Amos 4:2 - Mbeti ti Nzapa - Tënë so amu fini

² *KOTA GBIA adeba yanga ti lo, atene: “Na iri ti mbi so ayeke nde si ayeke nzoni kue, baa alango ayeke ga so a yeke gboto ala na yango ti hon na ala, a yeke gboto ala oko oko kue ti hon na ala tongana susu so akpo lo na likongo.

Amos 4:2 ပူးပေါင်းရင်းမြစ်များ

Abia (Psaumes) 89:35

Mbi yeke buba ya ti mbuki ti mbi pepe, tënë so asigigi na yanga ti mbi, mbi yeke ngba gi na ndö ni.

Abia (Psaumes) 89:36

Mbi deba yanga ti mbi fani oko awe, mbi tene: na iri ti mbi so ayeke nde si ayeke nzoni kue, fade mbi yeke handa David oko pepe!

Ésaïe 37:29

Biani, mo sara ngonzo na tere ti mbi, zongango mbi so mo zonga mbi so, mbi ma tënë ni awe. Ndani laa, fade mbi yeke yoro *kongi ti wen na hon ti mo, mbi yeke yoro kamba ti wen na yanga ti mo. Fade mbi yeke zia mo gi na oko lege so mo mu ti ga ge so ti kiri na ndo ti mo.

Jérémie 16:16

“So tënë ti yanga ti KOTA GBIA laa: Mbi yeke tokua gba ti azo ti gingo susu ti gbu azo ni tongana ti so zo ayeke gbu susu. Na pekoni, mbi yeke tokua gba ti azo ti gingo nyama ti gi azo ni na ndö ti akota hoto kue, na ndö ti akete hoto kue nga na ya ti adu ti têne tongana ti so zo ayeke gi nyama.

Ezekiel 29:4

Fade mbi yeke yoro *kongi na ngbangba ti mo; mbi yeke kanga asusu ti angu ti mo ni na tere ti *ahali ti mo; mbi yeke gboto mo na ya ti angu ni ti sigigi na mo, mo na asusu kue ti angu ti mo so a kanga ala na tere ti ahali ti mo so.

Ezekiel 34:16

Taba so agirisa, fade mbi yeke gi lo; lo so agirisa lege, mbi yeke kiri na lo na ndö ti lege; lo so awara ka, mbi yeke kanga ka ni; lo so ayeke na kobela, mbi yeke sara titene lo wara ngangu. Me taba so akono konongo, lo so ayeke na ngangu, mbi yeke fâ lo. Mbi yeke gi kobe ndali ti ataba ti mbi na legeni.”

Ezekiel 38:4

Mbi yeke yoro *kongi na ngbangba ti mo si mbi yeke gboto mo na ngangu ti hon na mo, mbi yeke sigigi na mo na ya ti kodro ni, mo na aturugu ti mo, ambarata ti mo, azo ti kpengo na mbarata ti mo; ala so kue ayu apendere bongo, gba ti aturugu so ala kue agbu *avala na ayongoro zeme na maboko ti ala.

Amos 6:8

*KOTA GBIA adeba yanga ti lo, atene: “Na iri ti mbi Nzapa, mbi ke na be ti mbi kue baba ti Jacob, be ti mbi ake apendere da ti lo. Fade mbi yeke zia gbata ti Samarii kue na maboko ti awato”; so tënë ti yanga ti KOTA GBIA, Nzapa so ayeke na ndö ti dunia kue laa.

Amos 8:7

*KOTA GBIA adeba yanga ti lo ndali ti ye so Israel ayeke pika kate ti lo daa, lo tene: “Sarango ye ti azo ti Israel so, be ti mbi ayeke girisa na ni laoko pepe!”