Amos 3:15 - Mbeti ti Nzapa - Tënë so amu fini

¹⁵ Ada ti ala so ala leke ndali ti ngoi ti buru na ada ti ala so ala leke ndali ti ngoi ti ngu-Nzapa, fade mbi yeke kungbi ni kue na sese. Ada so ala sara na apembe ti doli, na akota da ni ayeke tuku kue na sese!” So tënë ti yanga ti KOTA GBIA laa.

Amos 3:15 ပူးပေါင်းရင်းမြစ်များ

1 Agbia 22:39

Tanga ti atënë na ndö ti Akab, aye so kue lo sara, tënë ti yangbo so lo leke na pembe ti doli nga na agbata so lo leke ni, a su tënë ni na ya ti “Mbeti ti aye so agbia ti Israel asara”.

Abia (Psaumes) 45:8

Mo ye sarango ye ti mbirimbiri, mo ke sarango ye ti sioni. Ndani laa, Nzapa, Nzapa ti mo asoro mo na popo ti amba ti mo kue ti ga gbia si lo tuku mafuta ti matanga na li ti mo.

Ésaïe 5:9

Mbi ma na mê ti mbi *KOTA GBIA so ayeke na ndö ti dunia kue adeba, atene: “Biani, fade gba ti apendere kota da so ayeke tuku kue na sese; azo ayeke lango na ya ni pepe.

Jérémie 36:22

Ye ni so asi na nze gumbaya ti ngu ni so. Andaa gbia aduti na ya ti da so a sara ndali ti ngoi ti de, na tere ti wâ so a sara na ya ti mbeni yongoro duke na nduzu; wâ ni ayeke za na dawa ti lo.

Amos 2:5

Fade mbi yeke bi wâ na ya ti kodro ti Juda si wâ ni ayeke gbi ayangbo ti gbata ti Jérusalem kue.”

Amos 3:11

Ndani laa, tënë so Kota Gbia NZAPA atene ayeke so: “Fade awato ayeke ngoro gbata ti Samarii, ala yeke kungbi ngangu gbagba ti mo na sese, ala yeke nzi aye ti ya ti ayangbo ti mo kue.”

Amos 5:11

Ala yeke sara ngangu na azo ti mawa, ala yeke gbu ale ti kobe ti azo ni na ngangu. Ndani laa apendere da so ala sara na têne so, fade ala yeke lango na ya ni pepe; anzoni vinye so ala lu so, fade ala yeke nyon vin ni pepe.

Amos 6:11

Biani, KOTA GBIA amu gi yanga: akota da ayeke tuku na sese gburrr; ataa akete da ayeke suru kirikiri.

Malashii 1:4

Tongana azo ti Edom atene: ‘A buba agbata ti e kue awe, me fade e yeke kiri ti leke ni senge.’ ” Tënë so KOTA GBIA so ayeke na ndö ti dunia kue atene ayeke so: “Ala kiri aleke ni ma! Me ti mbi, mbi yeke kungbi ni kue na sese. Fade a yeke iri ala: ‘Sese ti azo ti sarango sioni’, wala ‘Azo so KOTA GBIA asara ngonzo na tere ti ala kpu na kpu’.

Awafango-ngbanga 3:20

Gbia Eglon ayeke duti na ya ti kubu ti nduzu so a leke ndali ti lo; ya ti kubu ni ade pendere. Ehud apusu nduru na tere ti lo si atene na lo: “Tënë so mbi ye ti tene na mo so alondo na Nzapa.” Gbia alondo na nduzu.