Amos 2:11 - Mbeti ti Nzapa - Tënë so amu fini

¹¹ Na pekoni, mbi soro na popo ti amolenge ti ala ti koli ambeni zo ti ga awayanga-Nzapa; mbi soro na popo ti ala ambeni maseka-koli titene ala deba yanga ti ala ti mu tere ti ala kue na mbi. Ala azo ti Israel, mvene laa mbi tene so? – so tënë ti yanga ti KOTA GBIA laa.

Amos 2:11 ပူးပေါင်းရင်းမြစ်များ

1 Agbia 17:1

Élie, zo ti kete kodro ti Tishebe, na sese ti Galaad atene na gbia Akab, atene: “*KOTA GBIA, Nzapa ti Israel ayeke na fini! Lo so mbi yeke sara na lo, mbi tene na mo: ‘Na ya ti angu so ayeke ga, ngu-Nzapa ayeke pika oko pepe, ataa ngu ti pere ayeke duti daa pepe, gi tongana mbi mu yanga si!’ ”

1 Agbia 18:4

Lani so Yezabel, wali ti gbia, afâ awayanga ti KOTA GBIA so, Obadia amu ambeni wayanga-Nzapa ngbangbo oko si lo honde ala. Lo mu ala baleoku, baleoku si lo honde ala na ya ti akota du ti têne use. Kâ, lo yeke mu na ala kobe na ngu.

1 Agbia 19:16

Na pekoni, mo tuku mafuta na li ti Yehu, molenge ti Nimshi titene lo ga gbia ti Israel. Fade mo tuku mafuta na li ti Élisée, molenge ti Shafat, zo ti gbata ti Abel-Mehola titene lo sara kua ti wayanga-Nzapa na peko ti mo.

1 Agbia 20:13

Tongaso mbeni wayanga-Nzapa aga abaa Akab, gbia ti Israel si atene na lo: “Tënë so *KOTA GBIA atene ayeke so: ‘Mo baa gba ti aturugu so? Gi laso laso, mbi yeke zia ala na maboko ti mo, tongaso si mo hinga, mo tene, mbi laa mbi yeke KOTA GBIA.’ ”

1 Agbia 20:35

Na ndembe ni so, *KOTA GBIA amu yanga na mbeni wayanga-Nzapa ti bongbi ti awayanga-Nzapa ti tene na mbeni mba ti lo, atene: “Mbi gbu gere ti mo, pika mbi!” Me mba ti lo ni ake.

1 Agbia 20:41

Hio tongaso, wayanga-Nzapa ni azi bongo so lo kanga le ti lo. Gbia abaa lo si ahinga atene, so mbeni wayanga-Nzapa ti bongbi ti awayanga-Nzapa laa.

1 Agbia 22:8

Gbia ti Israel akiri tënë na Yosafat, atene: “Mbeni zo oko ayeke daa so e lingbi ti hunda KOTA GBIA na lege ti lo; zo ni ayeke Mishe, molenge ti Imla. Me be ti mbi ake lo mingi, ngbanga ti so lo yeke tene na mbi peko ti tënë ti yanga ti Nzapa nzoni laoko pepe, me lakue gi sioni tënë.” Yosafat atene: “Ayeke nzoni gbia atene tënë tongaso pepe!”

2 Agbia 17:13

KOTA GBIA agboto mê ti azo ti Israel na azo ti Juda na lege ti awayanga-Nzapa kue nga na lege ti azo so ayeke baa nda ti aye, atene: “Ala zia sioni lege ti sarango ye ti ala, ala sara ye alingbi na tënë ti ndia ti mbi, ambela ti mbi nga na akpengba tënë ti mbi. Ala sara ye alingbi na *Ndia so mbi mu ando na akotara ti ala si mbi mu ni na ala na lege ti azo ti kua ti mbi, awayanga-Nzapa.”

2 Agbia 6:1

Mbeni lâ, azo ti ya ti bongbi ti awayanga-Nzapa atene na Élisée: “Ndo so e yeke duti daa na tere ti mo so ayeke kete mingi; ndo ni alingbi na e pepe.

2 Mbai 36:15

KOTA GBIA, Nzapa ti akotara ti ala amu ngoi ti lo kue ti tokua azo ti gboto mê ti ala, ngbanga ti so lo baa mawa ti azo ti lo nga na da ti lo wani so ayeke nde si ayeke nzoni kue.

Jérémie 11:21

Ndani laa, tënë so KOTA GBIA atene na tere ti azo ti Anatot, azo so aye ti fâ mbi si ala tene: “Mo zia ti tene peko ti tënë ti yanga ti KOTA GBIA; tongaso pepe, fade e yeke fâ mo.”

Jérémie 2:31

– Ala, azo ti fadeso, ala ma tënë ti KOTA GBIA mbirimbiri! – Ala, azo ti Israel, mbi ga tongana benyama ndali ti ala? Wala kodro so ndo avuko daa pitipiti? Ala, azo ti mbi, ndani nyen si ala yeke tene: ‘E yeke gue na ndo so be ti e aye, e yeke kiri na mo mbeni pepe’ so?

Jérémie 2:5

Tënë so *KOTA GBIA atene ayeke so: “Lawa laa akotara ti ala abaa mbeni ye ti kirikiri so mbi sara si ala hon yongoro na tere ti mbi so? Ala gue na peko ti asenge senge ye si ala nga, ala ga asenge senge ye.

Jérémie 26:11

Awayango-sandaga na awayanga-Nzapa atene na agbenyogbia ni nga na azo ni kue, atene: “Koli so alingbi na kuâ! Biani, lo tene peko ti tënë ti yanga ti Nzapa na ndö ti gbata so; tënë ni laa ala wani ama na mê ti ala so!”

Jérémie 7:25

Ti londo na lango so akotara ti ala asigigi na sese ti Ezipte ngbii asi laso, mbi mu ngoi ti mbi ti tokua na ala azo ti kua ti mbi kue so ayeke awayanga-Nzapa. Na ya ti lango oko oko, mbi yeke tokua ala.

Abia ti demango tere 4:7

Ando tere ti amolenge ti agbia ti Sion avuru tarara tongana tukia; avuru ahon ngu ti me ti bagara; tere ti ala abe pendere ahon têne ti korayi; tere ti ala avuru aza tongana têne ti safir.

Mishe 2:6

Ambeni zo ni ayeke diko gba ti atënë na tere ti mbi, atene: “Zia ti diko gba ti atënë so! Zia ti diko gba ti atënë so, mo tene: nyen na nyen kue, Nzapa ayeke zia kamene na le ti e so.

Awatokua 4:18

Tongaso ala iri Pierre na Jean si ala ke na ala na kuru go, atene: “Ala kiri adi iri ti Jésus wala ala kiri afa ye na iri ti lo oko pepe.”

Awatokua 5:28

“E ke fade na ala na kuru go titene ala fa ye na iri ti koli so. Me ye ni asara tongana nyen si fango ye ti ala ni amu ya ti Jérusalem kue so? Na ndö ni, ala kiri atene, e laa e fâ lo!”

Awatokua 7:51

“Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Ndia ti fani use ni 18:18

Fade mbi yeke tokua na ala mbeni wayanga-Nzapa tongana mo; wayanga-Nzapa ni ayeke duti mbeni ita ti ala. Mbi yeke zia tënë ti mbi na yanga ti lo si lo yeke tene na ala atënë so kue mbi yeke mu yanga na lo ti tene.

1 Samuel 19:20

Saul atokua azo ti gbu David. Azo ni aga abaa bongbi ti awayanga-Nzapa so ayeke tene peko ti tënë ti Nzapa. Samuel laa ayeke na li ti ala. Yingo ti Nzapa agbu azo so Saul atokua ala si ala nga asara ye tongana awayanga-Nzapa.

1 Samuel 3:20

Nilaa, ti londo na sese ti Dan ngbii asi na kodro ti Bersheba, azo ti Israel kue ahinga atene, Samuel aga fadeso wayanga-Nzapa awe.