Amos 1:8 - Mbeti ti Nzapa - Tënë so amu fini

⁸ Fade mbi yeke mingo makonzi ti Asdod, mbi yeke mingo lo so ayeke sara komandema na Askalon; mbi yeke kiri maboko ti mbi ti pika gbata ti Ekron si tanga ti azo ti mara ti Filistii ayeke kui”; tënë so Kota Gbia NZAPA atene laa.

Amos 1:8 ပူးပေါင်းရင်းမြစ်များ

2 Mbai 26:6

Ozias ague ti tiri bira na azo ti Filistii. Lo kungbi na sese angangu gbagba ti Gat, ti Yabne na ti Asdod. Na pekoni, lo sara agbata na sese ti Asdod nga na sese ti azo ti Filistii.

Abia (Psaumes) 81:14

Âa! Tongana azo ti mbi ama fade mbi, tongana azo ti Israel atambula fade na lege ti mbi,

Ésaïe 1:25

Jérusalem, fade mbi yeke ga na tere ti mo; mbi yeke *sukula sioni ti mo tongana ti so a yeke kporo wen na ya ti wâ na taa nzoni kode ni ti zi zende na tere ni, mbi yeke zi asioni ti mo kue.

Ésaïe 20:1

Ye ni asi na ngu so Sargon, gbia ti Asirii atokua turugu ti kota kamba ti lo ti gue ti tiri bira na gbata ti Asdod si lo mu gbata ni.

Jérémie 47:1

Tënë ti *KOTA GBIA asi na wayanga-Nzapa Jérémie ndali ti azo ti Filistii. Tënë ni asi na lo kozoni si Faraon ague ti tiri bira na Gaza.

Ezekiel 25:16

Ndali ni, tënë so mbi Kota Gbia NZAPA, mbi tene ayeke so: Fade mbi yeke yoro maboko ti mbi ti pika azo ti Filistii, mbi yeke fâ ala kue kue kue, azo ti Kaftor, ala so ayeke lango na yanga ti kota ngu-ingo so.

Joël 3:4

lâ ayeke ga vukongo ndo, nze ayeke ga bengba tongana mene. Na pekoni, fade *lango ti KOTA GBIA ayeke si, kota lango, lango so ayeke zia mbeto na be ti zo.”

Amos 1:7

Fade mbi yeke bi wâ na gbagba ti Gaza si wâ ni ayeke gbi ayangbo ti gbata ni kue.

Amos 3:9

Na ndö ti ayangbo ti gbata ti Asdod, ala dekongo; na ndö ti ayangbo ti Ezipte, ala dekongo, ala tene: “Ala bongbi tere ti ala na ndö ti ahoto ti Samarii, ala baa gba ti wusuwusu so azo ayeke sara na aye ti ngangu so azo ayeke sara na amba ti ala na ndö ti ahoto ni!”

Abdias 1:18

Fade ahale ti Jacob ayeke ga tongana wâ si ahale ti Joseph ayeke ga tongana menga ti wâ. Me ahale ti Ezau ayeke ga tongana holengo pere so a zia wâ daa si agbi kue. Fade mbeni zo oko ti mara ti Ezau ayeke ngba na fini pepe.” *KOTA GBIA laa atene tënë so.

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Zakarii 9:5

Na bango aye ni so, mbeto ayeke sara azo ti gbata ti Askalon, azo ti gbata ti Gaza ayeke do na mbeto; azo ti Ekron ayeke do nga na mbeto, ngbanga ti so azo ti Tir ayeke kiri ti mu maboko na ala pepe. Gbia ayeke kiri ti duti na Gaza pepe si zo ayeke kiri ti lango na Askalon pepe.

Zakarii 9:6

Gi amolenge so zo ahinga babâ ti ala pepe laa ayeke lango ande na Asdod. Nilaa KOTA GBIA atene: “Fade mbi yeke zi baba ti azo ti Filistii;

1 Samuel 6:17

Baa, aye so azo ti Filistii amu lôro asara na ni si akpa sukungo ye si ala mu na KOTA GBIA ndali ti siokpari ti ala laa: Ala mu ye ni oko ndali ti gbata ti Asdod, oko ndali ti gbata ti Gaza, oko ndali ti gbata ti Askalon, oko ndali ti gbata ti Gat, oko ndali ti gbata ti Ekron.