Amos 4:8 - Mbeti ti Nzapa - Tënë so amu fini

⁸ Azo alondo na ya ti agbata use wala ota, nzara ti ngu awoko ala kue si ala gue ti gi ngu ti nyongo ni na mbeni gbata, me ala wara ngu alingbi na ala pepe. Ataa ye so kue, ala kiri na mbage ti mbi pepe; so tënë ti yanga ti KOTA GBIA laa.

Amos 4:8 ပူးပေါင်းရင်းမြစ်များ

1 Agbia 18:5

Akab atene na Obadia: “Ga, e fono na ya ti kodro ni, e baa ali ti ngu kue, e baa nga ando so kue ngu ayeke sua daa. E hinga pepe, fade e yeke wara pere ndali ti ambarata na *apâkârâ ti e, tongaso si e bata ala si e fâ ambeni nyama ni pepe.”

Ésaïe 9:12

KOTA GBIA apika azo ti lo, me ala kiri na mbage ti lo pepe; KOTA GBIA so ayeke na ndö ti dunia kue, ala gi lo pepe.

Jérémie 23:14

Me na popo ti awayanga-Nzapa ti Jérusalem, mbi baa kota ye ti buba: ala yeke lango na awali kirikiri, tenengo mvene aga ye ti tere ti ala, ala yeke mu maboko na azo ti sarango sioni. Tongaso, zo oko ti zia sioni ti lo ayeke daa pepe. Na le ti mbi, awayanga-Nzapa ni kue aga tongana azo ti Sodome; azo ti Jérusalem aga tongana azo ti Gomore.”

Jérémie 3:3

Ndani laa le ti nduzu akanga si ngu-Nzapa ti ndani apika pepe. Me le ti mo angba ti za tongana ti wali-ndumba; kamene asara nga mo kete pepe.

Jérémie 3:7

Mbi tene na be ti mbi, mbi tene: Na peko ti aye so kue lo sara, gbaa fade lo yeke kiri na mbi; me lo kiri pepe. Ita ti lo ti wali Juda-wali-gbanambana abaa na le ti lo ye so kue.

Jérémie 5:3

KOTA GBIA, ye so anzere na mo ayeke titene zo asara lakue ye so ayeke na legeni; ni laa ape? Mo pika ala, me pika ni aso ala pepe. Mo ye ti nika ala biani biani, me ala ke ti ma ye so mo fa na ala. Li ti ala akpengba ahon têne, ala ke ti kiri na mbage ti mo.

Osée 11:5

“Fade azo ti Israel ayeke kiri na sese ti Ezipte pepe, me azo ti Asirii laa ayeke ga gbia ti ala, ngbanga ti so azo ti Israel ake ti kiri na mbage ti mbi.

Osée 7:10

Baba ti azo ti Israel ayeke fa sioni ti ala na le ti azo; me ala kiri na *KOTA GBIA, Nzapa ti ala pepe. Ataa so kue, ala gi lo pepe.

Amos 4:6

“Mbi *KOTA GBIA, mbi sara si nzara amu ya ti agbata ti ala kue; mbi sara si kobe atia na ya ti ada ti ala kue. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Mishe 6:14

Ala yeke te kobe, me ya ti ala ayeke si pepe; kota nzara ayeke koro ya ti ala. Ala yeke bata ye, me ye ni ayeke ngba pepe. Ataa mbeni ye angba, fade mbi yeke sara titene ye ni abuba na lege ti bira.

Aggée 1:6

Ala lu kobe mingi, me ala fâ ni gi kete; ala yeke te kobe, me ya ti ala ayeke si pepe; ala yeke nyon vin, me tere ti ala ayeke nzere pepe; ala yeke yu bongo, me tere ti ala ayeke mu wâ pepe. Zo ti kua ayeke wara futa ti lo, me nginza ni ayeke li gi na ya ti bozo so akoro awe.

Aggée 2:17

Mbi pika ala si akua ti maboko ti ala kue abuba; mbi sara si akobe ti yaka ti ala ahole si afun, *pembe ti bekpa ati na ndö ti akobe ni si abuba ni. Me ala kiri na mbage ti mbi pepe; so tënë ti yanga ti KOTA GBIA laa.