Amos 2:3 - Mbeti ti Nzapa - Tënë so amu fini

³ Fade mbi yeke mingo kota makonzi so ayeke sara kua na ya ti kodro ni; mbi yeke fâ amakonzi ti lo kue legeoko na lo”; tënë so KOTA GBIA atene laa.

Amos 2:3 ပူးပေါင်းရင်းမြစ်များ

Mbeti ti Job 12:21

Lo yeke bi buba na tere ti akota zo; lo yeke zi ngangu ti azo ti sarango ngangu na amba ti ala.

Abia (Psaumes) 141:6

Na ndembe so a zia amakonzi ti azo ni na ndö ti kota têne ti bi ala na gbeni, na ndembe so laa awato ti mbi ayeke hinga atene, tënë so mbi tene ayeke taa-tënë.

Abia (Psaumes) 2:10

Ala, agbia, fadeso ala sara ye na ndara si! Ala, amakonzi ti sese, ala ga azo ti mango ndo si!

Ésaïe 40:23

Lo sara si amakonzi ti dunia so aga ye oko pepe, lo sara si awafango-ngbanga ti sese so aga senge senge ye.

Jérémie 48:25

“A fâ ya ti ngangu ti Moab awe, komandema ti lo akungbi awe”; so tënë ti yanga ti KOTA GBIA laa.

Jérémie 48:7

Moab, ando mo zia be ti mo na ndö ti asarango ye ti mo nga na ndö ti amosoro ti mo. Mo nga, a gbu mo awe! Fade a yeke gbu nzapa ti mo Kemosh ti gue na lo na lo na kodro wande, lo na awayango-sandaga ti lo na amakonzi ti lo.

Amos 5:12

Biani, mbi hinga gba ti asioni ye so ala sara na asiokpari ti ala so ahon ndoni so. Ala yeke sara ngangu na azo ti mbirimbiri, ala yeke mu goro na maboko ti azo. Na le ti ngbanga, ala yeke kanga lege titene a fâ ngbanga ti azo ti mawa na legeni.

Amos 5:7

Ala sara si sarango ye na lege ti ndia aga tongana sioni yoro ti fango zo, ala yeke do na sese fango ngbanga ti mbirimbiri.

Amos 6:12

Laoko ambarata akpe loro na ndö ti akota têne? Laoko zo afâ yaka na abagara na ndö ti akota têne? Me ti ala, ala sara si sarango ye na lege ti ndia aga sioni yoro; ala sara si fango ngbanga ti mbirimbiri aga sioni yoro ti fango zo.

Wungo ti azo 24:17

Mbi baa ye so ayeke si gbanda, ye ni ayeke si fadeso pepe. Mbi baa mbeni ye so ayeke si ande, ye ni ayeke si fafadeso pepe. Mbeni tongoro ayeke sigigi na popo ti *ahale ti Jacob, mbeni gbia ayeke baa gigi na popo ti azo ti Israel. Lo yeke pika azo ti mara ti Moab na keke ti lo ti gbia, lo yeke pika abio ti li ti azo ti mara ti Set.