Amos 2:10 - Mbeti ti Nzapa - Tënë so amu fini

¹⁰ Kozoni, mbi mu ala, azo ti Israel na kodro ti Ezipte mbi sigigi na ala, mbi fa lege na ala na ya ti benyama ngu baleosio titene ala gue, amu kodro ti mara ti Amori titene aga ti ala.

Amos 2:10 ပူးပေါင်းရင်းမြစ်များ

Néhémie 9:21

Mo bata ala ngu baleosio na ya ti benyama; mbeni ye atia ala pepe, bongo ti ala aga gbagba ni pepe, gere ti ala asuku pepe.

Abia (Psaumes) 95:10

Na ya ti ngu baleosio, azo ti ngoi ni so asara ye so aso be ti mbi, nilaa mbi tene: ‘Li ti azo so ague kirikiri awe, lege so mbi ye ala mu, ala hinga ni pepe.’

Sigingo 12:51

Taa gi na lango ni so, KOTA GBIA azi azo ti Israel na kodro ti Ezipte asigigi na ala na lege ti molongo ti amara ti ala.

Sigingo 20:2

“Mbi laa mbi yeke KOTA GBIA, Nzapa ti mo; mbi laa mbi sara si mo sigigi na Ezipte, ndo so lani mo yeke ngbaa daa.

Sigingo 3:8

Nilaa mbi zu ti zi ala na maboko ti azo ti Ezipte, ti mu ala na sese so ala yeke daa, ti gue na ala na mbeni nzoni sese so akono, so *ngu ti me ti bagara na mafuta ti wotoro asi singo daa. Sese ni ayeke sese ti azo ti Kanaan, ti azo ti mara ti Het, ti Amori, ti Perizi, ti Hivi na ti Yebus.

Jérémie 2:6

Ala hunda tere ti ala pepe, atene: ‘KOTA GBIA ayeke na ndo wa? Lo so asara si e sigigi na kodro ti Ezipte si lo fa lege na e na ya ti benyama so? Benyama ni ayeke gi ndo ti gba ti mbutu na adu; ndo so ahole kasakasa, ndo so avuko pitipiti, ndo so zo ayeke hon daa pepe, ndo so zo ayeke lango daa pepe.’

Ezekiel 20:10

Tongaso mbi sara si ala sigigi na sese ti Ezipte si mbi gue na ala na benyama.

Amos 3:1

Ala azo ti Israel, ala azo ti sewa so *KOTA GBIA asara si ala sigigi na Ezipte, ala ma tënë so lo tene na tere ti ala, lo tene:

Amos 9:7

So tënë ti yanga ti *KOTA GBIA laa: “Ala azo ti Israel, na le ti mbi, ala ne ahon azo ti Etiopii? Mbi mu ala na sese ti Ezipte, mbi sigigi na ala, mbi mu nga azo ti Filistii na ti Kaftor, mbi sigigi na ala si mbi mu nga azo ti Sirii na ti Kir, mbi sigigi na ala. Tënë ni ayeke tongaso pepe?”

Mishe 6:4

Mbi mu ando ala na sese ti Ezipte, mbi sigigi na ala; mbi zi ala na gbe ti ngbaa si mbi tokua Moïse, Aaron na Miriam ti fa na ala lege. So sioni laa mbi sara so?

Wungo ti azo 13:32

Ala to nda ti tene sioni tënë ti kodro ni na dawa ti azo ti Israel, kodro so ala gue, abembe ndo daa so. Ala tene: “Kodro so e gue, e bembe ndo daa so ayeke kodro so asara si azo so aga ti sara kodro kâ akui. Azo ti kodro ni kue ayeke ayongoro zo.

Wungo ti azo 21:25

Azo ti Israel amu agbata ti azo ti Amori kue, ala mu nga gbata ti Heshebon na akete kodro so kue ayeke na tere ni si ala sara kodro kâ.

Wungo ti azo 32:13

Tongaso, ngonzo ti KOTA GBIA alondo tongana wâ na tere ti azo ti Israel, lo sara si ala tambula na ya ti benyama, ala si kâ, ala si ge, na ya ti ngu baleosio, ngbii azo ti Israel so kue asara ye ti ke yanga ti KOTA GBIA so, ala kui kue ahunzi.

Awatokua 13:18

Nduru na ngu baleosio, lo bata ala na ya ti benyama.

Awatokua 7:42

Nilaa Nzapa azia ala titene ala voro atongoro ti yayu, tongana ti so a tene tënë ni na ya ti mbeti ti awayanga-Nzapa, atene: ‘Ala azo ti Israel, anyama so ala fâ nga na sandaga so ala mu na ya ti ngu baleosio so ala sara na benyama so, ala ga na ni na mbi?

Ndia ti fani use ni 1:39

Na pekoni, KOTA GBIA atene na ala kue, atene: “Ala tene: ‘Fade akete molenge ti e ayeke ga tongana ye so a gbu na peko ti bira.’ Laso, amolenge ni ade ti hinga popo ti nzoni na sioni pepe. Me amolenge ni laa ayeke si ande na sese ni. Mbi yeke mu sese ni na ala, ala yeke mu ni si ayeke ga ti ala.

Ndia ti fani use ni 2:7

– Biani, ala azo ti Israel, KOTA GBIA asara tufa na ndö ti ala na ya ti aye so kue ala sara. Lo baa ndo na ndö ti ala na ndembe so ala hon na ya ti kota benyama so. Na ya ti ngu baleosio kue, KOTA GBIA Nzapa ti ala ayeke na ala, ye oko atia ala pepe. –

Josué 13:4

na Mbongo. Sese so angba titene ala mu ni ayeke sese kue ti azo ti Kanaan, ti londo na Ara, so ayeke ti azo ti Sidon, ague ngbii asi na Afek so ayeke katikati ti sese ti azo ti Amori.

Josué 24:8

Na pekoni mbi gue na ala, azo ti Israel na sese ti azo ti mara ti Amori so ayeke na To ti ngu ti Jourdain. Azo ti Amori ni atiri bira na ala si mbi zia azo ti Amori ni na maboko ti ala. Ala azo ti Israel, ala mu sese ti azo ni aga ti ala, ngbanga ti so mbi fâ azo ni, mbi hunzi ala kue na dawa ti ala.