Amos 4:12 - Mbeti ti Nzapa - Tënë so amu fini

¹² “Ndani laa Israel, baa lege so mbi yeke sara ande na mo laa! Ndali ti so mbi yeke sara ye tongaso na mo, Israel, leke tere ti mo ti tengbi na Nzapa ti mo!”

Amos 4:12 ပူးပေါင်းရင်းမြစ်များ

Ésaïe 32:11

Ala awali so ye ti songo ala ayeke daa pepe so, alingbi ala do na mbeto. Ala awali so abaa tere ti ala atene, ala lingbi awe so, alingbi tere ti ala ado, ala zi bongo na tere ti ala, tere ti ala angba ndumbu, ala kanga bongo ti mua na ngbonda ti ala.

Ésaïe 47:3

Fade tere ti mo ayeke ngba senge, azo ayeke baa tere ti mo ti kamene. Sioni so mo sara so, mbi yeke kiri peko ni na mo. Zo oko ti gbanzi mbi ayeke daa pepe.”

Ésaïe 64:2

Tongana mo sara lani aye ti ziango mbeto na be ti zo so e ku pepe, tongana mo zu lani, ka ahoto ayingi na dawa ti mo.

Jérémie 5:22

Ala kpe mbeto ti mbi pepe? So tënë ti yanga ti KOTA GBIA laa. Tere ti ala ado na dawa ti mbi pepe? Mbi laa mbi zia mbutu ti sara si kota ngu-ingo angba na ndo so ayeke daa. So ayeke katikati so angba kpu na kpu; kota ngu-ingo ni ayeke hon ni pepe. Ataa *amapo ti ngu ni alondo tongana nyen, ngu ni alingbi ti hon ndö ni pepe.

Ezekiel 13:5

Awayanga-nzapa ni ague ti kanga adu ti gbagba pepe, ala leke gbagba pepe ti bata ala, azo ti Israel, na ngoi ti bira, na *lango ti KOTA GBIA.

Ezekiel 22:30

Mbi gi mbeni zo na popo ti ala titene lo leke gbagba ti bata na kodro ni, ti luti na dawa ti mbi na ndo so du akoro daa na tere ti gbagba ni; tongaso si mbi buba kodro ni pepe; me mbi wara zo oko pepe.

Osée 13:8

Mbi yeke ti na ndö ti ala tongana mama ti *urse so azo agbu amolenge ti lo ahon na ala; mbi yeke suru ya ti kate ti ala. Na ndo so mbi yeke daa, mbi yeke mene ala tongana ti mama ti bamara; anyama ti ngonda ayeke suru ya ti ala kete kete.

Amos 2:14

Ataa azo so gere ti ala ayapu na mungo loro, ala lingbi ti kpe pepe; ataa azo so ayeke na ngangu mingi, ala lingbi ti sara ye na ngangu ti ala ni pepe; ataa angangu turugu, ala lingbi ti soo fini ti ala pepe.

Matthieu 24:44

Ndani laa, ala nga, ala leke tere ti ala ti ku, ngbanga ti so Molenge ti Zo ayeke ga ande na ngbonga so ala hinga pepe.”

Matthieu 5:25

“Tongana zo so mo na lo awara tënë amu mo ti gue na mo na ngbanga, so ala ngba na lege ti gue, mo gi lege ti leke tënë ni hio, ngbanga ti lo mu mo na wafango-ngbanga si wafango-ngbanga ni azia mo na maboko ti aturugu titene ala bi mo na da ti kanga.

Aye so Nzapa afa 3:3

Mo dabe ti mo na tënë so a fa na mo si mo ma ni ando so. Sara ye alingbi na ni, zia ngbene lege ti sarango ye ti mo. Tongana mo zingo pepe, fade mbi yeke ga na tere ti mo tongana zo ti nzi, mo yeke hinga ngoi so mbi yeke ga na ni pepe.