Amos 2:6 - Mbeti ti Nzapa - Tënë so amu fini

⁶ Tënë so KOTA GBIA atene ayeke so: “Mbi yeke na tënë na azo ti Israel ndali ti asioni ye ota, wala osio so ala sara: ala ka zo ti mbirimbiri ti wara na nginza, ala ka wayere ti wara na pâpä. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 2:6 ပူးပေါင်းရင်းမြစ်များ

2 Agbia 18:11

Gbia ti Asirii agbu azo ti Israel, ague na ala na kodro ti Asirii; lo zia ambeni na sese ti Hala, ambeni na tere ti ngu ti Habor, na sese ti Gozan si ambeni na ya ti agbata ti Medii.

2 Agbia 18:12

Aye so kue asi, ngbanga ti so azo ti Israel ama yanga ti *KOTA GBIA, Nzapa ti ala pepe, ala buba ya ti *mbuki ti lo. Aye so kue Moïse, zo ti kua ti KOTA GBIA amu ando yanga na ala ti sarango ni, ala ma ni pepe, ala sara nga ye alingbi na ni pepe.

Ésaïe 10:2

Ala yeke kanga lege titene a fâ ngbanga ti asenge zo na legeni, ala yeke gbanzi azo ti mbi so ayeke awayere na ye so ayeke ti ala. Ala yeke te awali-mua, ala yeke nzi aye ti anyindu.

Ésaïe 29:21

azo ni ayeke azo so ayeke bi tënë ti mvene na li ti azo, ala so ayeke zia kuku titene awafango-ngbanga ati daa, ala so ayeke fâ ngbanga na li ti azo so asara ye oko pepe.

Ezekiel 22:13

“Azo ti Jérusalem, mbi nga, mbi yeke pika maboko ti mbi ndali ti aye ti nzi so ala wara nga ndali ti mene ti azo so ala tuku.

Joël 3:3

Fade mbi yeke sara aye ti kpene na le ti nduzu nga na ndö ti sese: mene, wâ na angbongboro guru ti wâ;

Zakarii 11:5

Azo so ayeke vo ataba ni, ala yeke fâ go ti ala, me ala baa ti ala atene, tënë ayeke na li ti ala pepe. Ala so ayeke ka ataba ni ayeke tene: ‘E mu singila na KOTA GBIA. Baa, e ga azo ti mosoro awe!’ Me taa awabatango-taba ni ayeke baa mawa ti ataba ni oko pepe.