Amos 3:7 - Mbeti ti Nzapa - Tënë so amu fini

⁷ Biani, kozo titene Kota Gbia NZAPA asara mbeni ye, lo yeke fa tënë ti be ti lo na azo ti kua ti lo, awayanga-Nzapa.

Amos 3:7 ပူးပေါင်းရင်းမြစ်များ

Tongo nda ti aye 18:17

KOTA GBIA atene: “Fade mbi honde na Abraham ye so mbi ye ti sara?

Tongo nda ti aye 6:13

Nzapa atene na Noe: “Ti mbi, ngoi titene mbi hunzi azo ti sese kue alingbi awe. Ndali ti ala, sarango ngangu na azo asi singo na ndö ti sese. Mbi yeke hunzi azo ni kue si mbi yeke buba nga sese ni kue.

2 Agbia 22:13

“Ala gue, ahunda *KOTA GBIA ndali ti mbi, ndali ti azo ti kodro nga ndali ti azo ti Juda kue, ndali ti atënë ti ya ti mbeti so a wara so. Biani, KOTA GBIA asara ngonzo mingi; ngonzo ti lo alondo tongana wâ na tere ti e, ngbanga ti so akotara ti e aye ti ma atënë ti ya ti mbeti so pepe; ala sara ye pepe alingbi na atënë so a su na ya ti mbeti ni na ndö ti e.”

2 Agbia 22:20

Ndani laa, mbi yeke zia mo ti gue na tere ti akotara ti mo na siriri; a yeke lu nga mo na siriri na ya ti du ti kuâ ti mo. Sioni kpale so kue mbi yeke sara titene aga na ndö ti gbata so, fade mo yeke baa ni pepe.’ ” Kota wayango-sandaga Hilkia na amba ti lo akiri ague, atene peko ti tënë ni na gbia Yosias.

2 Agbia 6:12

Mbeni turugu ni oko atene: “Babâ gbia, zo tongaso ayeke na popo ti e pepe! Me Élisée, wayanga-Nzapa so ayeke na Israel alingbi ti tene peko ti atënë so kue mo yeke tene na ya ti kubu ti mo na gbia ti lo.”

Abia (Psaumes) 25:14

KOTA GBIA ayeke fa tënë ti be ti lo na azo so ayeke kpe mbeto ti lo; lo yeke fa nga na ala tënë ti mbuki ti lo.

Ésaïe 18:4

Biani, tënë so *KOTA GBIA atene na mbi ayeke so: “Kâ na nduzu, na ndo so mbi yeke duti daa, mbi duti kpoo, mbi yeke baa ndo tongana ti so ndo amu wâ mingi na kota lâ, tongana ti so mbinda ti ngu ayeke na ndö ti pere na ngoi ti fango ale ti kobe.”

Jérémie 23:22

Tongana ala duti fade na ya ti bongbi ti mbi, ka ala yeke tene peko ti atënë ti mbi na azo ti mbi biani; ka ala yeke sara si azo ni azia ngbene lege ti sarango ye ti ala si azo ni azia nga sioni sarango ye ti ala.”

Ezekiel 29:21

“Na lango ni so, mbi yeke kiri ti mu ngangu na azo ti Israel. Ti mo Ezekiel, mbi yeke mu na mo ngangu ti sara tënë na ala. Tongaso, fade ala yeke hinga atene, mbi laa mbi yeke KOTA GBIA.”

Daniel 10:21

Me mbi yeke fa na mo ye so a su na ya ti mbeti ti taa-tënë. Zo oko ti mu maboko na mbi titene mbi tiri na awato so ayeke daa pepe, gi Michel oko so ayeke ange so ayeke bata azo ti Israel.

Daniel 11:2

Fadeso, mbi yeke fa na mo taa-tënë.’ ” “ ‘Baa, ambeni gbia ota ayeke kiri ti ga na li ti kodro ti Perse; osio ni ayeke ga nga. Me osio ni ayeke wara mosoro mingi ahon ambeni so kue. Tongana lo baa so mosoro ti lo ni amu na lo ngangu so alingbi awe, fade lo yeke londo ti sara bira na kodro ti Grese.

Daniel 2:47

Gbia atene na Daniel, atene: “Taa-tënë, Nzapa ti ala ayeke Nzapa so ahon anzapa kue; lo yeke Gbia ti agbia. Lo laa lo yeke fa nda ti aye ti ndima, ngbanga ti so mo fa na mbi nda ti ye ti ndima so awe.”

Jean 15:15

Mbi yeke kiri ti iri ala azo ti kua pepe, ngbanga ti so zo ti kua ahinga ye so makonzi ti lo ayeke sara pepe. Me mbi iri ala amba ti mbi so mbi na ala e ye tere, ngbanga ti so mbi fa na ala aye so kue mbi ma na yanga ti Babâ.

Aye so Nzapa afa 1:1

Mbeti so afa tënë ti aye so Jésus Christ afa na Jean na ya ti mbeni ye tongana bango-li. Nzapa amu lege na Christ ti fa ni si azo ti kua ti lo ahinga ye so Nzapa aleke titene asi fafadeso. Christ atokua *ange ti lo ti fa ye ni na Jean.

Aye so Nzapa afa 1:19

Ye so mo baa ni so, wala ye ti fadeso, wala ye so ayeke si gbanda, mo su tënë ni na mbeti.

Aye so Nzapa afa 10:7

Me na ndembe so mbarambara ange ni ayeke huru tatalita ti lo, fade Nzapa ayeke sara aye so lo leke na hondengo ni ando. Lo yeke sara ye ni alingbi gi na tënë so lo tene na azo ti kua ti lo, awayanga-Nzapa.”

Aye so Nzapa afa 4:1

Na pekoni, mbi baa mbeni ye nde: mbi baa mbeni yanga ti da so azi na yayu. Mbeni go so mbi ma kozoni si atoto tongana tatalita so, atene na mbi: “Mo ma na nduzu ge; fade mbi yeke fa na mo aye so, alingbi asi na pekoni.”

1 Samuel 9:15

Lango oko kozoni si Saul aga, *KOTA GBIA atene tënë ni na Samuel awe, atene: