Amos 2:14 - Mbeti ti Nzapa - Tënë so amu fini

¹⁴ Ataa azo so gere ti ala ayapu na mungo loro, ala lingbi ti kpe pepe; ataa azo so ayeke na ngangu mingi, ala lingbi ti sara ye na ngangu ti ala ni pepe; ataa angangu turugu, ala lingbi ti soo fini ti ala pepe.

Amos 2:14 ပူးပေါင်းရင်းမြစ်များ

Mbeti ti Job 11:20

Me azo ti sioni, le ti ala ayeke ngba gi na lege ti ku; ndo ti bata tere ti ala daa, ala yeke wara ni pepe; gi kuâ laa ala yeke zia be ti ala ti ku ni.

Abia (Psaumes) 33:16

Na ya ti bira, gba ti aturugu laa ayeke soo gbia pepe; ngangu ti kpengba zo ti bira laa ayeke zi lo pepe.

Zo ti bongbingo azo 9:11

Mbi kiri mbi baa ambeni ye na ndö ti sese so. Azo so ayeke kpe loro mingi, ala yeke so benda lakue pepe; akpengba zo ayeke kinda amba ti ala na bira lakue pepe. Azo ti ndara ayeke wara kobe ti tengo ni lakue pepe; azo ti hingango ndo ayeke wara mosoro lakue pepe; azo so ahinga ye mingi laa, azo ayeke gonda ala lakue pepe. Azo so kue so, mbeni lâ ala lingbi ti duti nzoni, mbeni lâ ye ti vundu alingbi ti si na ala.

Jérémie 25:35

Ti azo ti li ni, ndo titene ala kpe daa ti honde tere ti ala ayeke daa pepe! Ti awabatango-taba, ndo titene ala kpe daa ayeke daa pepe!

Jérémie 39:4

Gi so Sedesias, gbia ti Juda, na aturugu ti lo kue abaa azo ni, ala kpe ahon. Ala sigigi na ya ti gbata ti Jérusalem na bi; ala mu lege so ahon na ya ti kete yaka ti gbia nga na yanga ti gbagba so ayeke na popo ti agbagba use. Na pekoni, ala mu lege so ague na popo-hoto ti Jourdain.

Jérémie 9:23

Tongana zo aye ti gonda tere ti lo, ayeke nzoni lo gonda tere ti lo, ngbanga ti so lo hinga ndo si lo hinga mbi. Ayeke nzoni zo ni ahinga atene, mbi yeke KOTA GBIA si mbi yeke sara ye na nzoni be; mbi yeke sara ye na legeni mbirimbiri na ndö ti sese. Ye so anzere na be ti mbi laa; so tënë ti yanga ti KOTA GBIA laa.”

Amos 5:9

Lo yeke sara si azo akinda zo ti ngangu, ala buba ngangu gbagba kue.