Amos 1:9 - Mbeti ti Nzapa - Tënë so amu fini

⁹ Tënë so KOTA GBIA atene ayeke so: “Mbi yeke na tënë na azo ti Tir ndali ti asioni ye ota, wala osio so ala sara: ala gbu azo ti akete kodro si ala ka ala kue kue kue na azo ti mara ti Edom. Ala buba lege ti *mbuki ti ala na a-ita ti ala, azo ti Israel awe. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 1:9 ပူးပေါင်းရင်းမြစ်များ

2 Samuel 5:11

Hiram, gbia ti Tir atokua azo na David; lo tokua nga akeke ti sedre, asarapande na azo ti surungo ya ti têne titene ala sara da na David.

Abia (Psaumes) 83:7

Azo ni ayeke azo ti Edom, ti Ismael, ti Moab na azo ti Agar,

Jérémie 25:22

– agbia kue ti Tir, ti Sidon na ala ti sese so ayeke na mbeni mbage ti kota ngu-ingo;

Jérémie 47:4

ngbanga ti so lango titene ye kue abuba na ndo ti azo ti Filistii alingbi awe, lango ti zi na gbata ti Tir na ti Sidon zo so angba na fini si alingbi ti mu maboko na ala. Biani, KOTA GBIA abuba ye kue na ndo ti azo ti Filistii, so ti tene azo ti zoa ti Kaftor so angba na fini.

Ezekiel 27:1

Tënë ti *KOTA GBIA asi na mbi, atene:

Ezekiel 27:27

Amosoro ti mo, akungba ti mo, akungba ti mo ti ngere, azo ti mo so ayeke tambula na mangboko na le ti ngu, azo ti mo so ayeke sara kua na ya ti mangboko, azo so ayeke leke mangboko ti mo tongana akoro, azo ti dengo buze ti mo, aturugu so kue ayeke sara kua na mo, gba ti azo so abongbi na ndo ti mo, aye so kue alinda taa na gbe ti kota ngu-ingo, na lango ti tingo ti mo.

Ezekiel 28:1

Tënë ti *KOTA GBIA asi na mbi, atene:

Ezekiel 28:18

Na lege ti dengo buze ti mo so ayeke na legeni pepe, na lege ti asiokpari mingi so mo sara, mo sara si ando so mo zia nde ndali ti anzapa ti mo aga sioni. Ndani laa, mbi yeke sara titene mbeni wâ asigigi na ya ti gbata ti mo ti gbi mo kue. Mbi yeke sara titene mo ga mburu ti wâ na le ti azo so ayeke baa mo.

Amos 1:11

Tënë so KOTA GBIA atene ayeke so: “Mbi yeke na tënë na azo ti Edom ndali ti asioni ye ota, wala osio so ala sara: ala mu yongoro zeme si ala tumba peko ti a-ita ti ala, azo ti Israel, ala baa mawa ti a-ita ti ala ni oko pepe. Na ya ti ngonzo ti ala, ala ngba ti fâ a-ita ti ala ni, ala bata ala na be lakue. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 1:6

Tënë so *KOTA GBIA atene ayeke so: “Mbi yeke na tënë na azo ti Gaza ndali ti asioni ye ota, wala osio so ala sara: ala gbu azo ti akete kodro kue kue kue si ala ka ala na azo ti mara ti Edom. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Abdias 1:11

Na lango so awato agbu aturugu ti a-ita ti ala ti hon na ala, ala yeke lani daa. So lani awande ali na ya ti gbata ti Jérusalem si ala bi mbeni ye ti baa lege so ala lingbi ti kangbi ya ti amosoro ti gbata ni, ala azo ti Edom nga, ala sara ye tongana ti azo ni.

Zakarii 9:1

Nengo tënë ti *KOTA GBIA. Tënë ti KOTA GBIA ague, asi na sese ti Hadrak, tënë ni ague, aluti na gbata ti Damas. Biani, le ti KOTA GBIA ayeke gi na ndö ti amara ti Israel oko pepe, me le ti lo ayeke nga na ndö ti azo kue.

Matthieu 11:21

Lo tene na ala: “Mawa na mo, gbata ti Korazen! Mawa na mo, gbata ti Betsaida! Biani, tongana aye ti kpene so asi na ndo ti ala so asi ando na sese ti Tir na ti Sidon, ka azo ni ayu bongo ti mua, ala tuku mburu ti wâ na li ti ala aninga awe ti fa atene, ala zia ngbene lege ti sarango ye ti ala awe!

Matthieu 11:22

Ndani laa, mbi tene na ala: na lango ti fango ngbanga, fade a yeke fâ ngbanga ngangu na li ti ala ahon ti Tir na ti Sidon.

Nzoni Tënë so Luc asu na mbeti 10:13

“Mawa na mo, gbata ti Korazen! Mawa na mo, gbata ti Betsaida! Tongana aye ti kpene so asi na ndo ti ala so asi ando na sese ti Tir na ti Sidon, ka azo ni ayu bongo ti mua, ala duti na ya ti mburu ti wâ aninga awe ti fa atene, ala zia ngbene lege ti sarango ye ti ala awe!

Nzoni Tënë so Luc asu na mbeti 10:14

Ndani laa, na lango ti fango ngbanga, fade a yeke fâ ngbanga ngangu na li ti ala ahon ti Tir na ti Sidon.