeke ke titene a fâ ngbanga ti lo na legeni.

Ésaïe 66:18

*KOTA GBIA atene: “Mbi hinga ye so ala yeke sara nga na tënë ti be ti ala. Lango ni alingbi awe ti bongbi amara kue na azo ti ayanga ti kodro kue. Ala yeke ga ti baa gonda ti mbi.

Jérémie 29:23

Ye so ayeke si na ala, ngbanga ti so ala sara kota ye ti kamene na sese ti Israel. Biani, ala lango na awali ti amba ti ala si ala tene, ani yeke tene peko ti atënë ti yanga ti mbi, ataa so mbi mu yanga na ala oko pepe. Mbi hinga ye so kue si mbi baa ye so kue.” So tënë ti yanga ti KOTA GBIA laa.

Abia ti demango tere 3:34

So azo amu azo ti kanga kue ti kodro si asara na ala taa kua ti mbana so,

Ezekiel 13:22

Na lege ti mvene ti ala, awali ni, ala sara si be ti azo ti mbirimbiri awoko, ataa so mbi laa mbi zia vundu na be ti azo ti mbirimbiri ni pepe. Ala mu ngangu na be ti azo ti sioni si ala lingbi ti zia lege ti sioni ti ala pepe ti ngba na fini.

Osée 5:3

“Mbi, mbi hinga azo ti Efraim, azo ti Israel ahonde na le ti mbi pepe. Fadeso, ala azo ti Efraim, ala sara ye ti ndumba si azo ti Israel aga *sioni ndali ni.”

Amos 2:16

Na lango ni so, ataa ngangu turugu so ayeke na mbeto pepe, lo yeke kpe tere ti lo ndumbu”; so tënë ti yanga ti KOTA GBIA laa.

Amos 2:3

Fade mbi yeke mingo kota makonzi so ayeke sara kua na ya ti kodro ni; mbi yeke fâ amakonzi ti lo kue legeoko na lo”; tënë so KOTA GBIA atene laa.

Amos 5:10

Zo so ayeke ke na awafango-ngbanga sioni fango ngbanga ti ala, be ti ala ake lo; zo so aga ti tene taa-tënë na le ti ngbanga, ala yeke baa lo na sioni le.

Amos 5:7

Ala sara si sarango ye na lege ti ndia aga tongana sioni yoro ti fango zo, ala yeke do na sese fango ngbanga ti mbirimbiri.

Amos 8:4

Ala ma tënë so nzoni si, ala so ayeke te aye ti azo ti mawa na mbana so. Ataa asenge zo ti kodro ni, ala ye titene ala ngba na ya ti kodro ni pepe.

Mishe 3:11

Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

Mishe 7:3

Maboko ti ala ayapu na sarango sioni ye. Titene amakonzi asara nzoni ye, ala yeke hunda titene a mu na ala ye si; awafango-ngbanga ayeke hunda goro. Akota zo ayeke tene gi tënë ti nzara ti warango aye so ahon ndö ti ala si ala kue ayeke ma tere ti sara gi aye ni so.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Awatokua 7:52

Wayanga-Nzapa wa laa akotara ti ala azia ti sara ngangu na lo? Akotara ti ala afâ azo so atene kozoni tënë ti gango ti Zo ti mbirimbiri. Fadeso, ala laa aka Zo ti mbirimbiri ni si ala fâ lo!

Ndia ti fani use ni 16:18

Moïse atene: Ala azo ti Israel, na ya ti agbata so kue *KOTA GBIA Nzapa ti ala ayeke mu na ala, fade ala yeke soro na ya ti mara ti ala oko oko, awafango-ngbanga na akota zo ti tere ti ala; fade ala yeke fâ ngbanga ti azo ti mara ni na legeni.

Ndia ti fani use ni 31:21

Tongana akpale na aye ti ngangu asi ande na ala, fade bia so ayeke ga mbeni ye ti bi tënë na li ti ala. Ataa *ahale ti ala ayeke girisa bia so pepe. Biani, gi laso laso, mbi hinga ye so ala leke na be ti ala ti sarango ni kozo si mbi sara titene ala li na ya ti kodro so mbi deba yanga ti mbi ti mu na ala.”

Jacques 5:4

Ala baa, azo so ayeke sara kua ti fango ale ti kobe ti ayaka ti ala, ala ke ti futa nginza ti ala na ala. Mbana ti ala ni ayeke dekongo! Dekongo ti azo ti fango ale ti kobe ti ala ni asi na mê ti *Kota Gbia so ayeke na ndö ti dunia kue.

Jacques 5:6

Zo so asara ye ti sioni pepe, ala fâ ngbanga na li ti lo si ala fâ lo; me lo wara ngangu ti zi yanga ti lo na ala oko pepe.

Ruth 4:1

Booz ague, aduti na yanga ti kodro ni, na ndo so azo ayeke leke ka tënë daa. Andaa zo ti sewa ti Elimelek ayeke hon, lo so lo lingbi fade ti mu Ruth ti bata lo, lo so lani Booz atene tënë ti lo na Ruth so. Booz airi lo, atene: “Koli, ga, mo duti ge.” Koli ni aga si aduti.

1 Samuel 8:3

Me amolenge ni amu peko ti sarango ye ti lo pepe. Ala ye nginza mingi; azo ayeke pete goro na ala si ala yeke fâ ngbanga ti azo na legeni pepe.