Amos 3:3 - Mbeti ti Nzapa - Tënë so amu fini

³ Tongana azo use ama tere kozoni pepe, ala lingbi ti tambula na lege gere oko?

Amos 3:3 ပူးပေါင်းရင်းမြစ်များ

Tongo nda ti aye 17:1

Abram ayeke na ngu balegumbaya na gumbaya si KOTA GBIA asi na lo; lo tene na lo: “Mbi yeke Nzapa so ngangu ti mbi ahon angangu kue. Tambula na lege so mbi ye; mo sara aye ti mo kue gi na legeni.

Tongo nda ti aye 5:22

Na peko ti dungo Matusalem, Henok atambula na Nzapa na ya ti ngu ngbangbo ota. Lo du amolenge-koli na amolenge-wali.

Tongo nda ti aye 6:9

Tënë ti sewa ti Noe ayeke tongaso: Na popo ti azo ti ngoi ti Noe, lo yeke mbeni zo ti mbirimbiri, tënë ayeke na li ti lo pepe, lo tambula na Nzapa.

Amos 3:2

“Na popo ti asewa kue ti sese so, gi ala oko laa mbi soro ala. Ndani laa fade mbi yeke hunda na ala titene ala fa na mbi peko ti asioni ye so kue ala sara.”

Amos 3:4

Tongana bamara ade ti wara nyama ti te pepe, lo lingbi ti toto na ya ti gbako? Tongana kete bamara ade ti gbu nyama pepe, lo lingbi ti toto na ndo so lo lango daa?

Amos 4:1

Ala awali ti gbata ti Samarii, ala so akono tongana amama ti bagara ti Bashan so, ala ma tënë so: ala yeke te ye ti azo ti mawa na mbana, ala yeke sara pasi na awayere. Na pekoni, ala yeke tene na akoli ti ala: “Ala ga na samba, e nyon-oo!”