Amos 5:11 - Mbeti ti Nzapa - Tënë so amu fini

¹¹ Ala yeke sara ngangu na azo ti mawa, ala yeke gbu ale ti kobe ti azo ni na ngangu. Ndani laa apendere da so ala sara na têne so, fade ala yeke lango na ya ni pepe; anzoni vinye so ala lu so, fade ala yeke nyon vin ni pepe.

Amos 5:11 ပူးပေါင်းရင်းမြစ်များ

Mbeti ti Job 20:19

Aye ni kue asi na lo, ngbanga ti so lo do awayere, lo zia, lo nika ala, lo mu da ti ala na ngangu, me lo sara da ti li ti lo wani pepe.

Ésaïe 16:10

Ngia na nzerengo tere ahunzi awe na ya ti ayaka so akeke so a yeke te le ni tengo ayeke daa. Na ya ti ayaka ti vinye, zo ayeke kiri ti ma bia ti ngia pepe, zo ayeke kiri ti ma dekongo na ngia pepe. Zo ayeke kiri ti pete vin pepe na ya ti du so a yeke pete ale ti vinye daa, dekongo na ngia akai awe.

Ezekiel 26:12

Azo ni ayeke nzi amosoro ti mo, ala yeke gbu akungba ti mo ti ngere ti hon na ni. Ala yeke kungbi na sese agbagba ti mo si ala yeke buba apendere kota da ti mo; ala yeke mu atêne ti da ni, akeke ni nga na afuku ti sese ni si ala yeke tuku ni na ya ti ngu.

Ezekiel 34:21

Ala pusu angengo taba ni na kate ti ala, ala pusu ala na ndö ti go ti ala; ala mu didi akpo na ataba so kue ayeke na kobela; ala sara ngbii ataba ni akangbi kirikiri, yongoro na ndo ti tengo pere.

Osée 9:2

Me ale ti ble so a yeke pika na ndö ti alakere nga na mafuta so a yeke pete na ya ti du ayeke sara si ya ti mo asi pepe; fini vin so mo yeke ku, mo yeke ku ni gbaa.

Awayango-sandaga 26:16

baa ye so mbi yeke sara ande na ala ayeke so: “Fade mbi yeke tokua na ndö ti ala akota kpale: ala yeke nge ngengo, kobela ti wâ ti tere ayeke sara ala; akobela ni ayeke vuko le ti ala si ayeke woko ala. Ala yeke lu ale ti kobe senge senge, awato ti ala laa ayeke te ni.

Amos 2:6

Tënë so KOTA GBIA atene ayeke so: “Mbi yeke na tënë na azo ti Israel ndali ti asioni ye ota, wala osio so ala sara: ala ka zo ti mbirimbiri ti wara na nginza, ala ka wayere ti wara na pâpä. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 2:7

Nzara ti mungo aye ti azo ti mawa ahon ndö ti ala, ataa fuku ti sese so ayeke na li ti ala; na le ti ngbanga, ala yeke sara si a fâ ngbanga ti asenge zo na legeni pepe. Molenge-koli na babâ ti lo ayeke lango gi na oko maseka-wali. Na sarango ye tongaso, ala yeke buba iri ti mbi so ayeke nde si ayeke nzoni kue.

Amos 3:15

Ada ti ala so ala leke ndali ti ngoi ti buru na ada ti ala so ala leke ndali ti ngoi ti ngu-Nzapa, fade mbi yeke kungbi ni kue na sese. Ada so ala sara na apembe ti doli, na akota da ni ayeke tuku kue na sese!” So tënë ti yanga ti KOTA GBIA laa.

Amos 3:9

Na ndö ti ayangbo ti gbata ti Asdod, ala dekongo; na ndö ti ayangbo ti Ezipte, ala dekongo, ala tene: “Ala bongbi tere ti ala na ndö ti ahoto ti Samarii, ala baa gba ti wusuwusu so azo ayeke sara na aye ti ngangu so azo ayeke sara na amba ti ala na ndö ti ahoto ni!”

Amos 4:1

Ala awali ti gbata ti Samarii, ala so akono tongana amama ti bagara ti Bashan so, ala ma tënë so: ala yeke te ye ti azo ti mawa na mbana, ala yeke sara pasi na awayere. Na pekoni, ala yeke tene na akoli ti ala: “Ala ga na samba, e nyon-oo!”

Amos 6:11

Biani, KOTA GBIA amu gi yanga: akota da ayeke tuku na sese gburrr; ataa akete da ayeke suru kirikiri.

Amos 6:12

Laoko ambarata akpe loro na ndö ti akota têne? Laoko zo afâ yaka na abagara na ndö ti akota têne? Me ti ala, ala sara si sarango ye na lege ti ndia aga sioni yoro; ala sara si fango ngbanga ti mbirimbiri aga sioni yoro ti fango zo.

Amos 8:4

Ala ma tënë so nzoni si, ala so ayeke te aye ti azo ti mawa na mbana so. Ataa asenge zo ti kodro ni, ala ye titene ala ngba na ya ti kodro ni pepe.

Amos 9:14

Fade mbi yeke sara si gigi ti azo ti Israel, azo ti mbi, akiri aga nzoni, ala yeke kiri ti leke agbata so abuba so, ala yeke lango na ya ti agbata ni, ala yeke fâ ayaka ti vinye, ala yeke nyon vin ni; ala yeke fâ ayaka si ala yeke te akobe ni.

Mishe 1:6

KOTA GBIA atene: “Ndali ti ye so ala sara so, fade mbi yeke sara titene gbata ti Samarii aga ndo so ye kue abuba daa, wala aga sese so azo ayeke lu gi *vinye daa. Mbi yeke sara titene atêne ti gbata ni alondo ti tuku na popo-hoto; mbi yeke sara titene agere ti gbata ni asigigi kue.

Mishe 2:2

Tongana ala sara nzara ti ayaka ti azo, ala yeke mu ni; tongana ala sara nzara ti ada ti azo, ala yeke mu ni na maboko ti azo ni. Ala yeke sara ngangu na wa ti da nga na azo ti da ti lo, ala yeke gbu na ngangu aye ti azo ti da ni.

Mishe 6:15

Ala yeke lu ale ti kobe, me ala yeke ko ale ti kobe ni pepe. Ala yeke pete ale ti olive, me ala yeke sara kua na mafuta ni pepe. Ala yeke pete ale ti *vinye, me ala yeke nyon vin ni pepe.

Sofonii 1:13

Fade a yeke nzi amosoro ti ala, a yeke buba ada ti ala; ala yeke sara ada, me ala yeke lango na ya ni pepe; ala yeke fâ ayaka ti *vinye, me ala yeke nyon vin ni pepe.”

Aggée 1:6

Ala lu kobe mingi, me ala fâ ni gi kete; ala yeke te kobe, me ya ti ala ayeke si pepe; ala yeke nyon vin, me tere ti ala ayeke nzere pepe; ala yeke yu bongo, me tere ti ala ayeke mu wâ pepe. Zo ti kua ayeke wara futa ti lo, me nginza ni ayeke li gi na ya ti bozo so akoro awe.

Malashii 1:4

Tongana azo ti Edom atene: ‘A buba agbata ti e kue awe, me fade e yeke kiri ti leke ni senge.’ ” Tënë so KOTA GBIA so ayeke na ndö ti dunia kue atene ayeke so: “Ala kiri aleke ni ma! Me ti mbi, mbi yeke kungbi ni kue na sese. Fade a yeke iri ala: ‘Sese ti azo ti sarango sioni’, wala ‘Azo so KOTA GBIA asara ngonzo na tere ti ala kpu na kpu’.

Ndia ti fani use ni 28:30

Zo so ahunda tënë ti mungo wali, mbeni koli nde laa ayeke lango na wali ni. Zo so asara da, lo yeke lango na ya ni pepe; zo so afâ yaka ti *vinye, ataa akozo le ti vinye ni, lo yeke ko ni pepe.

Jacques 2:6

Me ti ala, ala yeke baa awayere na le ti ala tongana abuba zo! A-ita, azo wa laa ayeke gboto ala na sese si ayeke gue na ala na gbe ti azo ti fango ngbanga? Azo ti mosoro pepe?