Amos 1:5 - Mbeti ti Nzapa - Tënë so amu fini

⁵ Fade mbi yeke sara si angbongboro wen ti yanga ti agbagba ti gbata ti Damas akungbi; mbi yeke mingo makonzi so ayeke na popo-hoto ti Aven, mbi yeke mingo lo so ayeke sara komandema na Bet-Eden. Tongaso fade a yeke gbu azo ti Sirii ti gue na ala na kodro ti Kir”; so tënë ti yanga KOTA GBIA laa.

Amos 1:5 ပူးပေါင်းရင်းမြစ်များ

2 Agbia 14:28

Tanga ti atënë na ndö ti Yeroboam, aye so kue lo sara, akota ye so lo sara, abira so lo tiri, lege so lo mu gbata ti Damas nga na gbata ti Hamat so ayeke lani na gbe ti Juda si lo kiri na ni na gbe ti Israel; aye so kue, a su tënë ni na ya ti “Mbeti ti aye so agbia ti Israel asara”.

2 Agbia 16:9

Gbia ti Asirii ayeda na tënë ti Ahaz. Gbia ti Asirii ague ti tiri bira na gbata ti Damas si lo mu gbata ni. Lo gbu azo ti gbata ni, lo gue na ala na gbata ti Kir si lo fâ Resin.

Ésaïe 22:6

Aturugu ti Elam ayo bozo ti akokora; ala yeke na ndö ti apusu ti mbarata nga na ndö ti ambarata. Aturugu ti Kir aleke *avala ti ala.

Ésaïe 43:14

*KOTA GBIA so azi ala na gbe ti ngbaa, Nzapa ti Israel, lo so lo yeke nde si lo yeke nzoni kue, baa, tënë so lo tene ayeke so: “Ndali ti ala, mbi tokua mbeni zo ti tiri bira na Babilone. Fade mbi yeke kinda ala si ala kue aga tongana azo so ayeke kpe. Tongaso, fade dekongo ti ngia ti azo ti Babilone ayeke ga bia ti demango tere.

Ésaïe 8:4

Biani, kozoni titene molenge ni ahinga ti tene: ‘babâ’ na ‘mama’, fade azo ayeke mu amosoro ti gbata ti Damas na aye so ala gbu na peko ti bira na Samarii ti gue na ni na gbia ti Asirii.”

Jérémie 50:36

Bira aga na tere ti azo ti bingo mbadi! Ayeke nzoni ala ga azo ti buba! Bira aga na tere ti aturugu ti Babilone! Ayeke nzoni mbeto ahon ndö ti ala!

Jérémie 51:30

Angangu zo ti bira ti Babilone azia lege ti bira awe, ala honde tere ti ala na ya ti ngangu gbagba ti bira ti ala kâ. Ngangu ti ala kue ahunzi awe, ala ga tongana awali. A zi ayanga ti gbata ni polele awe; a gbi ada ti lango ti azo ti Babilone kue awe.

Abia ti demango tere 2:9

Ayanga ti gbagba ti gbata ti Sion ati, alango na gbe ti akungbingo gbagba ni. Angbongboro wen ti yanga ti gbagba ni so, lo de ya ni nduru nduru. A gbu gbia ti gbata ni na agbenyogbia ti lo si a gue na ala na popo ti amara nde. Tënë ti yanga ti Nzapa ayeke daa mbeni pepe; ataa azo ti tenengo peko ti yanga ti lo kue, lo kiri lo tene tënë na ala na lege ti mbeni ye tongana bango-li pepe.

Ezekiel 27:23

Mo na agbata ti Haran, ti Kane na ti Eden ayeke de buze; mo na azo ti dengo buze ti Saba na agbata ti Asur na ti Kilmad ayeke de nga buze.

Ezekiel 30:17

A yeke fâ amaseka-koli ti One na ti Pi-Beset na ya ti bira si a yeke gbu tanga ti azo ti gbata ni ti gue na ala na kodro wande.

Osée 10:8

Ando so azo aleke na nduzu ti voro anzapa ti mvene daa so, fade a yeke buba ni kue; ando ni so laa ayeke siokpari ti azo ti Israel. Fade akamba ti ki na aki ayeke kanga ndö ti agbalaka ti ala. Fade azo ti Samarii ayeke tene na akota hoto: “Ala kanga ndö ti e!” Ala yeke tene na akete hoto: “Ala ti na ndö ti e!”

Amos 5:5

Me ala gue, agi mbi na Betel pepe, ala li na Gilgal pepe, ala gue, asi kâ na Bersheba pepe. Biani, fade a yeke gbu azo ti Gilgal kue ti gue na ala na kodro wande si Betel, da ti Nzapa ayeke ga da ti ayanda.”

Amos 9:7

So tënë ti yanga ti *KOTA GBIA laa: “Ala azo ti Israel, na le ti mbi, ala ne ahon azo ti Etiopii? Mbi mu ala na sese ti Ezipte, mbi sigigi na ala, mbi mu nga azo ti Filistii na ti Kaftor, mbi sigigi na ala si mbi mu nga azo ti Sirii na ti Kir, mbi sigigi na ala. Tënë ni ayeke tongaso pepe?”

Nahum 3:13

Azo ti bira ti mo awoko gi tongana awali, ayanga ti kodro ti mo kue azi kota na awato ti mo. Wâ agbi angbongboro keke so ayeke kanga na ayanga ti gbagba ti kodro ti mo.