Amos 3:9 - Mbeti ti Nzapa - Tënë so amu fini

⁹ Na ndö ti ayangbo ti gbata ti Asdod, ala dekongo; na ndö ti ayangbo ti Ezipte, ala dekongo, ala tene: “Ala bongbi tere ti ala na ndö ti ahoto ti Samarii, ala baa gba ti wusuwusu so azo ayeke sara na aye ti ngangu so azo ayeke sara na amba ti ala na ndö ti ahoto ni!”

Amos 3:9 ပူးပေါင်းရင်းမြစ်များ

2 Samuel 1:20

Ala tene tënë so na azo ti Gat pepe; ala gue na atënë ni na ndö ti alege ti Askalon pepe, ngbanga ti amaseka-wali ti azo ti Filistii awara ngia daa, ngbanga ti amaseka-wali ti azo so afâ *ganza pepe adodo na ngia.

Amato 1:13

Fade e yeke wara aye nde nde ti ngangu ngere si ya ti ada ti e ayeke si singo na aye so e gbu.

Amato 11:16

Wali so ayeke na nzoni be, azo ayeke gonda lo. Koli so ayeke na ngangu, lo yeke wara mosoro.

Zo ti bongbingo azo 4:1

Mbi kiri mbi baa ye ti ngangu so azo ayeke sara na amba ti ala na ndö ti sese so. A yeke sara ngangu na azo; me mbeni zo ti de be ti ala ayeke daa pepe. Azo so ayeke sara ngangu na amba ti ala laa ayeke na komandema; mbeni zo ti de be ti azo so a yeke sara ngangu na ala so ayeke daa pepe.

Jérémie 31:5

Mo yeke kiri ti lu *avinye na ndö ti ahoto ti Samarii; azo so alu ni, fade ala yeke baa nzoni daa.

Jérémie 46:14

“Ala azo, ala fa tënë ni na Ezipte; ala sara si azo ama tënë ni na Migdol, na Manfis nga na Tapanes. Ala tene na ala, atene: ‘Ala londo! Ala leke tere ti ala!’ Biani, azo so ayeke nduru na tere ti ala, bira ahunzi ala awe!

Jérémie 50:2

“Ala azo, ala fa tënë ni na popo ti amara nde, ala sara si azo ama tënë ni na lege ti bendere so ala yo na nduzu; ala sara si azo ama tënë ni, ala honde ni pepe! Ala tene: A mu Babilone awe! Kamene ahon ndö ti ayanda ti lo awe! Biani, kamene ahon ndö ti Bel awe, Marduk ati biani biani awe!

Ezekiel 36:8

Ti ala, ahoto ti Israel, fade amaboko ti akeke ti ala ayeke sigigi, akeke ni ayeke le ndali ti azo ti Israel so ayeke azo ti mbi. Biani, ala ga nduru ti kiri na sese ti ala awe.

Ezekiel 37:22

Mbi yeke sara titene ala ga gi mara oko na sese ni, na ndö ti ahoto ti Israel; ala kue, gbia ti ala ayeke duti gi oko; ala yeke kiri ti duti amara use pepe, ya ti kodro-gbia ni ayeke kiri ti kangbi use pepe.

Osée 7:1

si mbi ye ti kai kobela ti Israel, sioni ti Efraim na sioni sarango ye ti azo ti Samarii ayeke sigigi polele. Azo ayeke handa amba ti ala ti mu ye ti ala, azo ti nzi ayeke li na ya ti da ti nzi ye ti azo, asioni zo amu ndö ti alege kue.

Amos 1:8

Fade mbi yeke mingo makonzi ti Asdod, mbi yeke mingo lo so ayeke sara komandema na Askalon; mbi yeke kiri maboko ti mbi ti pika gbata ti Ekron si tanga ti azo ti mara ti Filistii ayeke kui”; tënë so Kota Gbia NZAPA atene laa.

Amos 4:1

Ala awali ti gbata ti Samarii, ala so akono tongana amama ti bagara ti Bashan so, ala ma tënë so: ala yeke te ye ti azo ti mawa na mbana, ala yeke sara pasi na awayere. Na pekoni, ala yeke tene na akoli ti ala: “Ala ga na samba, e nyon-oo!”

Amos 5:11

Ala yeke sara ngangu na azo ti mawa, ala yeke gbu ale ti kobe ti azo ni na ngangu. Ndani laa apendere da so ala sara na têne so, fade ala yeke lango na ya ni pepe; anzoni vinye so ala lu so, fade ala yeke nyon vin ni pepe.

Amos 6:1

Mawa na ala, azo so alango kpoo na gbata ti *Sion! Mawa na ala, azo so alango na ndö ti hoto ti Samarii si ala baa atene, mbeni sioni ye ti sarango ala ayeke daa pepe so! Azo ayeke baa ala tongana akota zo mingi na popo ti amara si azo ti Israel ayeke ga gi na mbage ti ala!

Amos 6:3

Ala yeke gi lege ti pusu lango ti mawa ni yongoro, andaa ala yeke sara si sarango ngangu na zo aga na ya ti kodro.

Amos 8:6

E yeke kiri ti ka asaka ti kobe ni na azo, e yeke vo azo ti mawa gi na kete nginza si awayere, e yeke vo ala gi na ngere ti pâpä.”

Mishe 6:10

Amosoro so azo ti sioni awara na lege ti nzi angba na ya ti da ti ala, sembe ti hakango na ye so a pika ngbonda ni angba na ya ti da ti ala. Mbi lingbi ti kanga be ti mbi na fungo ye tongaso?

1 Samuel 5:1

Azo ti Filistii amu sanduku ti *mbuki ti Nzapa, ala yo ni na Eben-Ezer ti gue na ni na gbata ti Asdod.