Amos 3:2 - Mbeti ti Nzapa - Tënë so amu fini

² “Na popo ti asewa kue ti sese so, gi ala oko laa mbi soro ala. Ndani laa fade mbi yeke hunda na ala titene ala fa na mbi peko ti asioni ye so kue ala sara.”

Amos 3:2 ပူးပေါင်းရင်းမြစ်များ

Tongo nda ti aye 10:32

So ayeke akete mara ti amolenge ti Noe, na lege ti asewa ti ala, na molongo ti ala na lege ti amara ti ala laa. Na lege ti ala laa molongo ti amara nde nde abaa gigi si ala kangbi na ndö ti sese kue na peko ti ngu so asuku amu ndö ti sese kue so.

Tongo nda ti aye 18:19

Mbi soro lo titene lo mu yanga na amolenge ti lo, na *ahale ti lo so kue ayeke ga na peko ti lo titene ala ma yanga ti KOTA GBIA; ala sara ye so ayeke mbirimbiri, na ye so ayeke na legeni. Tongaso si mbi KOTA GBIA, mbi yeke sara ande na Abraham aye so kue mbi tene tënë ti sarango ni ndali ti lo.”

Abia (Psaumes) 147:19

Lo fa tënë ti lo na Jacob, lo fa ambela ti lo nga na atënë ti ndia ti lo na Israel.

Sigingo 32:34

Fadeso mo gue; mo mu azo ni, mo gue na ala na ndo so mbi tene tënë ni na mo so. Fade *ange ti mbi ayeke tambula na dawa ti mo. Me na lango so mbi yeke ga na tere ti ala, mbi yeke fâ ngbanga na li ti ala ndali ti siokpari ti ala.”

Ésaïe 63:19

Ngbene ye aninga awe, e yeke tongana azo so mo kiri mo le-gbia na ndö ti ala pepe, e yeke tongana azo so iri ti mo ayeke na ndö ti ala mbeni pepe. Tongana mo suru fade le ti nduzu si mo zu, ka ahoto ayingi na dawa ti mo,

Jérémie 1:15

Mbi yeke iri amara nde nde ti Banga kue ti ga; ala yeke londo na ya ti akodro-gbia; so tënë ti yanga ti KOTA GBIA laa. Fade ala yeke ga, ala zia ambata ti ala ti gbia taa na tere ti ayanga ti gbagba ti Jérusalem; ala yeke zia ambata ni na tere ti gbagba ni angoro ni kue, nga na tere ti agbata ti sese ti Juda kue.

Jérémie 10:25

Mo tuku ngonzo ti mo ti wâ na ndö ti amara so ahinga mo pepe, na ndö ti azo so ayeke voro mo pepe. Biani, azo ni afâ azo ti mo, ahunzi ala, ala sara si kodro ti azo ti mo aga ngonda.

Jérémie 11:22

Ndani laa, tënë so KOTA GBIA so ayeke na ndö ti dunia kue atene ayeke so: “Fade mbi yeke ga na tere ti ala: amaseka ti ala ti koli ayeke kui na ya ti bira, amolenge ti ala ti koli na ti wali ayeke kui na nzara.

Jérémie 13:21

Azo so lani mo mu lege na ala ti ga akamarade ti mo so, na ndembe so ala yeke ga ti so na ndö ti mo, fade mo yeke tene nyen? Mo yeke baa pasi tongana wali na ndembe ti dungo ni.

Jérémie 14:10

Tënë so KOTA GBIA atene na azo so ayeke so: “Biani, ala ye gi ti tambula kirikiri, ngbonda ti ala agbu sese pepe.” Ye ni anzere na be ti KOTA GBIA pepe. Fadeso, lo dabe ti lo na asioni ti ala, lo yeke pika ala ndali ti aye ti kirikiri ti ala.

Jérémie 9:25

Azo ni ayeke azo ti Ezipte, ti Judée, ti Edom, ti Amoni, ti Moab nga na azo ti benyama so kue ayeke kio kua ti tere ti li ti ala. Biani, amara kue afâ *ganza pepe, me azo ti Israel kue afâ be ti ala na ganza pepe.”

Ezekiel 5:9

Ndali ti so ala sara aye ti sioni so zo alingbi ti baa na le ti lo fani use pepe, mbi yeke sara na ala mara ti ye so mbi de mbi sara laoko pepe, mbi yeke kiri nga ti sara ni laoko pepe.

Ezekiel 9:6

Ataa ambakoro, ataa amaseka-koli wala amaseka-wali, ataa amolenge wala awali, ala fâ ala, ahunzi ala kue. Me azo so nzoroko ayeke na ndö ti le ti ala, ala ndu ala pepe. Ala to nda ni ge na ndo so a zia ni nde ndali ti mbi.” Nilaa akoli ni ato nda ti fâ *akangba so ayeke na dawa ti kota da ti Nzapa.

Daniel 9:12

Atënë so mo tene ando na ndö ti e na amakonzi so ayeke na li ti e, mo sara si aga taa-tënë: kota sioni kpale so mo sara si ati na ndö ti e na Jérusalem, ade mara ni asi na mbeni ndo laoko pepe na dunia so.

Osée 2:13

Fade mbi yeke sara titene ngia ti lo, amatanga ti lo, amatanga ti lo ti fini nze, alango ti lo ti wungo tere nga na akota matanga ti lo akai.

Osée 5:3

“Mbi, mbi hinga azo ti Efraim, azo ti Israel ahonde na le ti mbi pepe. Fadeso, ala azo ti Efraim, ala sara ye ti ndumba si azo ti Israel aga *sioni ndali ni.”

Osée 8:13

Ala yeke fâ anyama ti mu na *sandaga, ngbanga ti so ala ye ti te kasa ti anyama ni; me sandaga ni azia ngia na be ti KOTA GBIA pepe. Fadeso, KOTA GBIA adabe ti lo na sioni ti ala si lo yeke ga ti kiri na ala peko ti sioni ndali ti asiokpari ti ala. Fade ala yeke kiri na Ezipte.

Osée 9:9

Ala linda lindango na ya ti sarango sioni ye tongana ti so ala sara ando na Gibea. Me fade Nzapa ayeke dabe ti lo na sioni ti ala, lo yeke ga ti kiri peko ti sioni na ala ndali ti asiokpari ti ala.

Amos 2:4

Tënë so KOTA GBIA atene ayeke so: “Mbi yeke na tënë na azo ti Juda ndali ti asioni ye ota, wala osio so ala sara: ala baa ndia ti mbi KOTA GBIA tongana mbumbuse ye, ala ke ti sara ye alingbi na ambela ti mbi; ala mu peko ti anzapa ti mvene tongana ti so akotara ti ala asara ando. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 3:3

Tongana azo use ama tere kozoni pepe, ala lingbi ti tambula na lege gere oko?

Amos 6:1

Mawa na ala, azo so alango kpoo na gbata ti *Sion! Mawa na ala, azo so alango na ndö ti hoto ti Samarii si ala baa atene, mbeni sioni ye ti sarango ala ayeke daa pepe so! Azo ayeke baa ala tongana akota zo mingi na popo ti amara si azo ti Israel ayeke ga gi na mbage ti ala!

Mishe 2:3

Ndani laa, tënë so *KOTA GBIA atene ayeke so: “Baa, mbi yeke leke mbeni kota kpale ti tokua na ndö ti mara ti azo tongana ala so. Fade ala lingbi ti sigigi na ya ni pepe, ala lingbi ti tambula, li ti ala na nduzu pepe, ngbanga ti so ngoi ni ayeke duti ngoi ti kota kpale.”

Nahum 3:4

Aye so kue ayeke si, ngbanga ti so Ninive ayeke tongana wali-ndumba; lo sara aye ti ndumba ti lo ni ahon ndoni. Lo handa azo na lege ti pendere ti lo, na lege ti sarango yoro ti lo. Tongaso lo mu azo ti mara mingi na ngbaa.

Awatokua 17:26

Na lege ti zo oko, lo sara azo ti amara kue si lo zia ala na ndö ti sese kue. Lo leke angoi ti dutingo ti amara oko oko na ndö ti dunia so, lo fa katikati ti sese ti ala.

Rome 2:9

Azo so kue ayeke sara ye ti sioni, fade ye ti ngangu na pasi ayeke si na ala, azuife kozoni si na pekoni azo ti amara nde.

1 Korente 8:3

Me tongana zo aye Nzapa, Nzapa ahinga lo awe.

Ndia ti fani use ni 10:15

Me na popo ti amara kue, gi akotara ti ala oko laa be ti KOTA GBIA agbu ala si lo ye ala. Fadeso, ala *ahale ti ala laa lo soro ala na popo ti amara kue, tongana ti so a yeke baa ni laso so.

Ndia ti fani use ni 26:18

Laso KOTA GBIA asara si ala mu zendo so, atene: fade ala yeke duti azo ti lo wani, ala yeke sara ye alingbi na atënë ti ndia ti lo kue.

Ndia ti fani use ni 32:9

Me azo ti Israel ayeke azo so aga ti KOTA GBIA, *ahale ti Jacob aga ye ti lo.

Ndia ti fani use ni 4:32

Moïse akiri atene: Ala azo ti Israel, ala gbu li ti ala na ndö ti aye so asi giriri kozoni, ye so asi kozoni na ala, ngbene ye so Nzapa asara zo na ndö ti sese. Ala gbu li ti ala na ndö ti ye so asi, ti londo na mbeni mbage ti yayu asi na mbeni mbage ni. Mbeni kota ye tongaso asi laoko awe? Zo ama mbeni tënë tongaso laoko awe?

Ndia ti fani use ni 7:6

Biani, ala azo ti Israel, ala yeke azo so a zia ala nde ndali ti KOTA GBIA Nzapa ti ala. Ala yeke azo so lo soro ala na popo ti amara kue ti sese ti ga azo ti lo wani.

1 Pierre 4:17

Biani, ngoi so e yeke daa ayeke ngoi so Nzapa ayeke to nda ti fango ngbanga ti azo ti da ti lo. So Nzapa ayeke to nda ti fango ngbanga ti e kozoni so, fade ti azo so ake ti ma na be na Nzoni Tënë ti Nzapa ayeke duti tongana nyen?