Amos 3:14 - Mbeti ti Nzapa - Tënë so amu fini

¹⁴ Na lango so mbi yeke ga na tere ti azo ti Israel ndali ti asioni sarango ye ti ala, gi na lango so laa mbi yeke ga ti buba agbalaka so ayeke na Betel; fade a yeke kungbi adidi ti gbalaka ni si ala yeke ti na sese.

Amos 3:14 ပူးပေါင်းရင်းမြစ်များ

2 Agbia 23:15

Yosias akungbi ni na sese gbalaka so ayeke na gbata ti Betel nga na ndo so ayeke na ndö ti hoto so Yeroboam asara ti pusu azo ti Israel ti sara siokpari. Lo gbi ndo ni nga na keke so a leke si aluti na nduzu ndali ti nzapa-wali *Ashera, lo gbi ni si aga fuku.

2 Mbai 31:1

So matanga ni ahunzi awe, azo ti Israel so kue ayeke kâ ague na ya ti agbata ti Juda, ala fâ ya ti angbongboro têne so a leke si aluti na nduzu, ala kungbi na sese akeke so a leke si aluti na nduzu ndali ti nzapa-wali *Ashera, ala buba ando so azo aleke na ndö ti ahoto ti voro anzapa nde daa, ala buba nga agbalaka ti ando ni. Ala sara gi oko ye so na sese ti Juda kue, ti Benjamin, ti Efraim na ti Manase. Na pekoni, azo ti Israel kue akiri na ya ti agbata ti ala, zo oko oko na ndo ti lo.

Sigingo 32:34

Fadeso mo gue; mo mu azo ni, mo gue na ala na ndo so mbi tene tënë ni na mo so. Fade *ange ti mbi ayeke tambula na dawa ti mo. Me na lango so mbi yeke ga na tere ti ala, mbi yeke fâ ngbanga na li ti ala ndali ti siokpari ti ala.”

Amos 2:8

Abongo so ala gbu na maboko ti awayere ndali ti boon so awayere ni amu, ala bi na sese, nduru na tere ti agbalaka si ala yeke lango na ndö ni. Vin so ala gbanzi, ala ayeke nyon ni na ya ti da ti anzapa ti ala.

Amos 4:4

“Ala azo ti Israel, ala gue na Betel, ala sara siokpari ma; ala gue na Gilgal, ala sara siokpari ahon ti kozo! Ala mu asandaga ti ala na ndaperere ma; lango ota na pekoni, ala mu adime ti aye ti ala!

Amos 7:10

Amasia, wayango-sandaga ti Betel atokua na Yeroboam, gbia ti Israel, atene: “Amos ayeke gi lege ti kinda mo na ndö ti mbata ti mo ti gbia taa na kodro ti Israel. Azo ti kodro ni alingbi ti kanga be na atënë ti lo mbeni pepe.

Amos 7:13

Me na Betel, kiri mo tene peko ti tënë ti yanga ti Nzapa ni pepe, ngbanga ti so ndo so ge so ayeke ndo ti vorongo Nzapa ti gbia laa; ndo so kota da-Nzapa ti gbia ayeke daa laa!”

Amos 7:9

Ando so *ahale ti Isaac aleke na nduzu ti voro anzapa daa, fade a yeke buba ni kue; ando ti vorongo nzapa ti azo ti Israel, fade a yeke kungbi ni kue na sese, fade mbi yeke londo na bira na tere ti azo ti sewa ti gbia Yeroboam.

Amos 9:1

Mbi baa Kota Gbia aluti na nduzu na ndö ti gbalaka, lo tene: “Alingbi ala kungbi ali ti akota yongoro gere ti kota da ti Nzapa si agere ti da ni ayingi. Ala fâ li ti da ni si da ni atuku na ndö ti azo kue. Azo so angba na fini, fade mbi yeke sara si ala kui kuâ ti yongoro zeme; zo oko alingbi ti kpe pepe, zo oko alingbi ti soo kuâ pepe.