Amos 4:1 - Mbeti ti Nzapa - Tënë so amu fini

¹ Ala awali ti gbata ti Samarii, ala so akono tongana amama ti bagara ti Bashan so, ala ma tënë so: ala yeke te ye ti azo ti mawa na mbana, ala yeke sara pasi na awayere. Na pekoni, ala yeke tene na akoli ti ala: “Ala ga na samba, e nyon-oo!”

Amos 4:1 ပူးပေါင်းရင်းမြစ်များ

1 Agbia 16:24

Na pekoni, lo gue, lo vo mbeni ndo na li ti hoto ti Samarii na maboko ti Semer na le ti nginza saki omene. Kâ, lo sara mbeni gbata so lo di iri ni Samarii. Nda ti iri so aga na lege ti iri ti Semer so ayeke ngbene wa ti hoto ni.

Mbeti ti Job 20:19

Aye ni kue asi na lo, ngbanga ti so lo do awayere, lo zia, lo nika ala, lo mu da ti ala na ngangu, me lo sara da ti li ti lo wani pepe.

Mbeti ti Job 24:4

Ala yeke tumba awayere na tere ti lege; ti azo ti mawa kue ti kodro, ye so angba na ala ayeke gi ti honde tere ti ala.

Abia (Psaumes) 12:5

na ala so ayeke tene: “Ndali ti kpengbango yanga ti e, fade e yeke hon ndö ti azo kue; ndali ti tënë ti yanga ti e, mbeto ti mbeni zo ayeke sara e pepe.”

Abia (Psaumes) 140:12

Alingbi azo ti sioni yanga angba na sese so pepe; fade sioni ayeke tumba hio hio peko ti zo ti sarango ngangu na azo!

Abia (Psaumes) 22:12

Duti yongoro na mbi pepe, ngbanga ti so ye ti ngangu aga nduru ti si na mbi si zo ti mu maboko na mbi ayeke daa pepe.

Amato 22:7

Zo ti mosoro asara komandema na ndö ti awayere; zo so ahunda boon, lo ga ngbaa ti zo so asara boon ni na lo.

Zo ti bongbingo azo 4:1

Mbi kiri mbi baa ye ti ngangu so azo ayeke sara na amba ti ala na ndö ti sese so. A yeke sara ngangu na azo; me mbeni zo ti de be ti ala ayeke daa pepe. Azo so ayeke sara ngangu na amba ti ala laa ayeke na komandema; mbeni zo ti de be ti azo so a yeke sara ngangu na ala so ayeke daa pepe.

Zo ti bongbingo azo 5:8

Sese ayeke mu ye na azo kue. Ataa gbia ti kodro ayeke wara ye ti lo gi na lege ti fango yaka.

Ésaïe 28:1

So mawa na gbata ti Samarii so akpa kpoto ti gbia! Azo ti Efraim so ayeke angbaa ti samba ayeke pika kate ti ala ndali ni. Gbata ni ayeke na nduzu ti popo-hoto so akobe ayeke le daa mingi. Gbata ni akpa kongo so awoko awe si a zia na li ti azo ti sara pendere ti ala, azo so anyon vin si ahon ndö ti ala.

Ésaïe 5:8

Mawa na ala, azo so amu mbeni da ti tengbi na da ti ala, ala mu mbeni yaka ti tengbi na yaka ti ala! Ala sara tongaso ngbii, ala mu sese ni kue si ala duti gi ala oko na ya ti kodro ni.

Ésaïe 56:12

Ala tene: “Ala ga, e gue, e gi vin, e nyon ngangu samba alingbi na e. Kekereke, e yeke kiri ti sara gi tongaso: samba angba mingi.”

Ésaïe 58:6

Kengo kobe so mbi ye ayeke so: ti zi zingiri na tere ti azo so a kanga ala na mbana, ti zi ala na gbe ti nengo kungba, ti zi azo so amba ti ala asara ngangu na ala, ti fâ ya ti *zuge kue,

Jérémie 50:11

Nzoni ma! Ala sara ngia, ala dodo na ngia, ala so abuba kodro so ayeke ando ti mbi so! Ala huru tongana kete bagara na ya ti fini pere! Ala toto tongana akoli-mbarata!

Jérémie 50:27

Ala fâ angangu turugu ti lo kue, ala gue na aturugu ni na ndo ti fango azo! So ye ti mawa na aturugu ni! Biani, lango ni alingbi awe, ndembe so KOTA GBIA ayeke ga na tere ti ala!

Jérémie 51:34

“Nabukodonosor, gbia ti Babilone ate mbi awe, lo pete ya ti mbi kue, lo do mbi, lo zia tongana sembe so ya ni angba senge. Lo mene mbi tongana kota ngbo so amene ye; lo sara si ya ti lo asi na anzerengo ye ti tere ti mbi; na pekoni lo bi tanga ni na ngonda.

Jérémie 6:6

Tënë so *KOTA GBIA so ayeke na ndö ti dunia kue atene ayeke so: “Ala de akeke na sese, ala bongbi sese aga *koto na tere ti Jérusalem.” Nda ti gbata ni asigigi awe: na ya ni kue, gi sarango ngangu na zo.

Jérémie 7:6

tongana mbeni wande, wala nyindu, wala wali-mua ayeke na popo ti ala, ala sara ngangu na ala pepe; azo so tënë ayeke na li ti ala pepe, ala tuku mene ti ala na ndo so pepe; ala mu peko ti anzapa nde pepe, ngbanga ti ala wara kpale.

Ezekiel 18:12

lo yeke sara ngangu na azo ti mawa na awayere, lo yeke nzi ye ti azo. Ye so lo gbu na maboko ti zo ndali ti yongo ti lo, lo yeke kiri na ni na wani pepe, lo yeke baa ndo na mbage ti ayanda, lo yeke sara aye so zo alingbi ti baa na le ti lo fani use pepe.

Ezekiel 22:12

Na ndo ti mo, azo ayeke mu goro titene ala tuku mene. Ala sara boon ti nginza na amba ti ala si na pekoni, ala yeke hunda gba ti nginza na ndö ni; ala yeke te aye ti amba ti ala na ngangu. Ti mbi, be ti ala agirisa na mbi biani biani; so tënë ti yanga ti Kota Gbia NZAPA laa.

Ezekiel 22:27

Amakonzi ti ala ayeke tongana ambo ti ngonda so ayeke suru ya ti nyama so ala gbu; ala yeke tuku mene ti azo, ala yeke fâ azo titene ala nzi aye ti ala.

Ezekiel 22:29

Na ya ti kodro ni, a yeke sara ngangu na azo, a yeke nzi ye ti azo, a yeke sara ngangu na azo ti mawa nga na awayere; a yeke sara ngangu na awande na ndö ti ye ti ala wani.

Ezekiel 22:7

Na ndo ti mo, azo ayeke ne babâ na mama ti ala pepe, ala yeke sara ngangu na awande, ala yeke sara ngangu na awali-mua nga na anyindu.

Ezekiel 34:16

Taba so agirisa, fade mbi yeke gi lo; lo so agirisa lege, mbi yeke kiri na lo na ndö ti lege; lo so awara ka, mbi yeke kanga ka ni; lo so ayeke na kobela, mbi yeke sara titene lo wara ngangu. Me taba so akono konongo, lo so ayeke na ngangu, mbi yeke fâ lo. Mbi yeke gi kobe ndali ti ataba ti mbi na legeni.”

Ezekiel 39:18

Ala yeke te kasa ti angangu zo ti bira, ala yeke nyon mene ti amakonzi ti dunia; a mu ala na sandaga na plase ti akoli-taba, akete taba, akoli-ngasa nga na akoli-bagara ti mafuta ti Bashan.

Joël 3:3

Fade mbi yeke sara aye ti kpene na le ti nduzu nga na ndö ti sese: mene, wâ na angbongboro guru ti wâ;

Amos 3:1

Ala azo ti Israel, ala azo ti sewa so *KOTA GBIA asara si ala sigigi na Ezipte, ala ma tënë so lo tene na tere ti ala, lo tene:

Amos 3:3

Tongana azo use ama tere kozoni pepe, ala lingbi ti tambula na lege gere oko?

Amos 5:11

Ala yeke sara ngangu na azo ti mawa, ala yeke gbu ale ti kobe ti azo ni na ngangu. Ndani laa apendere da so ala sara na têne so, fade ala yeke lango na ya ni pepe; anzoni vinye so ala lu so, fade ala yeke nyon vin ni pepe.

Amos 6:1

Mawa na ala, azo so alango kpoo na gbata ti *Sion! Mawa na ala, azo so alango na ndö ti hoto ti Samarii si ala baa atene, mbeni sioni ye ti sarango ala ayeke daa pepe so! Azo ayeke baa ala tongana akota zo mingi na popo ti amara si azo ti Israel ayeke ga gi na mbage ti ala!

Amos 6:6

Ala yeke nyon vin na ya ti akota kopo, ala yeke sara mafuta so afun nzoni na tere ti ala, me be ti ala ayeke so oko pepe ndali ti ye ti ngangu so ayeke si na azo ti mara ti Joseph.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Wungo ti azo 21:33

Na pekoni, azo ti Israel amu mbeni lege nde, ala mu lege so ague na mbage ti Bashan. Og, gbia ti Bashan amu aturugu ti lo kue, lo gue ti tengbi na azo ti Israel, ti tiri bira na ala na gbata ti Edrei.

Ndia ti fani use ni 24:14

Moïse atene: Alingbi ala sara ngangu pepe na wayere so ayeke sara kua ti nginza na ala si lo yeke zo ti mawa; ataa lo yeke ita ti ala, zo ti Israel, wala lo yeke wande so aduti na ya ti agbata ti ala, na sese ti ala.

Ndia ti fani use ni 28:33

Mbeni mara so ala, azo ti Israel, ala hinga lo pepe, ayeke te akobe ti ayaka ti ala nga na aye so ala wara na lege ti kua ti ala. A yeke sara ngangu na ala lakue si a yeke nika ala.