Amos 3:12 - Mbeti ti Nzapa - Tënë so amu fini

¹² Tënë so KOTA GBIA atene ayeke so: “Tongana ti so wabatango-taba ayeke gboto gi gere use wala nduru mê ti taba na yanga ti bamara so agbu mbeni taba, gi mara ti ye so laa ayeke si ande na azo ti Israel so ayeke lango na gbata ti Samarii; azo ti Israel so ayeke lango na ya ti ayongoro ngende, wala na ndö ti apendere gbogbo so, fade a yeke soo gi ambeni oko oko.”

Amos 3:12 ပူးပေါင်းရင်းမြစ်များ

1 Agbia 20:30

Atanga ni saki baleuse na mbarambara akpe ague na gbata ti Afek; me gbagba ti gbata ni akungbi ati na ndö ti ala. Ben-Hadad nga awara lege ti kpe. Lo gue, lo honde tere ti lo na ya ti gbata ni, na ya ti mbeni kubu ti da so ali mingi.

1 Agbia 20:34

Ben-Hadad atene na Akab: “Agbata so babâ ti mbi amu ando na maboko ti babâ ti mo so, mbi kiri ni na mo. Mo lingbi ti sara ando ti dengo buze ti mo na ya ti gbata ti Damas tongana ti so babâ ti mbi asara ando na gbata ti Samarii.” Akab atene: “Ti mbi, mbi yeke zia lege na mo ti gue tongana mbi na mo, e ga *ambuki si.” Tongaso Ben-Hadad na Akab aga ambuki. Na pekoni, Akab amu lege na lo ti gue.

1 Agbia 22:25

Mishe akiri tënë, atene: “Biani, fade mo yeke baa ni na lango so mo yeke londo na ya ti mbeni kubu ti hon na ya ti mbeni kubu nde titene mo honde tere ti mo.”

2 Agbia 16:9

Gbia ti Asirii ayeda na tënë ti Ahaz. Gbia ti Asirii ague ti tiri bira na gbata ti Damas si lo mu gbata ni. Lo gbu azo ti gbata ni, lo gue na ala na gbata ti Kir si lo fâ Resin.

Esther 1:6

A leke ya ti yangbo ni na apendere vuru bongo ti *len nga na kua ti tere ti taba so nzoroko ni akpa le ti nduzu. A kanga abongo ni na nduzu na kamba ti bongo so abe bengo; a kanga ni na tere ti *kati so a sara ni na wen ti nginza si a kanga ni na tere ti angbongboro yongoro gere ti da ni so a sara ni na têne ti marbre. A leke apendere kota ngende ti tengo kobe so ayeke na lôro nga na wen ti nginza. Sese ti yangbo ni ayeke na têne so abe bengo, mbeni avuru vurungo, mbeni ayeke za zango si mbeni avuko vukongo.

Esther 7:8

Gbia alondo na ndo so a lu apendere kongo daa so si lo kiri, lo ga na kota ya ti da ti tengo kobe ni. Tongaso, lo baa Haman so ati na tere ti Esther na ya ti kota ngende so Esther ayeke daa. Ngonzo ti gbia akiri alondo ngangu si lo dekongo atene: “Na ndö ni kue, lo ye ti gbu wali ti mbi na ngangu ti lango na lo taa na le ti mbi na ya ti yangbo ti mbi?” Gi so lo tene tënë ni tongaso, azo ti kua ti gbia agbu Haman si ala kanga le ti lo na bongo.

Abia (Psaumes) 132:3

“Da ti bongo so mbi yeke lango daa so, mbi yeke li na ya ni oko pepe, mbi yeke lango na ndö ti gbogbo ti mbi oko pepe,

Ésaïe 17:7

Na lango ni so, azo ayeke baa ndo na mbage ti lo so lo sara ala, ala yeke yo le ti ala na nduzu na mbage ti Nzapa ti Israel so ayeke nde si ayeke nzoni kue.

Ésaïe 31:4

Tënë so *KOTA GBIA atene na mbi laa: “Tongana bamara wala kete bamara ayeke toto ti bata nyama so lo gbu ti te, ataa azo airi gba ti awabatango-taba ti ga na tere ti lo, mbeto ti dekongo ti ala asara lo pepe, lo yeke zia nyama ni ndali ti wusuwusu ti ala pepe. Ye ni ayeke duti ande legeoko tongaso ndali ti mbi KOTA GBIA so mbi yeke na ndö ti dunia kue, mbi yeke zu na ndö ti hoto ti *Sion, ti tiri bira kâ.”

Ésaïe 8:4

Biani, kozoni titene molenge ni ahinga ti tene: ‘babâ’ na ‘mama’, fade azo ayeke mu amosoro ti gbata ti Damas na aye so ala gbu na peko ti bira na Samarii ti gue na ni na gbia ti Asirii.”

Amos 6:4

Ala yeke lango na ndö ti gbogbo so a sara na pembe ti doli; ala yeke lango na ya ti ayongoro ngende, ala yeke te akete taba nga na akete bagara ti mafuta so a soro ala na ya ti gbagba ti batango ala.

Amos 9:8

Baa, le ti Kota Gbia NZAPA ayeke na ndö ti kodro-gbia so siokpari asi singo na ya ni. So tënë ti yanga ti KOTA GBIA laa: “Fade mbi yeke zi kodro-gbia ni na ndö ti sese so, me mbi yeke hunzi *ahale ti Jacob kue pepe.