Amos 4:9 - Mbeti ti Nzapa - Tënë so amu fini

⁹ “Mbi tokua asioni kobela na tere ti ale ti kobe ti ala; ale ti kobe ni ahole gi na nduzu si afun. Akete yaka ti ala kue na ayaka ti *vinye ti ala, ayaka ti fige ti ala na ayaka ti olive ti ala, agbadola ate ni kue. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Amos 4:9 ပူးပေါင်းရင်းမြစ်များ

1 Agbia 8:37

“Tongana kota nzara ati na ya ti kodro, tongana sioni kobela ti bubango kodro asi, tongana akobe ti yaka ahole si abuba kue, tongana agbadola na angadi atuku na ya ti kodro, tongana awato angoro agbata ti azo ti mo, azo ti Israel, ti mu na bira, wala mara ti sioni ye wa, wala mara ti kobela wa ati na ya ti kodro,

2 Mbai 6:28

“Tongana kota nzara ati na ya ti kodro, tongana sioni kobela ti bubango kodro asi, tongana akobe ti yaka ahole si abuba kue, tongana agbadola na angadi atuku na ya ti kodro, tongana awato angoro agbata ti azo ti mo, azo ti Israel ti mu na bira, wala mara ti sioni ye wa, wala mara ti kobela wa ati na ya ti kodro,

Ésaïe 1:5

So ala ngba ti sara ngangu li so, fade lo yeke kiri ti pika ala na ndo wa? Li ti ala kue gi ka, be ti ala kue gi kobela.

Ésaïe 50:11

Me ti ala so kue ayeke tingo wâ, ala so agbu ale ti kokora so wâ ayeke na yanga ni, ala gue na ya ti menga ti wâ ti ala ni nga na popo ti ale ti kokora so ala tingo wâ daa so. Ye so KOTA GBIA aleke ti ku na ala laa; ala yeke kui na ya ti kota pasi.

Ésaïe 9:12

KOTA GBIA apika azo ti lo, me ala kiri na mbage ti lo pepe; KOTA GBIA so ayeke na ndö ti dunia kue, ala gi lo pepe.

Jérémie 3:10

Ataa ye so kue asi, ita ti lo ti wali Juda-wali-gbanambana akiri na mbi na be ti lo kue pepe, me na lege ti handango ndo”; so tënë ti yanga ti KOTA GBIA laa.

Jérémie 5:3

KOTA GBIA, ye so anzere na mo ayeke titene zo asara lakue ye so ayeke na legeni; ni laa ape? Mo pika ala, me pika ni aso ala pepe. Mo ye ti nika ala biani biani, me ala ke ti ma ye so mo fa na ala. Li ti ala akpengba ahon têne, ala ke ti kiri na mbage ti mo.

Osée 11:5

“Fade azo ti Israel ayeke kiri na sese ti Ezipte pepe, me azo ti Asirii laa ayeke ga gbia ti ala, ngbanga ti so azo ti Israel ake ti kiri na mbage ti mbi.

Joël 1:4

Ye so ngadi azia, kinda-gozo ate ni kue; ye so kinda-gozo azia, kete gbadola ate ni kue; ye so kete gbadola azia, kota gbadola ate ni kue.

Joël 1:7

Ala sara si akeke ti *vinye ti e ahole kue kue kue, ala buba akeke ti fige ti e kue. Ala zi poro ti tere ti akeke ni kue, ala kinda akeke ni na sese, amaboko ni ahole kue.

Joël 2:25

KOTA GBIA atene: “Lani mbi tokua gba ti akete nyama ti bubango ye na tere ti ala si ala te akobe ti ala: angadi, akinda-gozo, akete gbadola na akota gbadola. Fadeso mbi yeke kiri na ala aye so anyama ni abuba na ya ti angu so ahon so.

Amos 4:6

“Mbi *KOTA GBIA, mbi sara si nzara amu ya ti agbata ti ala kue; mbi sara si kobe atia na ya ti ada ti ala kue. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Amos 4:8

Azo alondo na ya ti agbata use wala ota, nzara ti ngu awoko ala kue si ala gue ti gi ngu ti nyongo ni na mbeni gbata, me ala wara ngu alingbi na ala pepe. Ataa ye so kue, ala kiri na mbage ti mbi pepe; so tënë ti yanga ti KOTA GBIA laa.

Habakuk 3:17

Biani, akeke ti fige akiri ale pepe, akeke ti *vinye akiri adu alengo ni pepe, akeke ti olive akiri adu alengo ni pepe, ayaka akiri amu kobe ti tengo ni na azo pepe. Na ya ti gbagba, ataba ayeke daa mbeni pepe, na ya ti gbagba ti batango abagara, abagara ayeke daa mbeni pepe.

Aggée 2:17

Mbi pika ala si akua ti maboko ti ala kue abuba; mbi sara si akobe ti yaka ti ala ahole si afun, *pembe ti bekpa ati na ndö ti akobe ni si abuba ni. Me ala kiri na mbage ti mbi pepe; so tënë ti yanga ti KOTA GBIA laa.

Malashii 3:11

Fade mbi yeke kanga lege na akete nyama so ayeke te akobe ti yaka ti ala titene anyama ni abuba akobe ti ala pepe; mbi yeke kanga lege si akeke ti *vinye ti ala so ayeke le pepe so, akiri ale. Tënë so KOTA GBIA so ayeke na ndö ti dunia kue atene laa.

Ndia ti fani use ni 28:22

Fade KOTA GBIA ayeke sara si ala nge ngengo na nduzu; lo yeke tokua kobela ti wâ, kobela ti sukungo tere; aye ayeke gbi tere ti ala. Lo yeke tokua sioni buru; akobela ayeke sara gere ti akobe ti ala na yaka si akobe ni ayeke fun si ahole. Asioni ye so ayeke si ngbii ala hunzi kue.

Ndia ti fani use ni 28:42

Fade agbadola ayeke te akeke ti ala kue nga na akobe ti ayaka ti ala kue.